معادلة البكالوريوس للتكلمة في الخارج

تنبيه: هذا الموضوع قديم. تم طرحه قبل 5598 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

الباحث عن نفسه
مبتعث جديد New Member

غير معرف
الباحث عن نفسه , ذكر. مبتعث جديد New Member. , تخصصى هندسة صناعية , بجامعة جامعة الملك فهد للبترول والمعادن
جامعة الملك فهد للبترول والمعادن

هندسة صناعية

ذكر
الظهران, المنطقة الشرقيه

غير معرف

Sep 2009
المزيدl
September 18th, 2009, 02:10 PM
September 18th, 2009, 02:10 PM
بسم الله والصلاة والسلام على رسول الله .. اما بعد :
السلام عليكم ورحمة الله وبركاته .. وفقكم الله يا اخواننا واخواتنا في دراستكم وجعلكم فوانيس للأمة الاسلامة ..
موضوعي بسيط وسهل وبنفس الوقت ما حصلت نفس مشكلتي .. واتمنى انكم تتفهمون ..

انا طالب بجامعة الملك فهد للبترول والمعادن بتخصص هندسة صناعية .. وخلصت من متطلبات التخرج عندنا 80 ساعت وباقي لي 54 ساعه واتخرج .. الصيف هذا ( شهر جولاي واغسطس) رحت امريكا لغرض دراسة اللغة وابي اشوف العالم كيف عايشة برى عالمنا اللي حنا فيه ؟ .. المهم خلصت اللغة شهرين ورجعت للسعوديه .. دراستنا بجامعة الملك فهد تبدأ تقريبا ب 14 شوال يعني 3 اكتوبر .. وانا في الشهرين اللي قضيتهم برى .. رجعت لي فكرة اني اكمل البكالوريوس بجامعة امريكية .. وانا الفكره ما جت من راسي .. دكاتره عندنا بالجامعة شجعوني وحثوني على الشيء هذا .. لانه يترك اثر جميل ومنها الطالب يجرب نظام اخر من التعليم .. المهم مالكم بالطويله .. جامعتنا دراستها بالانجليزي والفيزا اللي معي خمس سنوات ( مع اني قايل لهم اني رايح ادرس شهرين .. اعطوني خمس سنوات ) .. فسؤالي هو

هل من الممكن اني اروح لأي ولاية بأمريكا في الشهرين الجايين وادرس لغة ( بالكثير 3 او 5 شهور .. لان انجليزيتي ولله الحمد ممتازه ) وبعدها احول على جامعة امريكية بشرط انهم يعادلون لي المواد اللي خلصتها من الجامعة عندنا ؟

والله يعطيكم العافيه مقدما .. والسلام ختام
اخوي عندك خياريين :
الخيار الاول: اكمال البكالوريوس في جامعة الملك فهد ( و هذا انصح به انا) و دراسة الماجستير في امريكا بعد تخرجك ، لان الجامعة التي ستعادل لك الساعات التي درستها في المملكة لن تحولك كل الساعات المدروسة و في هذا الحالة ستخسر ساعات كثيرة.

الخيار الثاني: اذا الجامعة الامريكية حسيبت لك كل الساعات و حولتها لك انا اؤيد طلبك .

و الله يوفقك
المستشار التعليمي
September 18th, 2009, 04:08 PM
7 "
والله رايي من راي اخو المستشار ..

أنك تكمل بالجآمعة ... لأن الجامعة بعد قووية ومآيحتآج لها تعريف .. وتخلص تروح تكمل ماستر ..

//

اما سالفه المعآدلة استحاله يعادلون لك كل السآعآت ..

//

بالتوفيق
Mohammed88
September 18th, 2009, 04:20 PM
7 "
 المشاركة الأصلية كتبت بواسطة Mohammed88

والله رايي من راي اخو المستشار ..

أنك تكمل بالجآمعة ... لأن الجامعة بعد قووية ومآيحتآج لها تعريف .. وتخلص تروح تكمل ماستر ..

//

اما سالفه المعآدلة استحاله يعادلون لك كل السآعآت ..

//

بالتوفيق

كلام سليم 100%. وترى جامعة البترول أحسن بكثير من جامعات أمريكية.
sultan240
September 18th, 2009, 07:26 PM
7 "
الله يعطيكم العافيه على التفاعل يا شباب .. ولكن ما فهمتوا مغزاي من طريقة التحويل ..

فيه دكتور عندنا بالجامعه .. قال لنا يا شباب سنوات البكالوريوس هي السنوات اللي تتحدد عليها شخصيتك واهدفك وطموحاتك .. واشياء كثيره من حياتك تعتمد على الاربع او الخمس سنين اللي انت بتدرسها بالجامعه .. لذلك انصحكم اطلعوا برى .. شوفوا الدنيا كيف من زاوية ثانيه .

هدفي مو شغلة اروح اكمل لأن جامعتنا ماهي قوية .. جامعتنا زينه والكل يعرف الشيء ذا .. بس انا ابي اروح اجرب نظام اخر من التعليم .. نفهم بدل ما نحفظ .. ومو مهم لو ما عادلوا لي ال 80 ساعة .. ما عندي مشاكل ..

اتمنى انكم فهمتم القصد الحين .. والله يعافيكم
الباحث عن نفسه
September 18th, 2009, 07:59 PM
7 "
الباحث عن نفسة

الوالد الله يطول بعمره دارس ماجستير عام 92 في ولاية كنتاكى
يقول والله ان فيه جامعات بـ امريكا معهد الادارة افضل منها 100 مرة فالجامعات القوية تنعد على الاصابع
وانت لك راي مستقل بذاتك .. بغض النظر عن كلام الدكتور ..
والجامعات الامريكية .. ماتعادل .. دبلوم كامل .77 ساعه. فما بالك بــ 80 ساعه جامعية
اضف الى ذلك ان شخص عزيز على من الزملاء نقل من جامعه الملك سعود الى جامعه سلطان وكل الجامعتين سعوديتين
ومع ذلك لم تتم المعادله الا 14 من اصل 55 ساعه .. وفضل الجلوس بجامعه الملك سعود
وصدقنى نصيحة لوجه الله كل الانسان ماكبر بالعمر تقل فرصة حصوله على الجامعه (وجهة نظر)
كلاكيت
September 18th, 2009, 08:37 PM
7 "
استاذي الفاضل .. نصيحة لوجه الله .. اقعد على قردك لايجيك اقرد منه

خخخخخخخخخخخخخخخخخخخخ

موفق
silentooo
September 18th, 2009, 09:10 PM
7 "
اخوي انت مخلص 80 ساعة وما بقى شي وتخلص دراستك في البترول .. خلص من البترول وروح كمل الماستر
مو شرط يعادلو لك في الخارج كل الساعات الي اخذتها .. يمكن يعادلو لك سمستر او سنة يعني تقريباً بتعيد من البداية!

تقدر تجرب النظام الآخر من التعليم وانت تدرس ما ستر

ومثل ما قال لك المسشتار في حال لو عادلو لك في الخارج جميع الساعات الي درستها في البترول توكل على الله وجرب
نوووسة
September 18th, 2009, 09:14 PM
7 "
حبيبي غلطآن الدكتور يوم يقولك روح شوف نظام غير

اصلآ نظآم جامعة البترول مايختلف عن الجآمعآت الأمريكية من ناحية التدريس والمعدل ..

انا معاي دبلوم من الجامعه نفسها .. كل اللي راسلتهم ماطلبوا مني اعادل شهادتي عند WES

لأن نظام دراستي نفس نظام الدراسة بأمريكا ..

ويوم يغسل مخ الطلبة ويقول .. أنا اخوي متخرج من الجامعة وغسلوا مخه قالوله خلك معـيد بالجآمعآت وبتلقى لك فرص بعثآت

يعني لاتاخذ على كلام الدكاااترة ابد ابد ... والحمدلله اخوي تخرج وقدم ع ارامكو وبيبعثونه لـ استرآليا ان شاء الله ..

لو انه سمع كلام الدكاترة كان للحين راتبه 8 آلاف ودوام دجه ..

//

نصيحتي لك خلك على الجامعة وتخرج منها وكمل ماستر برى ..

عصفور باليد ولا 10 على الشجره .. ان طلعت برى ماتدري تنضم للبعثه ولا ماتنضم ورآح تخسر كثير ..
Mohammed88
September 19th, 2009, 12:48 AM
7 "
ياشيخ والله ماتعرف وش تتكلم عنة انت اقول كمل البكالوريوس في السعودية وتعال هنا ماجستير ترا والله بياكلون ساعاتك اكل ولا راح تستفيد شي
الكلام عن المعادله اللي تشوفة في المنتديات والله الله تراها معادلة اولية وبعدها تجيك المعالدلة من رئيس القسم اللي بياكل ساعاتك اكل وراح تندم (عشان تدرس عندهم ساعات قدر المستطاع يعني لهف فلوس اكثر)

واحد من الشباب الجامعة كاتبة له ان عادلوله 50 ساعة من اصل 76 طبعا هذة المعادلة الاولى لما راح الى رئيس القسم والله والله عادلة 18 ساعة فقط

المهم انا نصحتك وانت ادرى بمصلحتك وسيبك من كلام الدكتور والله كلة فلسفة ماضيعنا الا كلام الدكاترة(جرب كلام الدكتور انشاء الله في الماستر)
heshamx
September 19th, 2009, 10:18 AM
7 "