حوار لكل الدارسين على حسابهم استفسار لـ(نوع بطاقتك الصراف)

يااهلا اخوي
يالنسبه لي انا اهلي يودعون لي الفلوس بحسابي ببنك الامريكي

وانا اسحبهم عن طريق اي صرافه وياخذون مني 3 دولار على كل سحبه بس حاول تسحب كل المبلغ لأن كل سحبه تقريبا 3 دولار
واكثر مبلغ تقدر تسحبه اهو 800 دولار تقريبا
اسحب المبلغ الي ابغيه واودعه ببنك اوف امريكا
بالنسبة للمعهد اول مادفعت لهم كانت عندي فيزا مستخرجها من السعوديه من بنك الرياض ودفعت لهم منها
واكيد كل ما احتاجه بالبطاقه ماعندي كاش نادر بأمريكا ما تحتاج الكاش
في كل مكان يتعاملون بالبطاقات

اتمنى اني افدتك واي معلومه انا حاظر

يا بعد قلبي والله كفيت ووفيت ويا جعلك تسمع بخبر إلحاقك عاجلا غير آجلا



وونتظر اراء الباقين

انا فتحت حساب في بنك BB&T
وبعدها خليت هلي يحولون المبلغ كامل من سامبا الى حسابي الجديد هنيه

وخلاص صرت ماتعامل الا ببطاقة البنك

انا انصحك تطلع بطاقة ماستر كارد من بنك الأهلي , عندهم نوع من البطاقات الي تشحنها زي بطاقة السوا وتستخدمها في اي مكان داخل او خارج المملكة او حتى عن طريق الإنترنت, بإمكانك استخدامها الين تفتح حساب في اي بنك امريكي , ويفضل تستعجل لان فرق العملة يزيد وينقص كل يوم وكل عملية بأي بطاقة مستخرجه من السعودية يختلف عن عملية منفذه من بطاقة مستخرجة من امريكا وبنك امريكي , طبعا استخدامها في الانترنت أفضل حتى لا سمح الله لو صارت عملية سرقة فالمبلغ محدود بالقيمة الي انت حاطها لكن لو عملية سرقة تمة على بطاقة الفيزا فيقدر الحرامي يسرق ويخلي حسابك عشرين الف بالسالب او عشرة الاف بالسالب.

بعد ما تفتح حساب في اي بنك بأمريكا تقوم بتحويل المبالغ من حسابك في السعودية على حسابك في البنك بامريكا اونلاين, وبس

ملاحظة: بعض شركات التأجير ما تقبل هذا النوع من البطاقات أو الكاش ولازم يكون معاك فيزا عشان يأجروك, وهذا الشيء السلبي الوحيد الي لاحظته في هذا النوع من البطاقات.

ملاحظة اخرى: اسبوعيا في بنك "شيس" يكون في ٣ الى ٥ عمليات خداع في بطاقات الائتمانية فواجب علينا الحذر

والله انا طلعت حاملة معي كااش كنت .. والمعهد سددت رسومه اون لاين اول شهر!
ولما وصلت فتحت لي حساب هناك وصار الوالد يحول لي عليه
طريقة الدفع للمعهد يعتمد على الطرق الا عندهم .. فيه اون لاين .. او فيه الاوثرازيشين فورم او شيك يعتمد على المعهد

وايضا بالنسبة للبنك يعتمد على وش عندك ومنتشر هناك .. كثيرر يستخدمو بنك اوف امريكا .. بس انا مثلا مو منتشر عندي استخدم يو اس بنك

بالتوفيق

معلومات جدا روعه ما قصرتوا

طيب حلوو بس ماحصلت واحد صار له مثلي هههه

ردولي تكفون

آنا امس بالليل وصلت للمدينه آللي فيها المعهد
داومت اليوم بالصباح وقالوا لي لازم تدفع حق آول سميستر قلت آوكي وآتصلت ع الوالد

حوول مايعادل 3000 دولار على حسآبي ببنك الراجحي المهم الحد اليومي للسحب تقريبا 300 دولار
ويش آسوي فيها ؟؟؟
فتحت لي حساب ببنك آوف آميركا اليوم بالعصر ولآ آعرف وش الطبخه كلللها

والمعهد يبون فلوسهم بكرا ههههه

انا بنكي الفرنسي قالوا لي السحبه من بطاقه الصراف تكلفك 3 دولار مع مراعاه فارق العمله
الكلام هذا مو صحيح من تجربتي لان السحبه اصلا تكلف فوق 70 ريال احيانا ، وعندي بطاقه فيزا لنفس البنك كمان السحبه كانت تكلفني المشكله اني لما احتاج ادفع اون لاين مو معترف فيها بالمره وكان استحاله احول من حسابي السعودي على حسابي الامريكي اون لاين وهذا عكس الكلام الي قالوا عليه البنك
لما رحت للبنك اوف امريكا قال لازم احد يروح يحول لك من البنك مع رقم كود خاص بالبنك الامريكي وهذي العمليه تاخذ يومين ويوصل المبلغ لحسابك بامريكا
من تجربتي الافضل التعامل مع بطاقات البنك الامريكي والاستغناء عن بطاقات البنوك السعوديه قدر الامكان ..
والله الموفق

والله مشكلة لحد الان ماحصلت طريقة زينه لتحويل لكندا أجل ياخذون ع سحبه 55 ريال بتروح الدراهم ههههههههه