طلاب الدبلوم للمرحلة الخامسة .. ابتدى الجد!
طلاب الدبلوم للمرحلة الخامسة .. ابتدى الجد!
تنبيه: هذا الموضوع قديم. تم طرحه قبل 5820 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - وفقكم الله .. وافرج كربتكم ان شاء الرحمن7 "
ولن يضيع الله جهدكم .. وتعبكم .. وعملكم الخالص لوجهه ...
ياكريمـ يامنان .. اتم عليكم علمكم ووفقكم بالحصول على شهادت البكالوريوس والماستر
هي حلم ..
سيتحقق بأذن الرحمن بروعه تعاونكم وعزيمتكم ...
تقبلو مروري ...
- 7 "اي واحد تقصد؟ وايش يطلع لك؟
- اقصد فاكس الوزاره عشان ارسلهم ورقة الاستفسار عن المعامله7 "
- 7 "أهلا مازن ..
أعتقد جريدة عكاظ راح تنشر الموضوع لذا إذا تأكد فعلاً بأن الجريدة على إستعداد لنشر الموضوع فليس له داعي بأنه ينشر نفس الموضوع في الحياة..
يعطيك العافية .. - 7 "أهلا نووسة ..
مشكوور اخوي ما قصرت على المبادرة الطيبة
لكن حنا كلمنا صحيفة عكاظ امس وارسلنا لهم كل شي!
الشباب اتفقو على عكاظ لأنها اجرأ من البقية مثل ما يقولون والله اعلم!
مايصير جريدتين تنشر الكلام نفسه في نفس الوقت صح ولا لا؟!
ولو ترجع للصفحة الا قبل هاذي بتشوف الحوار الا دار بيني وبين الصحفي
وحنا طلبنا من عكاظ تتبني قضيتنا ومافي مانع نراسل غيرها في المستقبل
لكن ليس الآن لأن اتفقنا مع عكاظ وارسلنا كل شي وباقي النشر
يعطيك العافية
فعلاً كلامك صحيح ما يصير ينشر الموضوع في أكثر من جريدة.. لكن أرجو ا لتأكد من عكاظ بأنها سوف تنشر الموضوع وإلا سوف يتم تحويله إلى صحيفة ثانية مثل الحياة أو غيرها..
تحياتي .. - 7 "السلام عليكم
كيف الحال عساكم بخير
أبشركم اليوم رحت وزارة التعليم العالي ولفيت موظفيها واحد واحد
وهذا سرد لقصة حياتي اقصد مغامراتي مع وزارة التعليم العالي
من الساعة عشرة وأنا مسنتر في وزارة التعليم العالي إلي في حي
الناصرية دخلت مبنى الوزير طبعا ما حصلته يقولون عنده إجازة
ورحت أدور سكرتيره (مدير مكتبه) قالو حتى هو ما هو موجود
المهم دخلت احد المكاتب الموجودة هناك وحكيت للموظف سالفتنا
وقالي ما في احد يقدر يخدمك إلا مدير الاتصالات الاداريه حتى
سكرتير الوزير ما يقدر يخدمك بشي وشديت الرحال لمكتب مدير
الاتصالات الاداريه وقلت له السالفة كاملة مكمله وأعطيته رقم
المعاملة وقال لي المعاملة أرسلت إلى إدارة البعثات والوزير طالب
افاده يعني الوزير شخصيا متابع المعاملة المهم طلع لي رقم
الصادر وقال روح لإدارة البعثات في حي الغدير بيطلعوها وإذا ما
طلعوها ارجع لي وانا راح أطلعها غصب عنهم
والأرقام كالتالي 5797 بتاريخ 16/4/1430 و 6780 بتاريخ
7/5/1430وسألته في نفس الوقت عن بعض الاسئله وهي كالتالي:
س / متى الوزير بيكون متواجد؟ يعني متى بيرجع من إجازته؟
ج / الوزير راح تخلص إجازته مع نهاية هذا الشهر وفي احتمال
90 في الميه انو يمدد شهر كمان.
س / لو بغينا نرسل خطاب الآن للوزير من بيسلتمه في حالة عدم
تواجد الوزير؟
ج / إلي ينوب عن الوزير هو د.مساعد اللعيبان وهذا يداوم في
مجلس الوزراء ومن سابع المستحيلات انك تقدر تقابله لكن يقول
تقدر تقدم الخطاب من عنده عادي لكن قال خلوكم على الخطاب
الأول وتابعوه أحسن لكم.
وبعد ما أخذت الأرقام من حي الناصرية دعست الساعة 11 لإدارة
البعثات إلي بحي الغدير وادخل على استقبال المراجعين وعطيتهم
رقم الصادر وكالعادة قالو ماعندنا معامله بهذا الرقم يمين يسار
والله ماعندك الا تبدأ المعاملة من جديد وإلا أنا بغيت اصفقه كف
لكن تعوذت من ابليس وطوالي نقزت للدكتور ناصر الفوزان واسرد
له القصة والا حتى هو يقول ما عندي علم عن المعاملة نهائيا وقلت
والله ما لك الا الموسى ورحت للموسى نفس الحكاية بس نشبت له
لين كتب لي ورقه وقال ودها لمدير الاتصالات الاداريه ورحت له
وعطيته الورقة الي من الموسى وبرضو الارقام الصادره ورقم
القيد وعطيته برضو من الكلام الزين وقعد يطقطق في الكمبيوتر
لين بعد جهد جهيد عثر على المعامله وقال ترى معاملتكم عند واحد
يقال له عبدالله الدريهم قال اطلع عنده وقله انا مرسول لك من
ابومحمود بخصوص معاملة خريجي الدبلوم وهو بيعرفها طوالي وأنا إلي أروح للدريهم طاير من الفرحه واقوله الكلام الي قاله ابو
محمود اول شي هو يحسبني اسأل عن معاملة طلاب الدبلوم إلي
يدرسون على حسابهم ويبغون يلحقون بالبعثة(اثر مو إحنا بس
عندنا مشكله إلا مشاكل الدبلوم ما تخلص) لكن صححت له المعلومة
وعرف المعاملة وقام يوصف لي المعاملة لكن قال الأسماء إلي
كانت موجودة مع الخطاب إلي هي حوالي 200 اسم شالوها قلت
ليش شلتوها قال المعاملة اعتبرناها لطلاب الدبلوم بصفه عامه إلي
راح يطبق راح يطبق على الجميع وليس لأشخاص معينين وقال
المعاملة رفعناها لمعالي الوزير ولحد الآن ماجانا رد وسألته طيب
كيف نتابع المعاملة قال اذا بغيتو تتابعوها تابعوها من عندي انا
قلت له طيب انا جاي من منطقه بعيده ما هي معقوله اجيك من اخر
الدنيا عشان اتابع المعامله وبعد ما حكرته بالزاويه عطاني رقم
مكتبه قال دق علي اذا بغيت تسأل عن المعاملة والرقم معي اذا تبغو
انزله لكم مافي مشكله بس ما نبغى نزعجه كل ساعه والثانيه واحنا
داقين عليه احسن الرجال يزعل علينا وماعاد يعطينا الخبر الاكيد.
وأخيرا ما طلعت من عند آخر موظف إلا الساعة ثنتين نهاية الدوام
طلعت انا وهو سوا الي يشوفني يقول موظف ما صدق انتهى الدوام
وصلى الله وسلم على سيدنا محمد
هذه قصتي مع وزارة التعليم العالي من طقطق للسلام عليكم
لا احد يسألني عن شي الحين لأني مواصل من يومين ما نمت بأنام
الحين والله العالم متى اصحى
مع تحياتي /ابو نواف - خلاص يا شباب الان نواصل مع عكاظ مؤقتنا7 "
اذا حصلنا معهم تجاوب ولا رجعنا وشفنا جريدة الحياة
صحيح مو حلوة ننشر الخبر في اكثر من جريدة - اهلا سلطان7 "
فكرتك بتروح لهم غدا ولكن ما شاء الله عليك رحت اليوم الله يعطيك العافية - ابو نواف الله يعطيك العافية وبيض الله وجهك7 "
ما قصرت ابد
واهم شيء انك اخذت رقم الصادر منهم ولأهم انهم لقوا المعاملة
اللحين نام وبعدين تبداء الاسئلة ههه ومنها وش قرورا على المعاملة
تحياتي ,,,
المبنى في حي الناصرية
انت عطهم الرقم واذا صرفوك للغدير قول انا اللحين كنت عندهم ما وصلهم شيء وبالفعل ترى باقي ما وصلهم شيء
انا ارسلت لك على الخاص ,,
تحياتي .