طلاب الدبلوم للمرحلة الخامسة .. ابتدى الجد!

هذا الا اقصده انا وانت قلتها بنفسك
يقولو الالحاق في امريكا توقف واكثر من شخص اكد هالشي! وكندا ما تعاادل الدبلوم .. والدول الباقية الا تعادل مثل بريطانيا واستراليا موقفة من زمان وبعثات مصعبينها علينا خخخخ .. وش بقى لنا؟! ههههههه

لكن الله كريم وان شاء الله يتغير الوضع في المرحلة الخامسة

الله يكتب الي فيه الخير

والله يا ملح الرياض نفس الطلبات تبع كل مرحله ونتمنى انو شرط المعدل ينزلونه شوي
يعني 4.50 من 5 كثير على الاقل 3.50 من 5 مره ممتاز زي البكالوريا

الله يوفق الجميع يا رب

الله كريم..والله يسرها ويسهلها علينا يارب
وعلى كل مسلم
وان شاءالله ينزززززل المعدل..
لان المعدل خرافي بصراحه..
واذا الله ماكتب اننا نبتعث عاد الشكوى لله..والحمدلله على كل حال
بنجرب ندرس على حسابنا ترم..ونطلب الحاق..

شفتي كيف حنا معذبين ههههه

دبلوم محاسبة حلوو تقريبا في جامعات كثيرة ممكن تعادل لك اذا مو في السعودية في دول الخليج
اممم بالنسبة للاوراق بدررري عليها المرحلة الخامسة لسة ما شفنا شروطها او حتى اذا كان لنا مرحلة خامسة!! لكن الله كريم ونقوول يااارب
ان شاء الله يسهلو الشروط ويفتحو الابتعاث الى دول مختلفة!
انا تخصصي مختبرات طبية


بالتوفيق للجميع

الله يعينكم يارب ذكرتوني بالايام الحلوه قبل التقديم...والحين الـ 222 بعضهم ماراح يروح...
المهم ليش ماواحد منكم يروح للوزاره ويشوف باقي الـ 1000 رقم ويقدم أوراقه يمكن يقبلونه...
ترى ماهي شينه الواحد يروح يسأل...
وعشان ماتتحسفون على هذي البعثه ترى طلاب الصيدله في اليابان راح يدرسون أقل شئ 5 سنوات ولا فيه معادلة دبلوم ولا شئ... وطلاب كوريا تبع التخصصات الصحيه راح يدرسوا أقل شئ 4 سنوات...يعني مافيه معادله(يعني أيام التقديم بس كانوا يأملوننا ان الدول هذي حلوه وتعادل المواد وتنفع للدراسه عشان مانطالبهم بتغيير الدول وفتح الفرصه للتقديم على دول أخرى)...
وبالنسبه للي ماجاه بعثه يكمل بكالوريوس هنا أو يدرس هنا من جديد في تخصص مطلوب أو يطلع يكمل برا ويطلب الحاق...
صدقوني الاجراءات تطول كثير يمكن 6-8 أشهر لأن الوزاره يومها بسنه يعني سنه من أعماركم بتروح بدون فائده...
الله يوفقكم يااااااااااااااااارب
دعواتكم

اخوي سعودي لو كان على الشرط هذا كان انا وغيري كثير طلعنا وطلبنا الحاق بس والله المصاريف كثيره
يعني مصاريف تذاكر وجامعه وسكن واكل وشرب ووووووووو
والله فكرت قلت كان الدبلوم اللي دفعت لهم 50.000 ريال كان دفعتها في جامعه وجانا الالحاق بإذن الله لكن
أمر الله وش اسوي
الله يسوي اللي فيه الخير وتتيسر لنا البعثه اذا كانت خير لنا

شباب الله يكون في عوننا حنا ياهل الدبلوم والله انها منصكه في وجيهنا
انا خريج هندسه مساحه كليه تقنيه (حتى من اسمها تفشل ) طبعا دبلوم رحت اكمل بكالوريس في الكليه التقنيه الرياض قالوا ما فيه بكالوريس لتخصصك قدمت على الجامعه قالوا ما نقبل كليه تقنيه يعني بذمتكم وين نروح بعدين على فكره معدلي 4,91 من 5
بعدين بصراحه انا ما فرحت بالابتعاث يوم قالوا فتحوا المجال امام الدبلوم
اي مجال الله يرحم والديكم (الصين . كوريا . اليابان ) والله مهزله
وينكم ياشباب عطونا اصواتكم
كل يطلع اللي في قلبه
انا اسف على هذا الاسلوب لكن شي يطلع الواحد عن طوره

طيب يا خوي وش الحل
زي ما انت شايف الوضع تكدس الطلاب في بريطانيا وامريكا وكندا واستراليا ونيوزلندا
ما شاء الله عليهم صاروا في كل محل ترفع حجره تلقى سعودي هههههههههههههههههه
يا عمي خير يا طير اليابان ولا الصين ولا كوريا
معليش خلينا نفكر شوي
الوزارة ما تحط مسار الإبتعاث للدولة الا وحاسبتها الف حساب يعني لا تخاف
وش فيها لو تعلمت لغه البلد تتميز عن غيرك انك معك لغه اجنبيه غير اللغه الانجليزيه
وانا بصراحه ضد اللي يقولون وش نستفيد باللغه (اللي رايحين لدول الدبلوم)

هذا رأي والله يوفق الجميع لكل الدول اللي يبغونها