طلاب الدبلوم للمرحلة الخامسة .. ابتدى الجد!

نفاعل حلو


إن شاء الله يتغير شي للأحسن


موفقين جميعاً

إلى الاخت صاحبة الموضوع نوووسة

إلى الشباب الي شاركوا بالموضوع

أنا والله مثلكم وعندي دبلوم يعني كلنا في الهواء سوا

الخطوة اللي سويتوها حلوة جدا

ولكن علي ملاحظات عليها وتبقى وجهة نظري الخاصة :

أولا كما تعرفون الوزارة سحبت علينا بالمرحلة الثالثة وسحبت علينا بحركة ذكية ووسخة بالمرحلة الرابعة يوم حطت الشروط التعجيزية

ويوم

حطت دول الابتعاث اللي ما أدري وش تبي والدليل ما طلع الا 222 طالب وهم مخصصين 1000 طالب للدبلوم

الوزارة ما هي مسوولة عنا ومن رأيي ما فكرت فينا والسبب لننا متخرجين من جهات غير تابعة للوزارة نفسها يعني

الكليات الصحية ---- وزارة الصحة

التقنية ------ الموسسسة الفنية التقنية ... المهم مو تبع الوزارة

كلية الجبيل وينبع ------ تبع الهيئة الملكية

الوزارة مو حريصة على إبتعاثنا والوزراة تحط الحمل على الجهات اللي ندرس فيها على إبتعاثنا وتبي تبعد عن المسوولية

اخوي لا تنسى في جامعات كثير غير الا ذكرتهم مسؤولة عنها الوزارة وحتى الكليات الصحية الي ذكرتها تابعة الآن إلى وزارة التعليم العالي - وزارة الصحة هاذي ساابقاً
وبذكر لك زيادة جامعات تابعة للوزارة مثل جامعة الملك سعود وكليات المجتمع بكل فروعها - جامعة الملك فيصل ونفس الشي كليات المجتمع التابعة لها - جامعة الملك عبدالعزيز - جامعة الملك فهد للبترول والمعادن كلية المجتمع!
حتى الكليات الي ذكرتها جميعها كليات حكومية يحق لها التسجيل في برنامج الابتعاث .. ومذكورة في شروط الابتعاث للمرحلة الرابعة وأول شرط بعد بقتبسه لك
1- الحصول على دبلوم حكومي (حد أدنى سنتين) في ذات التخصص من الجامعات السعودية, أو احدى كليات المجتمع, أو برامج خدمة المجتمع, أو معهد الإدارة, أو كليات الهيئة الملكية بالجبيل وينبع, أو الكليات الصحية, او الكليات التقنية, أو الكليات التطبيقية.
يعني كل الا ذكرتهم هم الي يشملهم الابتعاث .. ما نقدر نقول غير مسؤولة عنه! تقدر تقول تقريباً أي كلية حكومية معترف بها في وزارة التعليم فهي مسؤولة عنها بعض الشيء
السبب في نظر الوزارة هو أن الدبلوم لا يعادل!

وبصراحة الوزارة عنده شك بمخرجات التعليم خصوصا حقين الدبلوم ....
فلا تتأملوا كثير على المرحلة الخامسة لانها راح تلحق المرحلة الرابعة ....

أنا أقترح عليكم وهذا الشي انا شغال عليه مع المجلس الطلابي حق كليات الهيئة الملكية سواء الجبيل أو ينبع عشان نلطع بخطاب نرفعه للوزارة وطلبنا واحد وهو
أنا يعفوننا من شرط الثلاثين ساعة لو عادلنا ولا يقارننونا بخريجي الثانوي

ياليت هالشي يكون عندنا لكن كيف بنقدر نسويه!
يعني انتو ما شاء الله شكلهم متعاونين معكم لكن حنا البقية صعب جداً الشي هذا .. حنا لما عملو تكلمة بكالوريوس في الجامعة السمستر هذا طلبو المعدل 4.5 من 5 عشان ما يبغو أحد يدرس ههههه

لان حرام أدرس 4 سنوات ( كلية الجبيل ومتأخر ترم ) وفي الاخير تتنطبق علي شروط حقين الثانوي
أنتوا ممكن تتطالبوا بهذا الشي .... من خلال الملتقى

انا الا اعرفه ما شاء الله طلاب الجبيل وينبع يعطوهم معادلة حلوة بالخارج وامريكا تعادل لهم ساعات كثير
لكن أي ملتقى تقصد ما فهمت عليك؟

حتى لو احد فينا ما عادل 30 ساعة ممكن يعادل 20 ساعة ويكمل الباقي على حسابه لين يجيب الشرط حقهم ويفتك
أتمنى منكم كتابة خطاب يطالب بالاعفاء بدل المطالبة بتنزيل المعدل وتغيير دول الابتعاث
وصدقوني راح يستفيد منه الجميع لا وراح ترتاحون وتختارون الجامعة اللي تناسبكم من ناحية المعادلة كلا حسب تخصصه .
فكرة حلوة ان نذكر شرط الـ 30 ساعة
لكن ليه ما يكون الخطاب نفسه مع التعديل عليه ونضيف عليه ان حنا مستعدين ندرس على حسابنا لكن يلغو عنا شرط الـ 30 ساعة في حالة معادلة الجامعة لنا 30 ساعة دراسية واكثر وطبعا مع نوضح لهم ان التخصص والجامعة معترف به يعني بلحقونا اذا عادلو لنا وش رايكم؟

حتى لو حطوا شروط تعجيزية في المرحلة الخامسة (الاخيرة ) على الاقل عندك أمل تتطلع بعدين على حسابك و تحول لان القرار صادر من 1418 هـ ومستحيل يوقف إلا بقرار جديد ..
صح عليك وحنا جالسين نسأل دايماً عن السؤال هذا ولقينا اكثر من اجابة من قبل الوزاة الا يقول لا ما يحتاج والا يقول لازم 30 ساعة الخ!

لو ما عندك المادة اللي تكفيك
ممكن تشتغل وتجمع أبو سنة وتروح تعادل ولو ناقصه من الثلاثين تكملها وتطلب الالحاق
وتنشب لهم لين يلحقونك
لو لاقين شغل ما فكرنا بالابتعاث هع هع!

المطلوب ياشباب خطاب طويل عريض للوزارة عشان يعفوننا من الشرط لو عادلنا
طيب من بيوصل الخطاب هذا؟! ومن بيتابعه؟؟؟؟؟؟؟!!
مو هاذي مشكلتنا من البداية! الأفكار موجودة من زمااااان لكن الصعوبة في التفيذ!
مافي أحد من الرياض عشان يتابع! او يروح ويرسل وكل يوم والثاني قاطين وجهنا على العالم ههههه

ونرسل رسائل لكل الجرايد عشان يهتمون في موضوعنا ...
الجرايد سهلة وانا عندي رقم جوال وايميل كاتب في جريدة الرياض بالصدفة طاحت عليه العضوة Nano لما كنا ننشر قروبنا على الفيس بوك بالإضافة إلى الكاتبة الا في جريدة اليوم الا تعرفها سيلين صارو اثنين

يا شباب انا هنا عشان أنصحكم مو عشان أحبط المعنويات
لا بالعكس مافيه احباط معنويات ولا شي وما قصرت .. لكن مثل ما قلت لك المشكلة في التنفيذ لأن لا يوجد شباب من الرياض هنا او قريب منها!

فإتمنى المبادرة منكم ..
وخلونا نكتب خطاب يطلب بالاعفاء وخلونا نراسل الجرايد
أنا اشوف اننا نسوي قروب على الماسنجر ... ونناقش موضوعونا .
وأنا بالخدمة معكم
تشكراتي