المسوغات والشروط المطلوبة للراغبين في الدراسة الجامعية بالخارج على حسابهم الخاص

العمر مشروط للي طالعين ع برنامج خادم الحرمين. اللي طالع على حسابه ما ينطبق عليه هذا الشرط لانه اذا ربنا اكرمه وحصل على الالحاق يكون على حساب التعليم العالي وليس برنامج خادم الحرمين.

اخوي مبتعث مجتهد صباح الخير

يالغالي انا انشالله طالع ادرس ماجستير على حسابي مع الزوجة وطفلتين , تقريبا كملت اوراقي باقي القبولات فقط وسلمت اوراقي للمكتب اليوم
الخطة ان زوجتي على على اساس ان الزوجة هي الاساس وانا مرافق لاني موظف حكومي وبقرار ابتعاث الزوجة اذا انضمت راح يعطيني الدوام اجازة مرافق وفي البداية راح اطلع بإجازة اعتيادية ولو تأخرت قدمت استثنائية بدون راتب لحين الانضمام
لكني باخذ فيزا اف ون انشالله على اساس ادرس انا ايضاً ويضموني كمبتعث

السؤال
هل ترتيب السالفة السابقة في شي يعيقه قانونيا ؟
كيف يكون وضع الاطفال وكيف يكملون دراستهم لاني بطلع بعد نهاية الترم هذا تقريبا يعني في نصف السنة .. هل فيه مدارس على اساس يكملون تعليمهم فيها الى ان يتقنوا اللغة بعدين يكملو بالمدارس الامريكية ,,, وهل دراسة الاطفال بعد الانضمام على حساب الملحقية اولا شكرا لك مقدماً

هل لو رحت على حسابي الخاص وانا مرافق لمبتعث يطلب مني ابلاغ الوزارة
والا بس اخذ الفيزا للطالب وبعدين ارفق اوراقي من هناك عشان انضم للبعثه

يااحبتي الكرام انا ارغب في الدراسه على حسابي الخاص ومن ثم الانضمام الى البعثه
كم المبلغ اللي يكفيني حتى الانضمام للبعثه في امريكا ؟؟
انا موظف مساعد اداري في التربيه و التعليم في مدرسه بجده كيف احصل على الاجازه بدون ما افصل من العمل لانه شروط التعليم العالي لابد من الحصول على الاجازه وهل اذا انا موظف مايقبلون طلبي في موقع وزارة التعليم العالي ؟؟
ابغى الحل الله يوفقكم وش اسوي عشان اطلع

السلام عليكم ورحمة الله وبركاته

كل الشكر والتقدير لكل من أعطى من وقته الثمين ليقدم العون والمساعدة ..


أسئلتي كثيرة .. وكثير من الامور أجهلها ..
أحتاج إلى شخص لديه خبرة ودراية .. وصبر على استفساراتي ومساعدتي .. يأتي لأتواصل معه .. وكتب الله أجره ..

علما بأني أحمل مؤهل بكالوريوس ..

بعد اذن صاحب الموضوع ودي اجاوب السؤال:
انا اعرف شخص مدرس لغه انجليزيه وحصل على اجازه بدون مرتب لمدة ثلاث سنوات ع شان يجيب الماستر في اللغه. حصل على القبولات اللازمه واخذ الفيزه وبعدها حصل على موافقة وزارة التعليم العالي للدراسه على الحساب الخاص. ولما وصل هناك قالوا له لا يحق لك الانضمام للبعثه لانك موظف وتقدر ترجع عملك في اي وقت. قال طيب والموافقه حقت التعليم العالي قالوا موافقة التعليم العالي اسمها " موافقه للدراسه على الحساب الخاص" ومن شروطها ان تحصل على اجازه من عملك تغطي مدة الدراسه. المهم الرجال الان في استراليا وقاعد ياخذ ويعطي معاهم والى الان لم يتضح شيء. انتبه للنقطه هذي قبل ما تطلب اجازه.

سلام عليكم
انا بطلع على حسابي لكندا وش شروط الابتعاث على حسابي وشروط الفيزة الله لا يهينكم .
الشروط الموجودة قديمة وبدول غير كندا .

4- أن يكون الطالب قد أنهى في مجال دراسته ( 30 ) وحدة دراسية حسب النظام الفصلي أو مايعادلها وبمعدل تراكمي لايقل عن ( 2.5 ) من أربع نقاط أو مايعادله .
4- أن يكون الطالب قد أنهى في مجال دراسته ( 30 ) وحدة دراسية حسب النظام الفصلي أو مايعادلها وبمعدل تراكمي لايقل عن ( 2.5 ) من أربع نقاط أو مايعادله .

من متى الكلام هذا؟ سمعت انه اول ماتروح للبعثه تجلس تقريبا اربعه شهور بالمتوسط عشان يضمونك!

هذا النظام اساسا ولكن حليا يطلبون بس 4 شهور . ال 4 شهور هي استثناء من النظام وربما يرجعون للنظام في اي وقت.

السلام عليكم ..


قدمت طلب فتح ملف دارس على حسابه الخاص على موقع وزارة التعليم العالي
وتم الرفض لعدة أسباب منه صورتين لم أرفقها
والسبب الثالث ( طالبين صورة من رقم الـ cas number )

وبعد سؤالي لمسؤول في المعهد اللي أدرس فيه أوضح لي بأن هذا الرقم ما اقدر اخذه الحين
لأن ضروري اجيب في الآيلتس 4 ونص ومن ثم
يعطوني الرقم

،

هل فيه أحد تعرض لهالشي ؟
وهل فيه رقم يغني عن ال cas number يأخذون ويقبلون فيه الوزارة ؟؟

وكيف تم قبول طلباتكم من دون الرقم ؟

( دولة الدراسة - بريطانيا - )

أرجو الإفادة عاجلاً
ومشكوورين