رجعنا من بيروت

والله الرحلة كانت حلوه قعدنا تقريبا ثمان ايام في بيروت كانت حلوه كنا نسمع بالتهديدات اليهودية على بيروت وكان الوضع عادي والناس ماكانت تتوقع الشي هذا واحنا في طريقنا للعودة للمطار لاننا كنا حاجزين الرجعة بيروت الرياض حصلنا اللي ماصار انفجارات بدرجة ان سواق التاكسي يقول لنا ارجعكم للفندق.. قلت له لا ياخوي نبغي الحدود نبغي نطلع بالعافية قال لنا مالي شغل فيكم تبغون تنزلون في الفندق والا لا قلنا خلاص نبغي ننزل في الفندق كنا انا واثنين من اصدقائي بعد مانزلنا صاحب التأكسي نحصل عائلة سعودية معاها سيارة من نوع السوبرمان وهو في حالة فزع وخوف قلنا بنطلع معاك قال حياكم بسرعة يالله ركبنا معاه ودخلنا سوريا رحنا بنحجز على الخطوط السعودية هناك حصلنا زحمة قالو لنا العوائل والاطفال اولا بالطيارة طبعا بالتنسيق مع السفارة السعودية في دمشق .... قلت للشباب وش رايكم نطلع بر تأكسي لين نوصل للحدود السعودية نطلع من الشام كله احسن قالو لي الشباب براسك وطلعنا ودخلنا الاراضي السعودية ... والحمد لله على كل حال