طلاب الدبلوم للمرحلة الخامسة .. ابتدى الجد!

هلا اخوي انا مثل ما قلت لك بالاول حنا الى الان ما نعرف وش هي شروط البعثات
ولكن اتوقع انهم للثانوي يعتمدون على نسبة الثانوي والقدرات و التحصيلي
اما المواد العلمية ما اتوقع ينظرون لها
ولكن انت ادع ربك وان شاء الله تتيسر امورك وامور الجميع
وتطلع بأذن الله
موفق اخوي ,,

شباب انا احتامل غدا اسافر الرياض
واتفقنا انا ونوسة اني انسق مع بعض الشباب ونتدخل على الوزير اللي يقدر يقابلنا وندخل سوا يبلغني ..

والف شكر لك اخوي باحث علم وما تقصر ابد

بعثات الملك عبد الله هي نفسها من الوزارة
يعني سواء المبتعثين او الا يدرسو على حسابهم ومن ثم يلتحقو كلهم على الوزارة


بالتوفيق

لا كيف ذي تصير؟! قصدك تجيب قبول جامعة وتقدم على بعثة من الوزارة؟
ما يصير طبعاً

يا انك تنتظر البعثات الا تطلع وتسجل فيها اذا طابقتك الشروط .. او انك تروح على حسابك ومن ثم تلتحق انت وحظك

السلام عليكم شباب ..

أمس رسلت الموضوع للصحفي في جريدة الحياة وكلمته وقال إنه رسلها على طول إلى قسم (هموم الناس) .. وجرى حديث طويل بيني وبينه وشرحت له إنه لازم يستعجل بالموضوع لأنه ما راح تكون للموضوع فائدة إذا نزلت المرحلة الخامسة .. وقام إتصل على المسؤول عن قسم هموم الناس وخلاني أسمع المكالمة ورد عليه شخص طلع مو اهو رئيس القسم وقال له إنه رئيس القسم يداوم على الساعة تسع ونصف بالليل .. وقال لي خلاص راح اتصل له لما يداوم واتصل لك .. ولا إتصل ؟؟؟؟؟
الصحفي بصراحة عجبه الموضوع وقال اهو طويل ومثل ما قالوا الشباب قال يمكن ما ينشروه كله .. لما قال هذي الكلمة وقفت عندها .. قلت له .. يا أبو إبراهيم تكفى لازم ينشر كله ولا ما إستفدنا شىء .. قال بحاول وبكلم رئيس القسم وإن شاء الله خير .. لما سئلته متى راح ينشر الموضوع قال هموم الناس تنشر كل سبت وأربعاء وتابعوا .. قلت حلوة تابعوا .. نبي موعد متى تقريباً .. المرحلة الخامسة على الأبواب ... قالي طيب إذا انتو مستعجلين .. شرايك بالصحف الألكترونية ؟؟؟ مثل سبق وغيرها ؟؟؟
قلت له أنت كصحفي شرايك ؟؟ قال والله الصحف الورقية أقوى بكثير من الألكترونية .. بس مدامكم مستعجلين أنا مستعد أنشرها وكاملة في أكثر من صحيفة أكترونية .. قلت والله حيرتني .. وأحترت معاك .. قلت له خلينا نشوف الورقية أول وتكلم رئيس القسم وبعدين .. أشاور الجماعة ونشوف .. شرايكم .. ورقية ولا إكترونية .. تصدقون توني أشوف موضوع بجريدة الرياض .. عن المبتعثون في الأردن والموضوع طويل وفيه صور .. ونشروه عادي أعتقد أطول من موضوعنا .. هذا رابطه
http://www.alriyadh.com/2009/06/22/article439376.html

بحاول أتصل عليه اليوم وأشوف كلم رئيس القسم ولا لا؟

دمتم بصحة وعافية ..