معادلة البكالوريوس للتكلمة في الخارج

تدري كم تمنيت الجامعة هذي يالله وانت تبي تطلع من عز ومكافئة وتروح على حسابك وبالنهاية تاخذ نفس الشهادة بكالوريس لو بعثة ابقولك انتبة وفكر قبل لاتطلع وهي بعثة فما بالك وانت تبي تطلع على حسابك عشان نفس الشهادة اللي وانت جالس بالسعودية راح تجيبها اقولك ولا واحد من الاخوان ايد كلامك لانهم يتمنونلك الخير وانا والله اتمنالك الخير واقولك اقضب ارضك والماجستير ان شالله تاخذه من امريكا

نصيحة اخوية ...بكلامك هذا ذكرتني بواحد هنا في استراليا ندمان اشد الندم لانه كان يدرس في جامعة الملك سعود بكالوريوس وكان باقي له سنتين ويتخرج ....ولكن جائته فكرة ان يدرس في الخارج على اساس الدراسة افضل والاجواء الدراسية افضل! والشقر والحمر افضل!

ولكن بعد تقر يبا 1 سنة دراسية منذ بدايته الدراسة ندم اشد الندم لانه اضاع من عمره 3 سنوات ضاعت هبائا منثورا والي مثله الان يحضرون ماستر وهو باقي ينتظر انه يتخرج من البكالوريوس؟؟

اخوي انا ابصملك بالعشرة انه ترى جامعاتنا ليست بذلك السوء بل بالعكس افضل من بعض الجامعات الاجنبية

ولكن البعض يقصد بان الجامعات والدراسة الخارجية غير....حيث انه فيها اختلاط بالشقراوات والحمراوات؟؟ والا لماذا لا يذهبون الى الصين او اليابان او الهند او سنغافورة او تايوان او جنوب اقريقيا او حتى يمدحون هذه الجامعات رغم ان بعضها حاصل على تصنيف عالمي ممتاز فعندك جامعة تايوان الوطنية من افضل خمسين جامعة في العالم؟

نقاط يجب الإعتبار بها

أولا:لم يتبقى على تخرجك من الجامعة سوى 9 شهور. يعنى التخرج عام 2010. ولكن إذا حولت لأمريكا وعادلو لك 50 ساعة (إذا حصل) فسوف يتبقى عليك على الأقل 80 ساعة للتخرج وسوف تتخرج سنة 2012 (إفتراضا إنك تبدا الدراسة بأمريكا بداية 2010).
ثنايا: فيه نقطة مهمة جدا بالنسبة لمعادلة الساعات ألا وهي:
معروف أن الجامعات تطلب عدد من الساعات للتخرج (عادة الهندسة تتطلب من 126 الا 135 حسب الجامعه) فيجب عليك أخذ الأمر بجدية لمعادلة الساعات. بعض الجامعات تعادل لك جميع الساعات ولكن في أخر المطاف تقولك الساعات معضمها من غير الساعات المطلوبه عليك للتخرج بتخصص ما.

ثالثا: نفترض انك تخرجت من البترول في 2010 وخلصت الماجستير في أمريكا سنة 2012. أليس أفتراض عاقل.

رابعا: رأي الشخصي:

كمل بجامعة البترول وخلص الماجستير بأمريكا.

خامسا: ماهو تخصصك الدقيق هل هو:

1. Logistic
2. Or system engineering
3. Or Control system

وفقك الله لما يحب ويرضى

السلام عليكم ورحمة الله .. الله يعطي العافيه لكل من أدلى بدلوه وأعطاني رأيه بكل مصداقيه ..

وانا الى الان ما اتخذت القرار .. لان لازم اراجع الجامعه عندنا ان شاء الله .. ويمكن يكون عندهم برنامج ال Exchange Student .. بس ما اتوقع ..
انا 90 بالميه راح اكمل بالجامعه .. بس لو حصلت جامعة تعادل لي 70 ساعه على الاقل .. بأفكر بالأمر بجدية أكبر .. ومثل ما قلت لكم ان شاء الله اول اسبوع بالجامعه يبيّن كل شيء .. ويعطيكم العافيه مره ثانيه

بالنسبه لأخوي Nahsinass .. يعطيك العافيه على الشرح الوفي .. بس على فكرة انا باقي لي على التخرج سنتين .. سنه اخلص فيها 30 ساعه وبعدها فيه 6 شهور تطبيق(تحسب له 9 ساعات ) .. بعدها فيه ترم 15 ساعه وهو ترم التخرج باذن الله
بالنسبة للنقطة الثالثه ما فهمتها ! .. بس يمكن قصدك اني بأخلص البكالوريوس بأمريكا وانا اصلا لو تخرجت من الجامعه هنا وكملت برى كان يمديني خلصت الماجستير بعد !؟

واخر نقطة .. انا تخصصي Industrial System Engineering .. هذا المسمى حقه .. ويعطيك العافيه مره ثانيه