مرفقات ناقصة لطلب جديد في الوزارة

احد يفيدني بالموضووع

يا اخواان ., الي مر بنفس مشكلتي يفيدني ., أو عنده خلفية عن الموضوع

مدري ايش الأجراء المتبع في حالتي هاذي .. نصايحكم وتوجيهكم

نفس المشكلة .

ننتظر الرد من أحد الشباب .

ياخوي انا نفس مشكلتك ارفقت كل شي ماعدا التاشيره
س كتبت رقمها وتاريخها ومارفقت صورة لها وبالملتقي قالوا لنا بعدها باسبوع بنرجع نطلب النواقص
وللاسف بعد شهر ونص الان ارسلوا لي بعدم القبول بحجه عدم ارفاق الفيزا ودراستي تبدا بعد اسبوعين بامر الله بنيوزيلندا

بالنسبه للي تأخروا عليهم بالرد حاول ترسل احد للوزاره معاه رقم الطلب والسجل المدني وشوف ايش يقولون
اما إذا على النظام الجديد على كلام الأعضاء ان الموظفين قالوا لهم ان راح يكون الرد اسرع من القديم

أهلن ، أتوقع ان الفيزا معك الان الي هي التأشيرة الي مطلعها من السفارة ، انا اقترح عليك ضرورة انك تروح للوزارة وتكلمهم لأن ملفك اتقفل وألغي صح !! ويفضل تروح لهم قبل الساعه 11 الصباح لأن الدكتور المختص في موضوع الطلاب الدارسين على حسابهم الخاص يكون موجود ساعتين بس إبتداءً من 11 هاذا في الرياض أتوقع باقي المدن نفس الشي ، يحتاج تكون مجهز رقم الطلب للملف الملغي وتكلمهم اذا ممكن يفتحون ملفك على نفس رقم الطلب الملغي او لا .

اذا قالو لازم ترفع طلب جديد وقتها اتأكد منهم اذا حضورك للملتقى محسوب لك ولا لازم تحضر من جديد وتأكد منهم اذا تقدر تطبع من عندهم ورقة حضور ملتقى لكن اذا قلك مسجل معناتو خلاص ما يحتاج هاذا نظام ما ينسى وما يضيع انت مسجل برقم هوية انك حاضر ملتقى لكن تأكد . هاذي نقطه

النقطة الثانية للمعلومة انك تقدر تسافر وبعد ما تسافر ترفع طلب دراسة على الحساب الخاص عاااااادي موب شرط لازم ترفع طلب قبل ما تسافر ، لأن كذا او كذا راح يلطعوك بعد ما تسافر حق ابو 4 شهور عشان ترسلهم كشف درجات لل 4 شهور وقت ما ترفع طلب انضمام للبعثة ، من شروطهم ترفع كشف درجات 4 شهور وأحياناً تمشي 3 ، انا الحين رفعت 3 شهور ولساتها في الوزارة لها أسبوعين ان شاء الله تمشي ، المهم خذ الموضوع بسلاسة يعني بختصار قبل ما تسافر ترفع طلب انظمام للبعثة وبعد ما تسافر راح يجيك رد بالقبول وإذا عندك نواقص راح يجيك إيميل بأكمال النواقص وإذا رديت على إيميل إكمال النواقص بنواقص راح يرفضون طلبك نفس حالتك .
وراح تحصل كثير طلاب سعوديين في نفس المعهد الي رايحله نفس حالتك ^_^.

زي ما قلت لك روح الوزارة وشوف ايش يقولون لك وعطنا خبر . وإن شاء الله يرجعون ملفك الملغي .


موفق

حياك اخوي تم فتح ملف جديد والحمدلله سويت متابعه الان طلع مكتوب قدامي حاضر الملتقى وارفقت كامل اوراقي السابقه بس صراحه خوفتني
وترى الدكتور بالملتقى فعلا قال مافي ايميل نواقص
ترجع ترفع ايميلك من جديد وترفق كل شي واصلا بمجرد تحضر الملتقى تقدر تسافر
وانتظر الرد النهائي حق الموافقه والله ييسرها ودي اطلع الرياض بس كفاية اللي بدفعه بره وهذا قدامي اربعه شهور والله ييسرها من عندها يارب

تم الذهاب للوزارة وحل المشكله لبوا مني فتح ملف جديد قلت لهم فتحت وجاني تم حضور الملتقى
قال خلاص اسبوعين ويجيك الرد بالاضافه لابليكشن عبيته عندهم موضح فيه سبب الرفض الاول ورقم ملفي السابق
والله ييسرها من عنده