هل من جديد عن الالحاق ايها الاستراليين

حنا هنا تقل منقطعين من شجره .. مالنا أحد فيذا ..
حقين امريكا وكندا .. هابين فينا هب ..
الله يجيرنا من النار بس ..

يا خيي .. إن شاء الامور زينه .. انت فتحت ملف ..
دخلت في اللجنه !!
وش صار معك ..
كم لك هنا ..
وش معك من شهادة ..

اهلا عزوز ملبورن


انا فتحت ملف قبل اسبوعين ومنتظر الملحقية يقولوا جالسين ننقل المبنى الجديد


وش حكاية اللجنة وكيف يتم الدخول فيها وايش وضعها الله لا يهينك نورنا

انا ادرس ماستر ترجمة وبدات الماستر ولله الحمد

ولكن مبتعث من جيبي الخاص الى اللحظة

على الله بانتظارك اخي الكريم عزوز والله يكتب اللي فيه الخير

والله ياعزيزي الامل الوحيد الى لنا هو انتظار زيارة الوزير .. يقولون بأبريل والله العالم ..
واحب اعلمك وضع حقين الماستر ان شاء الله سهل .. المشكله بحقين البكالوريوس !!

والله يسهلها عليك يارب ..
اتمنى اني افدتك ..

عسى الله يسهلها عليكم ويفتحها علييييييييييكم يااارب

والله انها من قلب صاادق ..

جعل ربي يوفق منهو يبي الدراسة والعلم والشهااادة ياارب


صفو النية ياشباب ... وان شاءالله تتسهل اموركم ياربي ياحبيبي

لسةعلى باب الكريم
على حسابي الخاص وبدأت الماستر من سنه
الملحقية مافتحت لي ملف
وقدمت اوراقي على العطية اكثر من مرة وفي النهاية حولها على الموسى من اكثر من 3 اسابيع
والى الان لا حس ولا خبر
الله يفرجها من عنده يارب

الله يكون في عون الجميع

دعوة للاستراليين للتجمع والعودة للمناقشات وطرح الاراء


لا تنسو الدعاء

اللهم عجل بالبعثو والالحاق يا رب العالمين

امين

هلا اخوي .. معليش ع التأخير ..
اللجنه هي الي تعرض فيها اوراقك .. مطابقه ولا لا ..
فيه لجنه جايه في الطريق .. 178 ... في تاريخ 12-4-1431هـ ..
وبإذن الله يمدينا.. ندخل فيها ..
وما تضيق إلا وتفرج بأمر الله ..
والصبر مفتاح الفرج ..
والدعاء .. يرد القدر بأمر الله ..
وبالشكر تدوم النعم ..
وكل شي عندنا .. لكن ينقصنا الايمان بأن الله قادر على كل شي ..
بالتوفيق لي ولكم .. جمييييييع ..

جزيت خيرا على المعلومات واشكرك من الاعماق عزوز

بس الملحقية عطوني رقم خاص فيهم هما وما ارسلو ملفي

هل فيه طريقة معينة تعبت ونا اتصل مايردو

وارسل ايميلات كمان ما يردو

الهم فرجك يا رب

الله يصبركم ويفرج همكم

والمسلمين اجمعين ياااارب