طلاب الدبلوم للمرحلة الخامسة .. ابتدى الجد!

مايحتاج مكاتب يالغالي

اعتمد على نفسك منها توفر فلوسك وتكتسب خبره في التقديم على الجامعات

ترى ماتحتاج كلها ابلكيشن تعبية وترسل الاوراق وبس


واذا انت مصر على المكاتب الله يوفقك ما اكثرها في السعودية

ايوهـ استراليا
انا قبولي في نيوكاسل استراليا
وان شاء الله خير

لا والله ما نا مصر ولاشي لكن مجرد افكار.
وانا معاك نعبي الأبلكيشن ونراسل الجامعات

انا أؤيد الفكرة لكن بعد ما نشوف وش صار على المعاملة واذا في مجال لنا في الخامسة او لا!

يعني لا بأس لو الواحد استفسر عن الجامعات وبحث من الآن ويشوف الا بتعادل له ويحطها في باله!

واذا ما حصلنا على شي في المرحلة الخامسة لا سمح الله نجيب القبولات

ممتاز نشتغل على أكثر من خطة اذا ما مشت الأولى الثانية تكون على طول جاهزة

وعلى فكره / اخر اخبار توصلت إليها قبل يومين
ان التقديم المرحلة الخامسة بيكون ان شاء الله بتاريخ:1-7-1430 . المصدر موظف الأستقبال بأدارة الأبتعاث
الخبر الثاني المؤسسة العامة للتعليم الفنيوالتدريب المهني بصدد اطلاق برنامج مماثل لبرنامج خادم الحرمين الشرفين بالتعليم العالي .يحوي ما يقارب 2000 فرصة أبتعاث في تخصص الأدارة وعلوم الحاسب وتخصصات الهندسة- المصدر موقع الموؤسسة العامه للتعليم الفني

لازم نشتغل على خطاب الوزير + خطاب الملك + القبولات

لازم ياجماعه نشتغل عليهم بنفس الوقت .. ولا نقول بنصبر لين نشوف وش صار في المعاملة الفلانية بعدين نتجه للطريقة الثانية ... لازم نشتغل عليها كلها ... والوقت ترى مو من صالحنا .. الامور في الوزارة كل مالها وتتعقد اكثر واكثر ...

لذلك نصيحه مني حاولو من الان تراسلون الجامعات وتجيبون قبول ...

اذا توفقتو في خطاب الوزير قولو يارب !! مانعطي الوزارة مجال تصرفنا ونحط قدامهم قبولاتنا ونقول حنا جاهزين خصوصا ان الموسى دايم يتعذر على قرار عدم اتاحة الفرصة للدبلوم .. دايم يردد الجامعات ماتقبل طلاب الدبلوم .. والوزارة راح تعاني لانه مافي جامعات تعادل الساعات

ونفس الشي لو صار مع خطاب الملك .. نفاجاهم اننا جاهزين بالقبولات .. ومانعطيهم فرصة يلفون ولا يدورون


واذا مانفع او فشل خطاب الوزير و خطاب الملك ... (وهذا اللي اتوقعه) بيصير مع احترامي وتقديري لجهد الاخوان اللي يشكرون عليه عسى الله يوفقهم في الدنيا والاخره

يكون معنا قبولات ... ونكتب خطاب جديد وتدخل مجموعه من الطلاب 5 ولا 6 نيابة عن طلاب الدبلوم ونسلمه الخطاب ونشرحله وضعنا .. والعطية اذا معك قبول جامعي وشافك جاد في الدراسة هو اكثر شخص بيساعدنا ..


علشان كذا اقولكم الوقت مو من صالحنا يمكن بعد شهرين ولا ثلاثة الوزارة تسحب الصلاحيات من العطية وبالتالي تروح فرصتنا ...



في الاخير تبقى وجهة نظر شخصية

راي الجماعه هو بيصير


وموفقين

حلو الله يعطيكم العافيه
لكن ياطوال العمر والسلامه كيف اسوي قبول لاني صراحه ماني فاهم شي مره وودي واحد يعلمني كيف اساوي قبول بالتفصيل الله يجزاكم خير

يعطيكم ربي الف عافية

الله يوفقنا يارب

ما قصرتو يا اخوان والله يقويكم
بالتوفيق