طلاب الدبلوم للمرحلة الخامسة .. ابتدى الجد!

السلام عليكم جميعاً ..

شباب رسلت إلى المسؤول عن قسم الدارسين على حسابهم الخاص في الملحقية الثقافية بواشنطن .. الأستاذ سعد بن ناصر ..
أرفقت بإيميلي له جواب وزارة التعليم العالي الذي يقول بأن في حالة معادلة الجامعة لشهادة الدبلوم أكثر من ثلاثين ساعة منجزة فإن عليك إنهاء سنة اللغة ثم التوجه للملحقية لإنهاء إجراءات الإنضمام للعضوية البعثة ..

وكان هذا رده منسوخ من إيميلي ..

جهد جبار ومعلومة جداً مهمة ... الله يعطيك العافية

ومن باب التأكيد ودي اسأل : عن الرد بالون الأمر , كيف كشف الدرجات والطالب باقي ما درس في الجامعة كل ما في الأمر انه خلص المعهد وجاب قبول من الجامعة في موضح عدد الساعات المعادلة فقط ,,, فما راح يكون هناك كشف درجات .... او يقصد كشف درجات الدبلوم ؟؟؟؟

سلام عليكم ياشباب الي من جده ياريت يعطيني خبر علشان نتجمع ونروح للوزاره والي في الرياض كذالك خلاص ترى مافيه وقت ياريت احصل الردود اليوووووم شدو حيلكم ياشباب هذا حقنا ولازم نطالب فيه ياشباااااااااااااااااااااااب الرجاء الي من جده يعطيني خبر بسررعه ابغى الرد اليوووووم لازم يد وحده ماتصفق وباذن الله تفرررررج

هلا بك مبادر وين هالغيبة .. إن شاء الله كل أمورك طيبة ..

المقصود بكشف الدرجات ..

كشف درجات المواد التي تمت معادلتها من الجامعة للدبلوم ولابد أن تكون ساعات منجزة أي كأن الطالب قام بدراستها .. عشان تطبق الشرط وهو ثلاثين ساعة جامعية .. فلابد أن يكون لديك إثبات بأنك أنجزت ثلاثون ساعة .. وبمعدل 2.5 من 4 ... بس والله مدري إذا كانت الجامعة تقوم بحساب المعادلة من قبل لا تبدى دراستك .. وإعتبارها مواد تمت دراستها .. أعتقد هذا الموضوع لابد نتأكد منه من الجامعات ... لأنه مهم .. ان الجامعة تعادل موادك وتصدر لك كشف درجات بمعدل .. تفيد بأنك تمت معادلة المواد لك وتعتبر مواد منجزة ..

أتمنى أني جاوبت على سؤالك ..

موفق يا مبادر.. والله يسهل أمورك في الإبتعاث ..

والله شي حلووو

يعطيك العافية

يالله سترك ،
السلام عليكم ورحمه الله وبركاته
مساكم / صبحكم ،،، الله بالخيـــر ،
تسيف حالكم كل ابوكم ،،،

ببدأ ، اول شي بـ ، شكر لـ
صاحب الموضوع نوسه ، وهاوي ، ومازن ، وشسمه هذا ماجد ، ومدري شسمهم الباقين احسن ناس بالدنيا
قسم بالله توسعون الصدر
للمعلوميه انا من السنه اللي راحت وانا ادخل واقرأ هنا واشوف واتفرج وانقهر وامشي ههههههه
رحت للوزاره لين قلت بس

انا معدلي مرتفع معي مرتبة شرف ومن التقنية وجبت قبول استرالي ، ومسوين كل شي وحتى معادلين لي سنه !!
لكني قاعد افحط مو قادر اسوي شي كاني متربط

شسمه رحت للوزاره ، ولا احد عطاني وجه ، قبل الاعلان عن المرحلة الخامسه باسبوع ، يقولون انتظر المرحله الخامسه يمكن يصير بها شي هذا مدير مكتب العطيه

بإذن الله الاسبوع الجاي يوم السبت ، راح اكون هونيك وبحاول اروح اول شي لشسمه هذا الناصريه
بعدين ع الـساعه 11 بروح للغدير علشان الموسى ينزل يستقبل الناس
فـ بنشب لهم صراحه لين اطفشهم

وبحاول اروح لديوان المظالم لان حسب ماسمعت انه فيه شي يبشر بخير ويمكن يفيدوننا

سجلت بالقروب بس موب متاكد صراحه توني انتبه له إذا هل هو صحيح اسمه تجمع طلاب الدبلوم السعوديين وحقهم في الابتعاث
بس عاد اسمي هناك بالانقلش ~

متابعكم وانا معكم لان أملي كبير في هالمرحله ومابي افوتها ،،
تفاءلوا خير ياشباب ، شوفوا الوضع بإيجابيه اكثر
تأكدوا من الكلام اللي تقولونه ،

المشكله الآن ، انه القرارات ارتجاليه ، لو تروح تسال احد فيه مرحله بيمشيك باي شي ، [ ان شاء الله ، انتظر ، لا مافيه ، الا فيه ] وكل هذا ماتدري اكيد او لا لان مافيه شي رسمي !!
لين مايعلنون ويكتبون بكذا راح يكون رسمي !!

موفقين خير
اخوكم ، عبدالله الجابر

مرحبا بالجميع ,, الله يعافيكم ويسلمكم
الحمدلله رجعت و وصلت بالسلامة
بعد مرمطة بالمطار واخر شيء رجعة بالباص 14 ساعة
المهم انا رحت للوزارة ونفس الشيء ما حصلت لا العطية ولا الموسى ولا الحربي
ولا فية احد يعطيني جواب كافي و واضح

من ناحية معادلة الثلاثين ساعة انا سائلت الدكتور وقلت لة :
اذا الجامعة عادلت لي اكثر من 30 ساعة هل يلغي عني شرط الـ30 ساعة للالتحاق بالبعثة
قالي لا لازم تقضي 30 ساعة من نفس الجامعة اللي تدرس فيها ببلد الدراسة يا للاسف والله
كلمتة قلت يا بوي انتم في الوزارة كل واحد يعطي جواب وتصريح مخلف عن الثاني قالي انا جوابي معتمد من الوزارة اما الباقي انا ما ادري عنهم من وين يجيبوا الاجابات وكيف يسمحوا لانفسهم بالاجابة على الاستفسارات اهم شيء انك تسأل واحد ثقة في الوزارة مو اي موظف ., شكرتة ومشيت من عندة
هذا اللي بلغني منهم والله اعلم .

مازن صدقت
هذي المشكله
[ محد يعطيك وجه ، تدخل تتلفت ماتدري ليمين تروح ، تجلس تدور تدور بالاخير كل واحد يقول ماعندي مافيه مادري وشو ]

طيب دام هي كذا السالفه ، الغي الدبلوم مره وحدهـ ،
الفكرهـ ، بيخليك انت يالدبلوم تصير مساعد لمهندس وتكرف تحته ليل نهار بأقل الرواتب ولايبي يخليك تطلع تسوي شي

عموما حتى لو ماطلعنا بعثه ، مازالت الخيارات البديله متاحه ، وانا وياهم والزمن =@
مافيه شي اسمه الواحد يتوقف علمه عند نقطه
فيه شهادات عالميه ، لو ماقبلوها ربعنا يقبلونها دول اخرى
وتلاقي شركاتنا تطلبك غصب عنها
بس يبيلها اجتهاد + استثمار جزء كبير من المال اللي يجيك لعلمك

والله يوفقنا :~