إلى جميع مبتعثي المستقبل مبتعثي الدبلوم هنا تجمعنا
إلى جميع مبتعثي المستقبل مبتعثي الدبلوم هنا تجمعنا
تنبيه: هذا الموضوع قديم. تم طرحه قبل 6399 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - السلام عليكم7 "
يا اخواني يا اخواتي وينكم احد يرد علينا
وين سلين ابن ناجي وعواد سلامات وينكم
طمنونا - 7 "السلام عليكم
مساكم الله بالخير
انا والله ابي اعتذر عن الحماس اللي اخذني امس
بس لا تلوموني والله ياجماعة انا توظفت الا توقيع وبعد مو اي وظيفه الف واحد يتمناها بالجبيل واسائلو اي واحد بالجبيل عن شركة شفرون فليبس السعودية كيف ان رواتبها حلوه وعلاواتها احلى
المهم انا اللي ابي اقوله اني ما تركت الوظيفه وودي اتغرب وابعد عن اهلي الا والله بصافي النية وودي اكمل دراستي(ولتوضيح انا لما تركت الوظيفه تركتها عشان اترك مكان للخوياي)
وكلامي اللي امس ترى مو قصدي اني اقلل من مهام احد بس والله كل اللي ابي اوصله اني اكون معكم قلبا وقالبا واحاول اخدمكم
وياليت نشوف تقدم بالموضوع
وموفقين اجمعين
اطيب تحياتي - طمنونا يا جماعه وش صار على الإيميلات؟؟7 "
- Talal7 "
انا شكلي اعرفك انت كنت في اي قسم في شركة شفرون لاني طبقت في نفس الشركة
على العموم احنا كلنا نبي نكمل دراستنا و حياك الله معانا - أهلين شباب..7 "
واليكم الجديد:
بادئ الأمر أردنا أن نعتذر عن عدم القدرة على التواجد في الملتقى وذلك بسبب الانشغال في جمع البيانات، وترتيبها، والمحاولات العديدة للحصول على موعد، و التأخير في الحصول على المعلومات الجديدة التي يمكننا تزويدكم بها..
والآن أترككم مع الجديد:
بعد ترتيب البيانات الواصلة لنا عبر بريد طلبة الدبلوم قام مراسلنا إلى الديوان الملكي
(ابن ناجي) بمحاولة الحصول على موعد لمقابلة الغالي بو متعب ليقدمها له مع خطاب يشرح فيه حالنا ويطالب لنا بحقنا في الإبتعاث..
ولكن للأسف لم يستطع فعل ذلك في الوقت الحالي وذلك بسبب ازدحام جدول أعمال الملك حفظه الله..
لذلك فكرنا بحل آخر..
وهو إرسال البيانات على الفاكس، ولكن..
عندما اتصلت بالديوان الملكي بجدة وطلبت رقم الفاكس قال لي موظف الديوان انو ما في أمل الملك يقراه لأن الموظف هو اللي يستلم الفاكسات وما يعطي الملك إلا الخاص بالشغل..
وأعطاني حلين:
الأول: نرسل له برقية نشرح فيها موضوعنا بشرط إن البرقية لايكون فيها أكثر من اسم واحد لأن أي برقية تحمل اسمين أو أكثر لا ينظر في أمرها..
وسألني انتوا تبون ترسلون للملك بأي خصوص؟؟
قلت له: بخصوص طلبة الدبلوم..
قال: بس فهمت..
طيب أرسلوا له برقية توضحون فيها أموركم..
قلت له: إحنا أرسلنا له برقيه من قبل ومشت أمورها لين وصلت لإدارة البعثات وتحولت المعاملة للحفظ ..
قال: طيب عندكم أرقام المعاملات وتواريخها من يوم ترسلوها برقيه للديوان الملكي لين وصلت لإدارة البعثات..
قلت: إي..
قال: طيب أرسلوها لنا في برقية بشرط ما يكون فيها أكثر من اسم..!!
قلت له: إحنا فوق المية طالب وطالبة دبلوم محرومين من إكمال نصف شهادتنا الضائع وقاعدين نطالب بحقنا في الإبتعاث ولو كل واحد أرسل لكم برقية هل بتشتغلون على السالفة كلها وإلا كل واحد لحالة؟
قال: بننظر لكل برقية على حده وعلى إنها طلب مستقل عن الثانية..
واليكم طرق إرسال البرقيات:
الطريقة الأولى:
دقوا على الرقم (907) وانتوا حاطين قبالكم رقم سجلكم المدني ورقم جوالكم ورقم البيت، ولا تنسوا الخطاب اللي تبون ترسلونه..
بعدين بتسمعوا الشريط واضغطوا على التحويلات اللي توصلكم لإرسال البرقية (على ما اعتقد إنها كانت 2 بعدين 1 وبعدها 1 بس تأكدوا أحسن..)
المهم بتتحولوا على موظف البريد والبرق وتطلبوا منه إرسال برقيه للملك..
على طول بيسألكم عن سبب ارسال البرقية وبياناتكم الشخصية (الاسم رباعي حسب الجواز، رقم السجل المدني، رقم الجوال، ورقم البيت) بعدين بيسألكم عن نص البرقية إذا كان جاهز وإلا لا وتملوه إياه وهو يكتب وفي الأخير بعيد النص لكم عشان لو كان فيه أي غلط أو أي شي تبون تغيرونه أو تعدلون عليه..
ملاحظة مهمة:
يحتسب سعر واحد ريال عن كل كلمة في البرقية..
الطريقة الثانية:
إنكم تروحون مركز البريد والبرق الموجود في منطقتكم وتتفاهمون مع موظف البريد والبرق الموجود هناك وأكيد بتكونون حاملين معاكم الأشياء المهمة اللي ذكرناها فوق (اللي هي: بطاقة الأحوال أو السجل المدني "الأصل"، رقم الجوال، رقم البيت، ونص البرقية المطلوب إرسالها)
ملاحظة مهمة:
أيضاً يحتسب سعر واحد ريال عن كل كلمة في البرقية..
أما بالنسبة للحل الثاني:
أن يتم إرسال البيانات مع خطاب موجه لولي الأمر (بو متعب الله يخليه لنا ذخر) عن طريق البريد..
مع العلم إن الرسالة عن طريق البريد تطول على ما توصل..
هاذي الحلول اللي عندي يا جماعة الخير والله يسوي اللي فيه الخير..
وسلامتكم..
نسألكم الدعاء..
- 7 "الله يعطيك العافي اختي سلين (السفيرة )
والشباب ابن ناجي وسفير طلبة الدبلوم (awad) والله ماقصرتوا والله يعطيكم الف عافية على الجهد اللي بذلتوه وانا عندي مبداأ اللي حاول يسوي معروف ولا نجح في غايته مثل اللي سواه فعلا
واحنا اليوم وبكرة وكل يوم راح نكون متفائلين واملنا بالله كبير
تحياتي للجميع - 7 "يعطيك الف عافيه يا اخت سلين ما قصرتي صراحه
طيب ممكن نتفق ونعرف بضبط وش نحط نص للبرقية؟
لئنو صراحه احس انها محتاجه بلاغة خفيه وتكون في نفس الوقت قصيرة
او اذا احد عنده راي ثاني؟
وبعدين يا جماعة انا بحياتي كلها ما ارسلت برقية ولا اعرف كيف طبيعتها
اسمع فيها ولا عمري سويتها
صراحه انا مستعد الحين ارسل البرقية
وشكرا مجددا اخت سلين - 7 "على الاقل نكسب شرف المحاوله
واسعى يا عبدي وانا اسعالك
ولا لا يا kareem - .. ما شاء الله عليكم نفسكم طويل مرة ..7 "
.. أدعي لكم من كل قلبي تحصلون على مرادكم ..
انا معاك في نفس الكلية ونفس القسم