بعثات جديده من خبر موثوق

واضح من موضوعك وردودك أخوي الذيب انك تحب الخير للغير.....
الله يثيبك ويحقق لك امانيك ...

بغيت استفسر من حاجه ... انا زوجي مش مستوفي الشروط عمره ومعدله ... وكان طموحه اني اروح بعثه ويلحق معاي
بس انا ما طلعت لي البعثه

لذلك فكر انه بداية الصيف الجاي - ان كنا من الاحياء - يروح كندا ياخذ لغة ويجيب قبول من جامعه .... ويطلب الحاق ...
بس فيه تساؤل : هو معلم ويبى يروح في الاجازه ...واذا زبطت معاه ياخذ اجازة استثنائي ...واذا مازبطت يكون اخذ لغة واستفاد ...
هل الوزارة تلحق الموظف الحكومي في حال انه مش محرم ؟خصوصا انه مش مستوفي الشروط

اختي برد عليك من ناحية ياخذ قبول من كندا

من سابع المستحيلات الان ان يحصل اي شخص على قبول من الجامعات الكندية ومعدلة متدني

يجب ان لا يقل معدله عن B يعني جيد جدا

فلا يروح ويتعب نفسه لان كثير من المبتعثين اللحين متورطين بعد سنة اللغة ومحولين لدول مثل امريكا واستراليا

استراليا وبريطانيا وامريكا تقبل المعدلات المتدنية بس امريكا اللحين يقعدون السفارة للي معدلة متندني بالحصول على الفيزا


تمنياتي لك بالتوفيق

(بس فيه تساؤل : هو معلم ويبى يروح في الاجازه ...واذا زبطت معاه ياخذ اجازة استثنائي ...واذا مازبطت يكون اخذ لغة واستفاد ...
هل الوزارة تلحق الموظف الحكومي في حال انه مش محرم ؟خصوصا انه مش مستوفي الشروط)
حبيبتي أم ريان اجوابك من تجربة الموظف الحكومي لايلحق يخير بين الاستقالة والدراسة
بس ممكن اذا كنتي انتي مبتعثة يكون معاكي محرم وياخذ استثنائي

هلا بالطيبين انا بعطيكم الي عندي والعلم عند الله بجاوب على كل اسئلتكم على حده
اولا المضلوم اخبارك وش مسوي مايحتاج ارد عليك انت تعرف كيف نتواصل
بالنسبة للأخت جوهرة جده انتي اولا راح تدرسين ماستر ونا بصراحه استغرب من الي يبي يكمل ماستر ليه مايطلع والله انضمامه احسن وافضل واضمن من الي يبي بكالوريوس بالنسبة لكندا
والله قبول الماستر صعب على الي اسمعه وبالذات الدراسات العليا لدرجة اني سمعت من احد الاخوان يقول كل مادة درستيها باالبكالوريوس ضعيفه فيها تعيدنيها غير السنه التحضيرية
اما بالنسبة لامريكا والله ماعلم شي لكن اعيد وازيد ياحقين الماستر انتم اضمن للالحاق
من البكالوريوس
اما انك تقولين تجيبين قبول لغه وجامعه وتقدمين على العطية انا بضيف نقطتين مهمات
اول شي انتي بنت يبيلك تفكرين الف مره كيف تدخلين عليه
النقطة الثانية مو معناها ان العطيه خدم غيرك راح يخدمك
ولكنني ارى انك لو تجيبين قبول تريحين الوزارة من امور كثيره ومعك الفيزا وماباقي لك الا الضمان المالي وامر الاركاب اتوقع مع معروض اتوقع واتمنى والعلم عند الله ماراح يردك
.................................................. .................................................. ..............
اما الاخت ام ريان
الي يبي يدرس برى على حسابه مو لازم يسجل بالوزارة من هنا يروح للملحقيه من هناك
ويفتح ملف ويبي له واحد حصان بالوزارة يعل تسبودهم ويغثهم الين ماينضم
بس انتي تقولين زوجك مدرس
اولا وزارة التعليم العالي ليسة معنية بأبتعاث الموظفين الحكومين
كل وزارة لها ادارة ابتعاث لكن وزارة التعليم شغلتها للموظفين الحكومين هي جهة ارشادية بحيث
ان زوجك يجي لوزارة التعليم العالي ويستفسر عن الجامعة وعن الدولة الي يبي يروح لها
هل الجامعه معترف فيها ولا لا وهل التخصص الي يبي يدرسه موجود ولا لا
وزارة التعليم العالي خاصة بطلاب الجامعات والمدارس فقط
اتمنى اني وضحت لك الصورة

ياربي والله اني طقت جبدي مثل ما يقولون
طيب تدري اذا في بعثات للدبلوم مع شروطهم العالميه السابقه وياليت اخذونا بعد
في نور يلوح في الافق بشأن ذلك ..
مايصير ما ندرس لا هنا ولا هنالك وين اجل !!

جززاك الله خير اخوي ..

من جد تررفع المعنويات إنت .. بيّض الله وجهك ..

بضيف معلومه من شروط الوزارهـ لطلبة الماستر يدرس سنه لغه و9 ساعات من تخصصه ..

هذا قانوناَ .. يعني تصير استثناءات أكيد ...


وفق الله الجميع ..


افهم من كلام اخوي الذيب اللي يبي يروح اميركا كندا .. يروح ولا عليه خووف .. وبينضم ان شاء الله ..


موفقين ..

ان كمان يالذيب اشكرك على رفع معنوياتناانا عندي قبول الجامعه والفيزا على اساس اني راح ادرس ماستر بامريكا وبالامس زوجي راح للعطيه وعطيته خطاب بحيث انه يستلم امر الاركاب نيابه عني لكن للاسف ما لقى العطيه ورجع مع العلم احنا من الشرقيه وصعب كل يوم هاد شغله وطالع على الرياض تتوقع ممكن يعطيني العطيه امر اركاب والتحق بالبعثه بغضون شعرين ان شاء الله انتظر جوابك وشكور

اسفه اخوي انا عندي قبول معهد مو جامعه ومعدلي عالي بس العمر 29 يعني مو مستوفيه دا الشرط

مستحيل اختي تأخذين امر اركاب من العطية بدون قبول الجامعة

قبول اللغة لا يكفي


تمنياتنا لك بالتوفيق

الذيب روح ياشيخ الهي يفتحها في وشششك كلامك جدا مبشر بالخير