هذا وضعي وابي شوركم

يالغالي دامك جالس ومرتاح بوظيفتك لا تطلع وانت مو واثق هل راح تلحق او لا
بعدها تندم لانك تركت كل شي وراك وفلوسك راحت ووظيفتك خسرتها
احنا الي هنا بكندا مترمطين ويا االوزارة فكيف بكون وضعك انت
احسب حساب كل شيء قبل لاتضيع مستقبلك

في احد يترك سابك ويطلع بعثات الوزارة ؟

اخوي سابك عندها برنامج خاص بتبعث فيه موظفينها ... استفسر عنه .. واستمر في وظيفتك قبل لا تندم .. والله يوفقك

وثلاث تنعام ياعبدالله

والله يحققلك اللي فبالك وتنضم للبعثه وترجعلنا بالشهاده ان شالله

ماقصرت واستفدت من كلامك كثير ووضحتلي اشياء كثير

يعطيك الف عافيه


يجيب الله مطر

والله ييسرها لنا ولكم يارب ويحققلك اللي فبالك


انا معاك سابك شركه كبيره لكن انا ابي شهاده

وبالنسبه لبعثات سابك شي مستحيل جداً بالنسبه لمن بمثل وضعي

طلبت النصيحة ، و وضعك قريب من وضعي و يمكن انا في وظيفتي مرتاح مالياً اكثر منك

الوضع الحين ما يطمن ، انت خلك جاهز ، شف الدولة و الجامعة المناسبة لك

و قدم للجامعة و خل القبول معك إحتياط ، و اذا استمر الوضع كما هو الحين فلا تغامر

اما اذا تغير مع ان الوزارة ما ينعرفلها ، فتكون جاهز ومايبقى عليك إلى الفيزا و السفر

وسلامتك

السلام عليكم
ياخوي بدام انك بوظيفه ووضعك المالي حلو انصحك لاتطلع
لانو بعد جلسه 169 راح يطبق نظام ال30 ساعه وغير ال30 ساعه لازم يكون معدلك 2,5 من 4
يعني بصراحه مهي سهله والله يوفقك ويسويلك الي فيه الخير

السلام عليكم
ياخوي دام انك في الوظيفة لاتغامر بها لاكن ممكن انك تاخد اجازه بدون راتب وتجرب حظك
ادا ضموك للبعثة خير وبركة بس ادا ماضموك الوظيف موجودة
وان شاء الله منضم للبعثة بس الاحتياط واجب

تعال تعال تعال

اهدا ولا تتهور

أنا باتكلم معاك عن وضعي انا

أنا كنت موظف حكومي وقدمت على المرحلة الرابعة للابتعاث وقبلوني مبدئي وفي الترشيح النهائي رفضوني واستقلت وتركت وظيفتي عشان احصل على بعثة
لكن الوزارة ما وافقت بحجة ان الاستقاله جاية متأخره
الحاصل انو انا خسرت وظيفتي ولا اخذت بعثة يعني لا بلح الشام ولا عنب اليمن
قمت جمعت شوية ديون (فوق ديون الفلوس اللي خسرناها في الاسهم) وشوفني هنا في استراليا على أمل ان الله ييسرها والتحق

انا طالب ماستر ومعدلي في البكالوريوس جيدجدا والتخصص من التخصصات المطلوبة + مرحلة الانجليزي بس 20 اسبوع ومع ذلك رفضت الملحقية ترفع الاوراق للوزارة

نصيحة مجرب .... لا تترك وظيفتك الا اذا واثق 100% من البعثة
بعدين انت موظف قطاع خاص = تقدر تاخذ لك اجازة بدون راتب بحيث لو ما زبطت امور البعثه تقدر ترجع لوظيفتك
نصيحه مجرب
كل يوم اندم 1000 مرة على الاستعجال
وحسبي الله على اللي كان السبب في استقالتي
والله ييسر امورنا وامرك

اخوي < وين على الله >

انا ماقدر ارسل رسائل خاصه حتى يصبح عدد المشاركات عندي 30 في المنتدى

وبالنسبه لسؤالك تقدر تسأل الاخوان أو المستشار عن هذه النقطه وراح يعطونك الجواب الشافي انشالله لان ماعندي والله تجربه في ذا الشي

والله يسهل امورك ,,