ارجو التثبيت للعظة والعبرة (( والله على ما اقول شهيد ))

August 21st, 2007, 02:26 PM

مساء الخير ....

انا حاب اعرف بنفسي واحكي لكم قصتي اللي ارجو انكم تعيشونها وماتلوموني وارجو التثبيت عشان ماحد يغلط غلطتي مع ولده او احد عزيز عليه ويدخل هالنظام ...


وراح ابين ليش انا ضحية هالنظام ....
انا طالب بديت حياتي الثانويه بدون توجيه من لا اب ولا ام وكونت عقليتي بنفسي والحمد لله راضي فيها والله يخلي والديني لي لانهم ما ينلامون اذا كانوا مو متعلمين ,, دخلت نظام المقررات وحبيت هالنظام وحسيت اني انا متعايش معاه مع العلم باني انا اول دفعه فيه هالنظام ..
دخلته من اول سنه وطبعا كل طاقم الاداره كان متدهور وقتها ,, والمدرسين برضو طااايرين بالعجه ,
دخلت بقلوب الاداره والمعلمين لانني وما امدح نفسي كنت محبوب لدى المدرسه , وتعينت رئيس لمجلس الشورى وانا بثاني ثانوي من التصويت الرائع اللي جاني مع العلم انه كانو طلاب ثالث يدرسون في نفس المدرسه بس النظام القديم ولاكن كان النائب من طلاب ثالث , لبست المدرسه عقال وقتها وكان كل طالب يلبس عقال ,, وكان المدير الله يحفضه ماودي ادعي عليه الا الله يسامحه يقولي انه لنا اختبار خاص بالنسبه للقدرات والتحصيلي لسببين اولهم اني انا من ضمن الدفعه اللي تخرجت بسنتين ونصف من الثانويه
لاني درست كورسات صيفي ونزلت مواد بالصيف , فكان يقولي انتوا تخرجوا بس وانا اضبطكم عشان يكون لكم تقديم خاص ويكون لكم اختبارات خاصه .. وفاتني اول اختبار قدرات وبعد متخرجت
بالسمستر الاول فاتني اختبار ثاني لاني استنى (( الاختبار الخاص )) على قولت الباشا المدير , بعد ماجا التقديم الثالث وكان لي تقريبا اربع شهور متخرج قلت خلني اسجل مع الناس لا يضيع مستقبلي وسجلت وجبت 77 ((مع العلم لو انه اول ماتخرج اختبر انا اجزم باني بجيب درجه اعلى)) بعدها سكتنا انا ودفعتي وبلعناها (( الى الحين ماعطونا اصل شهادة الكورسات ماسلمونا الا الوثيقه ))
وبعد ماطالبنا وبعد الموت بكل بساطه يقول المدير الجديد لمدرستنا(( لان القديم سوا فعلته الشينه ونقل رز فينا قدام ادارة التعليم وهج)) وبكل بروده يقول ماعندي اوراق محميه اطبع لكم نسخ اصليه .. ياحرام وقتها نفسيتي كانت زفت وكانت على بدايت الاختبار التحصيلي اللي مو لي انا كطالب نظام مقررات .. رحت اراجع ادارت هيئة قياس ويقولون لي بكل بساطه وبرودت اعصاب (( انت درست هنا بالسعوديه ولا برى ))
ويقولون (( مو معقوله النظام تطبق هنا تعال اشرحه لنا بالله عليك )) هذا واحد من لجنة اختبار قياس...
بعدها اختبرت التحصيلي وجبت 60 نعم 60 ولاكن بعد 6 شهور تخرج ومع العلم بانه اغلب مدرسين مدرستي يجزمون لي بالحرف الواحد بانه بين كل 30 سؤال 20 لم تمر او تشرح او تدرس في مقررات نظامي ( نظام الزفت ) ولا مناهجه وضاع حلمي الكبير اللي هو ( كلــــــية الطب ) وتعوذت من ابليس وبلعتها وش تبون اسوي اذا كل جامعه اقدم فيها يقولون لي ادارتها
(( تعال الله لا يهينك اشرحي لي من تكون او وين درست او نظامك فاشل )) والله بالحرف الواحد صارت لي كل هالمواقف والله على ما اقول شهيد وانا ما حبيت اطول لانه ماخفي كان اعضم لاكن الشكوى لله وحسبي الله ونعم الوكل وعلى فكره انا ماترجمت شهادتي بوزارة التعليم بمبني الاختبارات انا ترجمتها بنفسي لان شهادتي مانزلت بالسستم الخاص بالوزاره ورجعت وثقتها ولا بعد ماتأكدوا منها ومشوروني على اساس يتأكدون اني دارس هنا بالسعوديه ؟؟؟


(( لهذا السبب انا كتبت { نضام } مو {نظام } لابين لكم كم انا فااااشل وتعييس الحض

انصحكم ابعدووووووو عن هالنظام لا انت ولا ولدك ولا اعز ناسك ..

وشكرا ............ ودمتم لبعض اسره واحده وارجو انكم تدعون لي ولدفعتي بالتوفيق بهالبعثات لان الدراسه هنا بعد اللي صار لنا ماتنطااااااااااق ....

• نشر عبر تويتر
• نشر عبر فيسبوك
• نشر عبر جوجل