ملحقية واشنطن ووزارة التعليم العالي_ و ( بدائيـة ) سير العمل ..!!

استغفر الله العظيم
استغفر الله العظيم
الهاجل يعطيك العافية
واخوي فيزاا ان شاء الله بكرة اتصل واسألهم عن ارقام الصوادر
الثلا ث ارقام

فيزا, الهاجل, خوي العز, بترفلاي, يووف

ماقصرتو وربي ردودكم ولو بالدعاء ماتدرون شقد تأثر في نفسيتي
ربي يوفقكم دنيا وآخره

الفساد الاداري هو اللي وصلنا الى التخلف والبدائية ..المشكلة من وزارة تسمى تعليم عالي . من وجهة نظري تعليم الحقد والكراهية بالمواطنينين.. مواطن يموت من القهر ويتابع المعاملة من دوله الى دوله ومن مدينة الى مدينة ومواطن في غرفة النوم ينهي اموره بخلال ساعة .اترك الموضوع ..للاخ العزيز المستشار التعليمي _اواحمد العياف

والله ياأخ نواف مقهورة وربي مقهورة
المشكلة مانا طالبة شي من عند احد, ياعالم ابي تساووني بباقي الطلاب لي التحقوو
فيه كم موضوع بالمنتدى وربي انصدم , الي يكتب كم اسبوع والتحقت والي يكتب شهر والتحقت
ويقولون ماهي واسطة ..!
الحين الي جا بعد شهر May يعني وصل امريكا بجولاي مثلا .. هذا كيف الحق بخلال شهر
واللي قبل جالسين ستة شهوور ......لااااااا وجاهم قرار من الملك بألحاقهم
وللحين جالسين يتمرمطو
هذا وش اسمه ؟؟ وربي ظلللللللم
يعني انا الطالبة الي اجلس اتصل بكل موظفي الملحقية
وارجع اتصل بكل موظفي الوزارة
واتابع ملفي وين ؟؟ ومتى طلع؟؟
ومتى وصل ؟؟ومين ارسله ؟؟ < يعني كأني موظفه معهم
هذا مو شغلي ولا هو من اختصاصي اتابع كيفية سير العمل البدائي حقكم
انا طالبة وانتو المفرووض تخدموني وتجيني الخدمة جاهزة بدون معاناة وشحذ

مع تطور التكنلوجيا وصرف دولتنا الحبيبة مبالغ طائلة لمسؤولي وموظفي الدوائر الحكومية
لكن للأسف مافيه شي اسمه متابعة ع طريق النت
او التلفون
او السيستم
لازم انت تروح شخصياً توقف على راسهم عشان يشوفو وش السالفة

وربي بأمريكا تسوي كل شي وانت جالس على كرسيك بالبيت
سواء للبنك او لمؤسسة تعليمية او تسوق او خدمات تأمين او شراء
وربي وانت جالس ع النت كل شي بسهولة وراحة بال حتى تلفون قلّما احتجت انك تكلمهم
ولو كلمتهم يخدموووووك ويخلصو امورك وانت ع الخط مع ابتسامه وتعامل محترررررم
لأن فيه نظام وهالنظام ماشي ع الكل مافيه شي اسمه واسطه عندهم

وهنا تروح بكبرك وتقابلهم شخصياً قالبين وجيهم ولايسوون لك شي
تيتي تيتي مثل مارحتي جيتي
شر البليةً مايضحك



حسبي الله ونعم الوكيل

اخاف اعلق ومايحولوني لاني نفس الحاله

ربي يوفقنا جميعا

تخافي؟
هذا منتدى ومحد يعرف هويتك الشخصية .. اشدعووة
تكللمي خلي المسؤوولين يشوفو وش قد الطالب يتعذب قبل حصوله على اي شيء من عندهم
ماعندنا الا هالصفحات النتيه الألكترونيه نجي ونكتب ونفضفض فيها
ويمكن
يمكن
احد يسمعنا

السلام عليكم ورحمة الله وبركاته اما بعد
يناس والله شاب شعري من العريني مره يقولي ارسلنا ملفك وبعد مرمطة ثلاث اسابيع في التعليم العالي ارجع وكلمه قال معي مايثبت ذالك واليوم الي بعده يقول ما ارسلنا اوراقك بكل بروده وبعد اسبوع ترسل ومر اسبوع وسبوع ونا ناشب له وفي الاخير قالي لاعاد تدق ولا تراسل زي الي يقول ازعجتني وكني بدرس على حسابه الخاص
ثلاثة اشهر وملفي الداشر قاعد يسربت في الملحقيه ليه لن ماعندي واسطه زيي زي اي واحد لاني انسان بسيط على قد حالي

هل يوجد اعلى من امر الملك لماذا لم يتم تطبيق النظام ام يطبق النظام على من يريدون ومن لا يريدونهم في جهنم
شباب لابد من من ان نضع حل كل طالب لم يتم ضمه توافرة فيه الشروط الحاق التي تكرم الملك عبدالله علينا بها
لان نسكت ولبد ان نقف في وجه الملحقيه وان نواجه العريني ونجل القضية راي عام يتحدث بها العلام اليس من حقنا ان نطالب بأزالة العريني الذي يقف في وجه كل طالب سداً منيعأ لدي ملك لو علم عن مايفعله والله لرماه في زحل

ملفي اين انت هل تاكل هل تشرب هل انت بخير ارجوك ملفي اعطني اخبارك اول بأول اشتقت اليك لنك انت مستقبليلا تستسلم ياملفي واجهم وحاجهم هل يريدونك انت تكون عاطل هل يريدون ان تكون ارهابي هل يريدون ان تكون بياع خمور قف في وجههم وقل !!!!!!!!!!!


لا لن اكون الى مواطن صالح شريف اعمل على رفعة البلد وليس على تدنيسه ورجوع بلوطن الى عصر الظلام

والله مادري وش اقول لك!! الحاال من بعضه!

قالوو ارسلنااه وسألت الوزارة قالو ما وصل شي .. رجعت كلمت الملحقية قالو رح يرسلوه في دفعة 52!
وانا الحين افهم من كلامك أن دفعة 52 طلعت!
لكن لسة لما اشيك في السيستم مافيه شي!!!

الله يعين! ماندري الحل بيد من بالضبط!
والمشكلة الي يقهرررر في الموضووع اكثر ويبط الكبد .. أن حنا الي صاار لنا 8 و 9 شهور على حسابنا الالحااق ما جانا!!
والي جوو بعد المكرمة وقبلها باسبوع ولا شهر ولا شهرين الحقوو من اشهرررر في البعثة!!
وش نظااام الظلم هذا الي جاالسين يتبعوووه!!

لا حول ولا قوة الا بالله .. وحسبنا الله ونعم الوكيل!

هههههههههه
من جدد شر البلية مايضحك
والله شكلها ملفاتنا تشردت وانقطت لحين اشعار اخر
يمكن ينتظروون قرار ثاني من الملك وهو
( الرجاء الحاق الطلاب الذين شملهم الألحاق لكن لم يلحقو ) < لغز

والله ع بالي انا الوحيدة اللي صار لها هالشي
طلع اغلبكم مثل قصتي

الله يسهل امركم وامري
واسطتنا رب العالمين ,, ميسر كل عسير
حسبي الله ونعم الوكيل

والله حالتك مثل حالتي
هذا انتي بامريكا ولاقدرتي تسوي شي
وانا بالسعودية ولاقدرت اسوي شي
وش الحل يعني

يختي مافيه شي اسمه نظام فيه شي اسمه واسطه فوق كلمة النظام
بس والله يانوسه ناس معي وصاحبتي الحقو بعد القرار بدون واسطات ولا شي
وهم لهم فوق الخمس شهور مثلي
بس شكلها هذيك اول دفعة اشتغلو عليها وحوولو الطلاب
وباقي الدفعات يمكن أجلوها او حتى يمكن ماارسلوها عشان طلاب المرحلة السادسة والله مدري

لكن الله يسهل ان شاء الله
والله يوفقك