التخصصات المطلوبه في سوق العمل السعودي

مستقبلها حلو ,, والوظايف عاده في سابك ونحوها من الشركات اللي تشتغل بالبتروكيماويات

• ياخوان اقوى تخصص مطلوب في السعوديه هو ( الواسطه ) انت والوزير شي واحد حتى لو عندك ابتدائي بلاش نضحك على بعض كثيرررررررررر ياعم والله مافيه اي تقدر للمواهب و المبدعين في وطني

كل التخصصات المذكوره مهمه بسوق العمل ومطلوبه بس السؤال المهم انت وين تلاقي نفسك ؟؟؟
وين تشوف نفسك بعد عشر سنين ( هدفك حدده )
ركز على هدفك ...ممكن الحين التسويق والاداره الماليه من اهم التخصصات المطلوبه لكن هل هذا الي بيخليك تقرر وش بتدرس ؟!
وين تشوف نفسك.. طبيب والسلام او طبيب مهم بنخصص نادر ، مهندس عادي او كبير المهندسين بشركه معروفه ، مدير مشاريع كبيره في شركه كبيره او مدير قسم عادي ، مدير بنك او مسؤل عن خدمه العملاء ؟؟ موظف حكومي ضمن سلم الرواتب ينتظر ترقيه او عميد كليه ؟؟؟ وين تشوف نفسك ؟؟!!
همسه : تحديد الهدف هو اول درجه في سلم النجاح ..
ملاحظه : ممكن الدخول على قسم التوظيف في اي شركه او مؤسسه حكوميه ( من ضمنها الجامعات ) او خاصه والبحث عن الوظائف المطلوبه وانت تتصفح على النت ما ياخذ منك وقت .. مع ان مستقبلك يستحق منك كل الوقت
تمنياتي للكل بالتوفيق

بصرآحه الموضوع جدآ وجزا الله كل خير من قام به واتمنى اناا كمان تفيدوني

آنا يا اخوان محتار بين 3 تخصصات وحـأذكر كل تخصص ليش آخترته

1- علوم الحاسب
سبب الاختيار أنا شخص اعشق الحاسب و بالتحديد البرمجه واي حاجه تخص الحاسب مابين الهار وير و السفتوير
2-هندسه كهربائبة
سبب الاختيار آحب الفيزياء والفضل يرجع لمدرس ربي يذكره بالخير "سعد الشهيب "
3- هندسة ميكانيكية
سبب الإختيار قريت عنها انها مطلوبه بشكل كبير ف سووق العمل واشوف نفسي ممكن امشي فيها بإذن الواحد الاحد

فأتمنى من ذوي الخبره انهم يفيدوني ف اختيار التخصص الافضل مع ذكر السبب ودمتم بخير

الادارة بوجه عام .. ممتاز .

الحاسب زمنه ولى وراح . الحين شبعانين الناس حاسب فلللل


والاعلام ايضا ممتاز

هندسه معماريه

طيب بسألك لاهنت

لازم تكون اصلا تخصصك هندسه عشان تكمل بالهندسه المعماريه والا مسموح لتخصصات الاخرى تختارها وتكمل فيهاا

صبحكم الله بالخير
بصراحه موضوع مهم وما أتوقع أنه راح ينتهي النقاش فيه وأنا بصراحه غير مقتنع بشي إسمه (واسطه) لأني مؤمن بالله عز وجل وعارف انه ماحد راح ياخذ رزقي اللي كتبه لي رب العالمين وما أنسى دعوات الوالدين وخصوصا الوالده الله يحفظها ويخليها لي ...

ياشباب انا راح اقولكم من واقع خبرتي بما أني موظف في شركه قويه جدا في مجال البتروكيماويات بالجبيل الصناعيه
واللي شفته أنا اللي أوضاعهم ممتازه جدا في الشركه (المهندسين) يعني بصراحه مستقبلهم جدا قوي ورواتبهم ماشاء الله ممتازه بس أحب أنبه أنه في شي مطلوب ومهم وخصوصا في الشركات العملاقه اللي بالجبيل الا وهو الخبره واذا توظفت بدون خبره عادة يوظفونك كونتراكت يعني على عقد وفي أي لحظه يشوتونك بوز مع أسفي اني اقول هالكلمه بس انا هذا اللي شايفه ... والدليل أخوي خريج هندسة بترول وله اكثر من 5 سنوات وهو كونتراكت مع شركات متعاقده مع أرامكو وهو حلمه انه يترسم في أرامكو وإلى الآن ما تحقق حلمه بس إن شاء الله يتحقق عما قريب
عموما ماأبغى اطلع عن إطار الموضوع ولكن حبيت أنصح الأخوان اللي حابين يتوظفون بمجال البتروكيماويات أنه أفضل تخصص واللي اشوفه ماشي سوقه في سوق البتروكيماويات production engineer*هندسة الإنتاج تخصص جدا قوي ومستقبله حلو ...
وأخيرا أتمنى دعواتكم لي بأن الله يسهل لي أموري وأطلع أكمل دراستي وأكون من المبتعثين ...

تقبلوا مني كل التقدير والإحترام
ولي عوده بأذن الله ..

طيب وش رايكم بهذي التخصصــــــــــــات ..

FINANCING
INFORMATION TECNOLOGY
project management

وش الافضل بينهم ومستقبلهــا حلو!!

وهذي بعد
Aerospace Engineering
Mechanical Engineering
Industrial Engineering

وش رايكم فيهم!!

واذا في افضــــــل منهـــــم ياليت تساعدونـــا وان شاء الله لاستفاده للاجميع مو لي بس