قرار جديد بعدم صرف امر اركاب للطلاب الملتحقين بالبعثه (جديد)

برضو؟؟؟؟
ماتشبعون من المواضيع المربكه والاشاعات والهرج الفاضي؟؟؟
ياريت تبطلو من كتابة عناوين زي كذا

الحمدلله يا اخوان توجة بنفسي لوزارة التعليم العالي بالغدير

وطلبت قرار ابتعاثي واخذته مباشره

وبعدها توجة لقسم امر الاركاب وطلب من الموظف وقالي شوف الاعلان

اللي موظف جمبي ومكتوب فيه بعدم صرف امر الاركاب للطلاب الملتحقين بالبعثه ان كانوا متواجدين بالسعوديه

واذا كانو يبون امر اركاب يطلبونه من نفس بلد البعثه

المهم حاولت فيه وقلعني

مايأست رحت لموظف واشك انه المستشار رجل طيب طيب الاخلاق وسالته عن امر الاكاب

قلت له ابي امر اركاب ورفضوا يعطوني

قالي منو هاللي رفضك المفروض انه يصرف لك الامر مباشره

قلت له موظف اوامر الاركاب

قالي ماعليك ممكن الموظف مزحوم وقالي خليك لين تجي الساعه 11 الظهر وراح يجون الدكاترته للأستفسار

واطلب منهم التذكره وراح يصرفونها لك لأنها من حقك

المهم طالعت الساعه شفتها 9 وربع بدري وش يمضي الوقت

قلت بنفسي استغل وقتك وروح وزارة التعليم العالي بالمعذر وان شالله القى مرادي

اخذت تكسي وتوجة لوزارة اللي بالمعذر واستفسرة من الاستقبال بالمبنى الجديد وقالولي دامك ملتحق بالبعثه فأمر الاركاب من حقك

وارسلوني للميزانيه الدور الثالث تقريبا

ودخلت عند احد الموظفين شباب عمره مايتجاوز 26 سنة وطلبته امر الاركاب واخذ اوراقي وصورة من الفيزه وختم الدخول لكندا

ومباشرة صرف لي الامر ونزلت عند الصادر ووقعتها ورحت عند مدير الميزانيه ووقعها وقالي توجه لوزارة التعليم بالغدير عند

مكتب الطيار ومباشره راح يحددون مسار رحلتك

طلعت للغدير ووصلت مكتب الطيار وقلت له ابي احدد مسار رحلتي بمكتب تاني بالدمام

قالي مافي مشكله ووجهني لهم وعطاني ورقه مصوره من امر الاركاب وقالي روح اي مكتب للطيار في الدمام بشار ع

الملك سعود في عندنا فرع هناك وراح يحددون لك اللي تبيه ومتى انطلاقة رحلتك

والحمدلله كل هذا بفضل دعواة الوالدين وشكري لله

والحمدلله على كل حال

فأطمنكم يا اخواني لاحد يخاف وماعليكم كل اللي التحقوا ومتواجدين بالسعوديه راح يدونهم امر الاركاب باذن واحد احد

اخوكم المنسي