طلاب الدبلوم للمرحلة الخامسة .. ابتدى الجد!

بالتوفيق اخوي ARB وان شاء الله تبشرنا باللتحاقك قريب
اهم شيء شد حيلك والله يوفقك ,,

اخوي ABR ان شاء الله انك تنضم للبعثة بأسرع وقت ممكن .....
بالنسبة للدولة ارغب في امريكا في ولايه اسمها بوستن والجامعه ما زالت المرسلات على قدم وساق ....
وإذا لقيت جامعة في اي ولاية ثانيه تعادلي اكثر ساعات على طول بأختارها ماني مركز على ولايه معينة او جامعة اهم شي يعادلولي شهادة الدبلوم الي من كلية التقنية تقدير امتياز مع مرتبة الشرف والتخصص إلكترونيات صناعية وتحكم الي , متمكن جدا من التخصص ولله الحمد واعمل مدرباً لنفس التخصص وبالغة الأنجليزية في احد مراكز التدريب بالجبيل والتدريب يشمل المهندسين والموظفين القداما ...
وسأل الله العلي القدير ان يسهل امرك في الدراسة والألتحاق قبل المده المطلوبة ,,,
وعذراً على الأطالة.....

كيف حالك اخوي مازن
ودى لو ترسلي رقم الوزاره مع التحويلة الأن إذا امكن ... احس اني فاضي ودي اقلقهم ....

ياشباب اللي يبيني ارفع اوراقه معاي للديوان الله لا يهينه يجهز 300 ريال على الحساب لان الموضوع يبيله دراهم واجد يعني اذا بتكون الحسبه كالاتي(300 * 12 =3600 )يعني يبقى من المبلغ المطلوب 400 ريال انا بأدفعها
لانكم مع احتراماتي ماتقدرون يعني اقول لكم ابي 20 اسم ترسلون لي 12 اسم انا لو ادخل على الرجال بـ 12 وثيقه (يسرحني الطلح )---->> وتعني بيصرفني ابي 20 اسم او اكثر ابي تكون يدي مليانه وواثق...

على العموم انا اجلت الموضوع الى يوم الاحد القادم لان الرجال كان في اجازه وانا كنت مشغول مع ابو هنود احايلهم يعطوني الفيزا وما اعطوني الا بعد مامديت يدي عليهم وعلمتهم من انا---- مالكم بالطويله استعجلوا بالوثايق بعدين الله يرجكم كلكم دوافير ماشاء الله عليكم مافي الا انا وسيلين واحسره علينا نكسر الخاطر....

الله يوفق الجميع لكل مايحب ويرضى..موضوع الفلوس خلاص بأسامحكم فيه بس لا تفشلوني..

هاوي غم وهم وابتعاث

هلا اخوي مبادر ان شاء الله يوصلك الرقم ولكن هذا شرط الاخ سلطان يقول ما نبي نقلق الرجال كثير يالله انة عطاه الرقم
وسلطان مو مقصر دايما يتصل لو نبي نزعجهم هذه مقدور عليها
شكرا اخوي مبادر ما تقصر ابد .

هاوي ابتعاث ابشر من 300 إلى 3000 اقولها وانا قدها إن شاء الله بس ودي اعرف حقت ايش ...!
وبالنسبة للدوافير اشك في شهايدهم لا يكون عدلوا فيها ولا شي من هالقبيل ,,, ترى من زود الحرص على البعثة يسوى الواحد اشياء ما يدري وش نتايجها ... اقترح تمر بالشهايد إلى وصلتك إلى اقرب مركز تدقيق ... عشان ما تتفشل من الرجال...! لأني اشك في بعض الشباب واعرف مستواهم وفي النهاية يجب لك الشهادة والمعدل امتياز كيف جات مادري ....؟؟؟

لاتفهمى غلط اقصد الرقم العام .... ما أحتاج اي رقم شخصي او فية منه من احد ....
وبعدين الله واكبر يعني إذا قلت بأقلقهم يعني ايش بأسوي كل ما في الأمر سؤال فية كل احترام وتقدير.... والا يعني سفيه ولا اعرف اتعامل مع الناس .... انا جدا متأسف لشخصكم الكريم , وفي نفس الوقت اسحب طلبي للرقم التلفون واعتبره شي ما صار .... علماً والله ما أدري ان فية رقم جاء بشكل شخصي .... وأرقام الوزاره موجوده في الموقع ونعرف كيف نطلعها.... وتقبل اسفي أخي مازن وتبقى عزيز وغالي...

وش فيك اخوي مبادر شكلك فاهم غلط ...!
انا قلت لك الرقم رح يوصلك وانت واحد منا وفينا واي شيء تبية حاضرين ولكن ترجع للردود من اول رح توضح الصورة لك انا رح ارسل لك الرقم وكل شيء
وعلى الخاص رح افهمك
وياليت ما تفهم غلط انا كلامي واضح ولا احب اني اجرح في احد اوشيء انا لما قلت لما قلت ما نبي نزعجهم ترى هالكلام مو من عندي انا مثلك طلبت الرقم وجاني
وان شاء الله رح يجيك مع التحية التقدير ..
تحياتي اخوي مبادر .

ومع ذلك ارجو ان لا ترسلي الرقم اعتبره طلب خاص لأني والله ما أدري ان فية رقم جاء وبشكل شخصي ....
والله لو ادري كان ما طلبته من الأساس ... مع ثقثي في جهودكم _ والحمد لله انتم كفيتونا في ها الموضوع _
وترى ماني زعلان او ماخذ في خاطري ... لكن كان من المفروض ادور للرقم من خلال الموقع بس تكاسلت ولا كان عندى وقت ,,,
والله يوفق الجميع لما يحبه ويرضاه,,,

هلا بك هاوي إبتعاث ... ووووووووووووينك يا رجال .. قلنا خلاااااااااص راح طااااااااااااااار للهند ..

معقوووووول بس 12 وثيقة الي وصلوك يمكن لأنك طالب معدل معين .. وإذا على القروش ولا يهمك بس أهم شىء نحصل شىء وراء هالخطاب ..

أحين كم وثيقة تحتاج بعد ؟؟؟

موفق يا رب ..