طلاب الدبلوم للمرحلة الخامسة .. ابتدى الجد!

دعواتي لكم بالتوفيق ... و عسى الله ييسر لنا جميع ... و دائما اقول ما تضيق الا و تفرج

و الله يكتب اللي فيه الخير للجميع ... اهم شي ان الواحد منا يحط ربنا سبحانه و تعالى امامه في جميع تصرفاته

و جميع قراراته ... عسى الله ان يفرج عننا قريب ... بالتوفيق

اييييييييييييييييييييييييه يا نوسه طلعي المواهب المخفيه هي هي
موفق اخوي ARB-JIC في دراستك وعقبال الالتحاق يا رب

وجهوا الدعوات لبعضهم عبر عدة مواقع الكترونية

خريجو التخصصات الصحية يعتزمون التجمع اليوم أمام "الصحة"


تداول عدد من المواقع الالكترونية أنباء عن اعتزام عدد من خريجي التخصصات الصحية تنظيم تجمع اليوم أمام وزارة الصحة للمطالبة بتعيينهم ، بعد مضي فترة طويلة على تخرجهم .وكان ملف تعيين الخريجين احد الملفات الساخنة التي تسلمها وزير الصحة الجديد الدكتور عبدالله الربيعة من سلفه الدكتور حمد المانع .
ووعد الربيعة في أكثر من مناسبة بإيجاد حل سريع وجذري للقضية ، وهو مالم يحدث حتى الآن ، مما دعا الخريجين العاطلين إلى دعوة بعضهم البعض عبر عدة مواقع الكترونية للتجمع.


أضيف في يوم: الثلاثاء بتاريخ: 2/6/2009 - الساعة: 12:34 صباحاً بتوقيت مكة المكرمة

ههههههههههههههههههههههههههه الله يقطع بليسك ... صراحه ردك يونس الله يديم عليك الروح الحلوه هذي

و الله الحمد لله الاخبار تسرك و الامور طيبه هنا و الاوضاع من اروع ما يكون ما ناقصنا الا نسمع اخباركم

اللي تشرح الصدر ان شاء الله ... توني راجع من المعهد و الحمد لله مبسوطين .. و الله يسمع منك يا رب

و نلتحق انا و المبتعثين اللي على حسابهم كلهم يا رب ... و نفرح باخبار ابتعاثكم جميع ان شاء الله

عسى الله يوفقكم يا رب ....

آخوكم / عبدالرحمن سابقا .... و بوب حاليا ... لاني من جيت هنا حولي اسمي اللي ما يخافون ربهم من عبدالرحمن الى بوب ..... الله يجازي اللي كان السبب <<

الحمد لله على السلامه اخوي ARB وان شاء الله نسمع خبر التحاقك قريب انت وجميع الدراسين على حسابهم الخاص
وان شاء الله تتيسر امور الجميع وننقبل بالمرحله الخامسه يا رب
اخوي انا برسلك رساله على الخاص ابي استفسر عن امور اذا ما عندك مانع

الله يوفقك أخوي ARB
عقبال نشالله التخرج وتجينا بشهاده الكبيره

الله ييسر امورك ABR اقصد اخوي بوب ... وعندى سؤال إذا بتسمح لي ....
كيف الوضع بشكل عام يعني تنصح بالروحه على الحساب ولا لا ؟ وكم الميزانية المتوقعة ؟ وايش الدولة الي انت فيها....
ومليش على كثرت الأسئلة لاني عازم على الرحيل بس مادري كيف ومتى وليش؟؟؟؟
علما اني اللغة الأنجليزية ممتازه كمحادثة وراح فيها في GRAMMER عشان كذا ما اختبرت التوفل ودى ادرسة من البداية.... واخيراً هل ميزانية مائة الف ريال تكفي ولمدت كم مع التقشف ؟؟؟؟
شاكرين ومقدرين حسن تعاونكم معنا

الله يسلمك اخوي ... و الله يسمع منك يا رب و بخصوص الرساله تم الرد طال عمرك

اللهم آمين و ياك يالغالي ... الله يسمع منك و يوفقنا جميع لكل ما فيه خير و يسر امورنا برحمته

هلا اخوي مبادر :-

الوضع طال عمرك عال العال و الامور كله متيسره بتيسير رب العالمين .. اللهم لك الحمد و الشكر على كل حال .
و من ناحية الدوله فا انا في امريكا ولاية كاليفورنيا اللي هي معروفه بانها اغلى الولايات او في المرتبه الثانيه بعد نيويورك .. و انا طبعا على حسابي و ترى حالتي الماديه عاديه جدا بس سبب اختياري الولايه لاني لقيت فيها افضل جامعه عادلت موادي بحكم اني متخرج من كلية الجبيل الصناعيه و محتاج جامعه تعادلي فا جيت هنا و لا العيشه هنا غااااااااليه .... و نجي لموضوع الميزانيه اللي هو عااااام جدا ... يعني انت وين تبي تدرس باي دوله ... و باي مدينه و باي جامعه ... يعني ال١٠٠ الف هذي تعيشك سنتين او يمكن اكثر ملك في الهند ولا ماليزيا و ما تعيشك ولا حتى سيميستر في بعض مدن بريطانيا ... فا انت اذا محدد دوله و جامعه ممكن اسألك عن التكلفه الكليه التقريبيه

-----------------


عسى الله يوفقنا جميع و ينولنا مرادنا و ما يجعل في نفس احد منا حاجه الا قضاها ... بالتوفيق للجميع