تكفى....طلب من كل متعثر ومتعثرة بالمنتدى

اسعد بنت يا ربي يسعدك

اقترااح

شوفو توقيعي . و خلوه توقيعنا كلنا ( للمتعثرين فقط ) , ما منه فايده بس كذا شي نفسي

يا موووووودم يا بعد قلبي هون على نفسك

والله الدكتور.......... قالي بلسانه فيه ناس أسمائهم صدرت من عند الوزير بالإبتعاث وطلب الوزير عدد أكثر ومن ثم أرسلو له أسمااء جديده حتّى يعتمدهم ويضمهم مع الأسمااء السابقه



وبصراحه انا راح أقول لك معاناتي وتعبي لين اخذت البكلوريوس من جامعة الملك سعود... حتّى تعرف إنها هي كذا الحياة

هي كذا الحياه ما صفت لأحد

بديت في كليّة الهندسه طالب مستجد كلّي أمل في الحياه وكلّي خوف من ما يخفيه المستقبل

بدات دراستنا مواد علميه رياضيات فيزياء كيميا إنقلش.... والله العضيم يالكتاب إنه فوق الألف صفحه وكله إنقلش الدكاتره أجانب ما يتحدثون العربيّه اصلا حسيت نفسي من أول شهر وصط طامّه أدرس ليل نهار حتّى أتوقع نفسي فاهم ثم تطلع نتائج الإختبارات أروح أرمي نفسي في البيت يوم ما أقدر أكلّم أحد نتائج زفت والطموووح أصبح يحترق وسط نااار

قررت في حينها أستشير أخوي لأنه برضه مهندس وكان على وشك التخرج أنا نويت أحذف الترم وأبدا الترم اللي بعده بمجهود مختلف لكن أخوي رفض ويا ليته ما رفض المهم إنّي عديت ذاك الترم بنجاح ومعدّل محزن قالو لي ترى معدّل الفصل الثاني يرفع المعدّل بمقدار النصف يعني شد حيلك فيه وراح تعوض..شدّيت حيلي وعوّضت بعض الشيء وتحسنت الأمور وكنت راح أرفع المعدل لولا وفاة الوالد الله يرحمه في منتصف دراستي وأنا الآن تخرجت ومرّرت السنين كلمح البصر وتوظفت والحمدلله...وأنا ترى مثلك من المتعثرين في الماجستيرالمهم يا مودم لا تكون ضعيف فيه ناس من زملائك معك الآن في الدراسه مشت أمورهم فقط لأنهم عرفو يديرو الأمور
تبي نصيحتي عوّد نفسك في العمل على خطّين بنفس القوّه (البعثه -والدراسه) ولازم تكون مرح مع نفسك حتّى تستطيع المقاومه...

وفي كل الأحوال نصيحتي لك لوجه الله إقرأ القرءان

(ألا بذكر الله تطمئن القلوب)

وإذا أصابتك مصيبه فقل (إننا لله وإنا إليه راجعون)

يقول رسول الله صلى الله عليه وسلم : { ما من عبد تصيبه مصيبة فيقول : إنا لله وإنا إليه راجعون , اللهم آجرني في مصيبتي وأخلف لي خيرا منها إلا آجره الله في مصيبته وأخلف له خيرا منها } .

وأنا أقول يا مودم سنه مضت بأذن الله بسيطه باقي فيه مرحله قادمه وأتوقع بأذن الله ما في زحمه فيها مثل البرنامج الثالث لأن إفتتاح المعدّل 3-5 أو 2-4 توهم بدو فيه البرنامج 3 عشان كذا الزحمه كانت ولم يبقى إلا 5000 متعثرين من ما يقارب 40000 يعني بأذن الله بعد كم شهر إذا بدأت المرحله4 يكون ما في زحمه

وحبيت أقول مقوله سئل فيها أحد السلف قال: (لو عرضت عليك الأقدار فما هو الطريق الذي ستختاره...فقال: والله لو خيّرت بين طرق الحياه ما أخترت إلا الطريق التي أختارها الله لي)

لا شك إن الإنسان يجهل ما في الغيب والله قدّر الأقدار(رفعت الأقلام وجفت الصحف)

لذا عزيزي مووووودم لا تقنط ولا تيأس (إنه لا ييأس من روح الله إلا القوم الكافرون)

وإعلم أن الله ينزل في الثلث الآخير من اليل
هذا كلام رسول الله صلى الله عليه وسلم فهو القائل عليه الصلاة والسلام: ((ينزل ربنا تبارك وتعالي إلى السماء الدنيا كل ليلة حين يبقي ثلث الليل الآخر، فيقول: من يدعوني فأستجيب له، من يسألني فأعطيه، من يستغفرني فأغفر له، حتى ينفجر الفجر))
وقال تعالى (أدعوني أستجب لكم)
فيا ترى هل سيكذب الله في أقواله سبحانه وتعالى جلّ في علاه عن الكذب إننا فعلا مقصرون...

الميموني...

فكرررررررررررري ...أنا معاك ع التوقيع....

عشان كذا يا moodm اقولك بهذي انا معك 100%

عموما ان شاء الله خير احس هالأسبوع خلص بسرعة << تنتظر رجعة الوزير
خلاص المفروض يحسم الموضوع خلال اسبوع << زودها













معاااااااااااااااااااااااااكم انااااااااااااااااااااا...



تحياتي :أسعد بنت في العالم

حنا قاعدين على أمل مكرمه من ابو متعب لكن الوزارة لا ترجى من وراهم خير ابد ابد

لكن ما اقدر اقول إلا الله يوفقنا ان شاء الله وننقبل في البعثه ياكريم وتجي مكرمه

لأن حنا شعب صرنا بس ننتظر المكرمات لأنك لو رحت وتعلت وقدمت واريلت اعتراض

فيه موظفين ما يخافون الله ويمشون على مبدأ واسطه عندك واسطه رح تنقبل ما عندك واسطه

انثبر وش أرضك

وصار اللي كنت خايف منه مات الموضوع

اخواني انا باعلمكم بالخبر الاكيد



واحد من خوياي شغال في احدى الصحف



قالي جريدة المدينة لا تصدقها ابد ابد



سالته عن البعثات وال5000 طالب



قالي باسل وارد عليك




لما سال رجع ورد علي : يقول ان الاسماء رفعت للمقام السامي من قبل الحج ، والى الان ما رد المقام السامي باي شيء سواء رفض او قبول




انا عارف اني حطمتكم



لكن انسوا الموضوع




انتوا ما معكم الا الدعاء والتوكل على الواحد الاحد ، ومن توكل على الله فهو حسبه




لكم المحبة

أني ما أشوف أنو الخبر يحطم أبداً
بالعكس..
يعني خبر الدفعة الثانية أكيــــــــــــد،
لكن الأمر مسألة وقت
ونحنا نعرف أنو مافيه شي أسرع من تخليص معاملات بالمملكة، أسرع من البرق خخخخ

يعني الأمر عادي جداً

على كلٍ..
اللي صبّرنا هالشهور، يصبّرنا الأيام الجاية
وإن شاء الله تحمل لنا كل الخير والسعادة للجميعب
بالتوفيق