السلام عليكم ورحمة الله وبركاته
اخواني الاعضاء انا ماقرأت الخبر المنشور بس من كلامكم استشفيت انه ماهو مثل اللي كنا نبيه فأنا عندي خطه ثانيه وش رايكم نرسل برقيه من الديوان الملكي بأسم خريجوا الدبلوم المتواجدون معنا هنا ونرفق الشهادات كلها بس لازم يكون المعدل فوق 3.5 من 5 للتقنيين وزيها للصحيين وانا متكفل اني اوديها للديوان وارسلها .... وش رايكم
لانها راح تعرض في مجلس الوزراء على وزير التعليم العالي ثم يتم ارسالها الى الوزاره ببرقيه خاصه من الديوان الملكي وكل ماكثر العدد كان احسن....
اللي يأيدني في ذلك يراسلني على الخاص او على الايميل hani05555 آت هوتميل ويرسل لي صورة الشهادة على الايميل وانا اطبعها وارفقها في ملف مع معروض تنهز له الجبال ...
اخوكم / هاوي ابتعاث
هاوي ابتعاث May 19th, 2009, 06:57 PM
7 " ما فية وقت ننتظر رد الوزارة هذا اذا ردت علينا واعطتنا وجه
انا اقول ما يمنع ننزل موضوع في جريدة ثانية !!
مازن2009 May 19th, 2009, 08:20 PM
7 " شباب الدمام ياليت تأخذوا الجريدة ورقية ونتاظروا الخبر موجود ولا لا
واهل الرياض ايضا يأخذوا جريدة ورقية ويناظروا نزل الموضوع ولا لا
لانة اذا ما انكتب في الرياض مثل عندنا ما انكتب ما ادري ليش ؟؟؟
احس انا عايشين في عالم آخر
اذا ما انكتب في عكاظ الرياض كانا ما سوينا شيء
مازن2009 May 19th, 2009, 08:24 PM
7 " هلا والله هاوي ابتعاث حطني معاكم في البرقيه ...وإذا تبينى نعتصم اعتصمنا ... ولا نداهمهم ما عندي اي مشكلة .... اغتيالات سطو مسلح ابتزاز - الله يكفينا الشر - ترا امزح ,,,,
اهم شي نسعى بالقنوات المسموحة وإذا ما الله اراد,,,,فصبراً جميل والله المستعان
فأنا واحد كنت ابغا ابتعاث لأمريكا لكن في حالة تعقدت الأمور فعلى الحساب بس مو امريكا لأنها غالية ....والبديل ماليزيا وتعتبر تحصيل حاصل بس ,,, وبمشئة الله راح يسير دراسة خارج المملكة بأي حال من الأحوال ..لأن الموضوع براسي ومن عيوبي اذا عندي رغبة في شي لازم انه يتم - بإرادة الله سبحانه -والتضحيات اومن بها والتي تتناسب مع النتائج,,,,,
مو القصد ياخوان اشتكي لكن اضاح لعزيمة صادقة واهم شي لنيل هدف سامي ... سبب طرح وجة نظري لعله يكون دافع لكم مع اني متأكد انكم اكثر مني اصرارا وتمسك بفكرتكم....
مبادر May 19th, 2009, 09:24 PM
7 " اخوي هاني انا معكم ولازم مانيأس
وشنو رايكم نراسل صلاح الغيدان يخصص حلقه خاصه في برنامجه99 عن تخبطات وزارة التعليم العالي
gago May 19th, 2009, 09:42 PM
7 " يانووسه ياعزيزتي انا مطلوب من الانتر بول الدولي وتبيني ادخل على الامير سلمان بعد انا ساحب قروض بعدد شعر الراس وماني مسدد الى بعد مارجع بالشهاده لانها قروض ربويه وبينتظرون ماعندهم مشكله.....
انا ارسلت برقيه من الديوان الملكي والرد جاني بعد اسبوعين في ادارة الابتعاث فخلينا نحاول قبل ما اسافر لاني مسافر باذن الله في نهاية الشهر الحالي للهند ودراسة الانجليزي وبعدها بأدرس الجامعه في الصين اذا مافيه الحاق للبعثه او ابتعاث...
فلذلك ارجوا اتخاذ جميع الحلول الممكنه المفيده لنا وهي :
1- مراسلة صالح الغيدان وبشكل سريع.
2- ارسال برقيه عن طريق الديوان الملكي.
3- مراسلة الصحف اليوميه واخص بذلك جريدة الرياض.
متأسف على الاطاله وشكرا لحسن استماعكم واصغائكم كان معكم حسن كراني من تلفزيون المملكه العربيه السعوديه القناة الاولى تصبحون على خير والسلام عليكم ورحمة الله وبركاته.
هاوي ابتعاث May 19th, 2009, 10:01 PM
7 " عندي قصه لواحد تعرفة علية بالهيئة الملكية بالصدفة... المهم ان الرجال طموح يعني طموح بمى تعنية الكلمة ...الي صار انه توظف بعد الثانوية وبراتب 7000 ريال تقريباً ... وكان عمله في موقع علاقات مع الجمهور...وهذا المره يقولي جاني واحد وانا قاعد اخلص أوراقة ..كان يسولف معي ..وكان زميلنا هذا لسا في بداية عمره ممكن عشرين سنة - الكلام هذا قبل 6 سنوات - المهم يقولي الرجال قالي كلمة طلعت من القلب إلى القلب وبالحرف الواحد : يا ولدي لاتضيع عمرك بها الوظيفة - مع انها حكومية ومريحة وراتب جيد...الي سار ان زميلنا أخذ الفكره وإلى وضع التفيذ ..واستنفار كامل وكلها كم شهر إلى وفي الحساب 42000 الف ريال - تجميع الرواتب - وعلى طول قد استقالة ومشى على باب الله يقولي والله لا قبول ولا هم يحزنون ...واللغة يدوب تفك الخط...والمهم ان خوينا وصل وقدم بالجامعة ودفع الي معاه طبعاًتخصص هندسة كيميائية بحكم حاجة سوق العمل...الزبده يقولي في بداية الدرسة كانت فيه معناه ولحقت شيْ من القسوه....
وتوصل الى اعمال par time او ساعات عمل قليلة وراتب ضعيف ..من الأعمال غسيل صحون في فندق ... والعمل في محطة بنزين ... إلى درجة عمل حمالي في احد المجمعات التجارية هناك...بس يقولي قمة المتعة بعد ما عرفت دربي - يعني في أول ثلاثة او اربعة شهور- وزميلنا هذا بعد ماتعرفة علية يمتاز بأنة قدام ويمتلك روح المغامرة - طبعا بعد دراسات دقيقة -
ورجع قبل سنه ونص تقريبا ويعمل الأن في الهية الملكية بدبل راتبة القديم ... اضافة إلى اللغة والتطوير ألي حصل علية...
هو شكله فيلم لكن هذا إلي حصل...ومليش دخلت عرض بها القصة ... أعتبروها استراخة محارب...
ونلتقي في قصص اكثر اثاره في الحلقة القدمة..تابعونا ... والعلم وسلامتكم...
مبادر May 19th, 2009, 10:02 PM
7 " هي صحيح مقابلة الامير سلمان افضل من البرقيات
ولكن حنا ما رح نرسل برقيات هو هاوي يقول بيدخلها بطريقتة
والا البرقيات عرفنا طريقها هي ما توصل ابدا ابدا وانا مجرب هالشيء وقلت لكم اكثر من مرة
مازن2009 May 19th, 2009, 10:11 PM
7 " 
LinkBack URL
About LinkBacks
اخواني الاعضاء انا ماقرأت الخبر المنشور بس من كلامكم استشفيت انه ماهو مثل اللي كنا نبيه فأنا عندي خطه ثانيه وش رايكم نرسل برقيه من الديوان الملكي بأسم خريجوا الدبلوم المتواجدون معنا هنا ونرفق الشهادات كلها بس لازم يكون المعدل فوق 3.5 من 5 للتقنيين وزيها للصحيين وانا متكفل اني اوديها للديوان وارسلها .... وش رايكم
لانها راح تعرض في مجلس الوزراء على وزير التعليم العالي ثم يتم ارسالها الى الوزاره ببرقيه خاصه من الديوان الملكي وكل ماكثر العدد كان احسن....
اللي يأيدني في ذلك يراسلني على الخاص او على الايميل hani05555 آت هوتميل ويرسل لي صورة الشهادة على الايميل وانا اطبعها وارفقها في ملف مع معروض تنهز له الجبال ...
اخوكم / هاوي ابتعاث