بعثات جديده من خبر موثوق

بسم الله الرحمن الرحيم

طبعن انا ماسمعت الخبر من احد او ناس يقولون انا بنفسي رحت لوزارة التعليم العالي يوم الاربعاء الماضي وطبعن الوزارة ماتدخلها الا اذا عندك معاملة ولازم تراجع مكتب المراجعين الدور الارضي وبين اروح واجي الين جاء وقت صلاة الظهر انا كنت ابي موظف بادارة البعثات
ولاني عارف اوصله الا بمعاملة وبيوم محدد اراجعه المهم صليت الظهر وتعرفون الناس طالعه من الصلاه الدعوه فوضى هذا داخل هذا طالع قلت ياولد ادخل ولا علي من احد
المهم دخلت ووصلت للرجال وقالي شف الخبر هذا خذه مني
فيه بعثات بشهر 3 او 4 السنه الجديده للي عنده (واسـطـة) ومدري ناسي التاريخ بالضبط
وناسي اذا هي معلنه او حول اروقة الوزارة بمعنى تعلن بالصحف او بالوزارة ماتطلع
يعني بالعربي كل واحد يدبر له واسـطه ولا تضيق صدوركم بأمر الواسطه ربما واحد منكم عنده واسطه بوزارة الصحة ولا عنده واسطة بوزارة التعليم العالي والعكس ونا اتمنى من الجميع الي يقراء الموضوع ان لاينشره على لساني يمكن الرجال الي علمني يوثله خبر ويقول هذا ماينقاله شي
لان عندي ايمان قوي ان فيه بالمنتدى جواسيس ينقلون الاخبار لموظفي الوزارة
عموما
انا طولت عليكم كلن يدبر له واسطه واكثركم يقول كيف ادبر لي واسطه
صدقوني هالوزارة تبي واحد مروق لهم وتبي لسان الواحد حلو ويعرف كيف يختال
وفي النهايه دعواتكم لي
والله الموفق