انا في بريطانيا والحاقي بالبعثه متعثر وش العمل؟

October 27th, 2008, 09:56 PM

بســم الله الـرحمــن الرحيــم
السلام عليكم ورحمة الله وبركاته
اخواتي واخواني :
انا طالب بكالوريوس على حسابي الخاص في بريطانيا حصلت على قبول مباشر للسنه الاخيره لاني سبق ودرست 84 ساعه من تخصصي في السعوديه
و قدمت طلب الحاق بالبعثه قبل بداية رمضان والملحقيه قالوا لي ان ملفك تم ارساله الى الوزاره وعطوني رقم معامله وقالوا لي شيك بموقع الوزاره
ومن هذاك الوقت ليومك وانا كل ما ادخل رقم السجل المدني حقي بموقع الوزاره القى الرد:"عفواً، لم يتم العثور على رقم الهوية المدخل بالنظام"
وانا الان في قمة الحوسه خصوصا انه حصل معاي لخبطه في الجامعه من ناحية قترة الدراسه كنت جاي من السعوديه عشان ادرس سنه وحده فقط اللي هي السنه الاخير للحصول على البكالوريوس وبعدما فتحت الملف في الملحقيه بهذا القبول اللي مدته سنه الجامعه الموقره اللي انا فيها غيروا لي اسم التخصص بحجة انه نفس الموديولز"المواد" حقت التخصص اللي ارسلوا لي عليه القبول وفيه فرق كبير بين التخصصين في الاسم - مالكم بالطويله - المهم استقريت على دراسة السنه الثانيه والثالثه من التخصص اللي ابيه واصدروا لي الجامعه خطاب قبول جديد على السنه الثانيه بدلا من السنه الاخيرة وانا الان بادي ادرس لي من سبتمبر اللي طاف
ودي تنصحوني وش اسوي من ناحيه اسمي لالحين ما لقيته بسيستم الوزاره والملحقيه قالوا لي انه خلاص انرفع بتاريخ :12-8-1429
ومن ناحية ان ملفي بالملحقيه على اساس اني بادرس سنه وحده والحين الواقع اني صاير بادرس سنتين
افيدوني جزاكم الله خيرا

• نشر عبر تويتر
• نشر عبر فيسبوك
• نشر عبر جوجل