على بلاطه من الاخر للحاق في امريكا

شباب صدقوني الالحاق ماشي في كندا وامريكا

فلا تخافون شهر ولا سنه بإذن الله ملتحق بس دبر ميزانيه حلوه واتكل على الله

وفكوكم من الوسوسه ادرسوا وانبسطوا وفلوها وان ما ربي كتب ع الاقل عشتوا ايام حلوه ودرستوا واستفدتوا

مو تروحون تدرسون وتجلسون 6 شهور كلها قلق وقيل وقال وانواع الوسوسه ولو ما ربي كتب تصيرون لا لقيتوا لا ذي ولا ذيك !

انا عني بطلع وما بفكر بالاحلاق لين اخر ريال بجيبي وبفل امها وبدرس وانبسط وما علي اهم شي سويت الي علي وما ربي كتب !

وأهم شي يا اخوان الدعاء والنيه الصافيه وبرضه التفاؤل .!

^
^
هذا الكلام الصح

الله ييسر اموركم جميعاً

وخلوا ايمانكم في الله قوي وكل شي مكتوب ومقدر وحنا اللي علينا ندعي وبتتيسر جميع الامور باذن الله
انا رايح لامريكا بعد 5شهور تقريباً والله يعين يارب

الله يوفق الجميع انشاء الله

والدعاء ترا الدعاء زين

وكثروا من الاستغفار عسى ربي يكتب اللي فيه الخير... يـــــــــــــــارب توفقنا وتيسر امورنا ..

يا عمي طير انت وهو وش هالخرابيط اللي قاعدين تقولونها الحاق وما الحاق يا عمي لو تعرف بالوزاره الهندي اللي يغسل الحمامات جاب لك الالحاق

بس هي يبغالها متابعه اول بأول ولد عمي راح امريكا وخلال شهر مشاء الله انظم على طووول وهالحين مبسوط ومستأنس وابوه هو اللي كان يسعى له بالوزاره وابوه مو موظف بالوزاره بس كان يروح لهم شبه يومي حتى طلع له الضمان المالي والالحاق

والله ثم والله ان هالمنتدى هذا انا اشوف انه يغلق اليوم قبل بكرى مو بس الموضوع هذا اللي يغلق لا المنتدى بأكمله الموقع كامل يغلق لأن والله ان فيه ناس تجيب الهم لغيرها

ياخوي اذا عندك خبر مثل خشتك ويضيق الصدر لا تقوله وتضيق صدورنا معك

يا خوي انت اذا كانت مامشت امورك ادع ربك انه يحلها لك مو تجي وتضيق صدورنا

يعني والله ما اشوف موضوع يفرح ويخلينا نرتاح كل موضوع اردى من الثاني

اركدو يا ناس وجيبوا اخبار موثوقه ومصدر موثوق فيه واخبار حلوه مو اخبار تجيب الهم والنكد والتحطيم وضياع المستقبل

وهـ منكم بس ياللي تتكلمون من روسكم يا ناس اركدو اركدو ترى كلنا اخوان ليه كل واحد يضيق صدر الثاني





والله انا قبل انوي على البعثه والدراسه هناك كنت على طووول بالمنتدى وبصراحه ما قدرت اسوي شي كل يوم اقرا خبر يضيق الصدر لأن فيه ناس تتكلم من راسها والله ما تدري وش السالفه
لاكن قلت المنتدى هذا والله ما يجيب لي الا الهم والنكد والحمد لله يوم انقطعت عنه ارتحت راحه نفسيه وخلصت اموري كلها والحمد لله هالحين ما باقي علي الى افتح باب الطياره واركب ادعوي لي بالتوفيق وسامحوني اذا اخطيت على احدكم

معليش اخوي باسل :

كلامك موب صحيح انا اعرف انه ابدا رئي لاكن موب بهاالطريقه ..

لان فيه اخبار جاده بهالمنتدى وحقيقه الاخبار هاذي انا كنت مااصدق كلام الناس وكنت اسوي اي شيء من راسي ويوم اتطلعت على المنتدى شفت اللي اسويه سواه الاخوان اللي بالمنتدى والتجارب كثيره ....

:: وموب اي واحد تصدقه ::

وبالتوفيق لك وبالتوفيق للجميع اعذرني عالاطاله وهاذي وجهت نظري ولاحد يزعل مني

هلا اخوي اول شي انا ما الومك ....واول شي سوتها صح انك اتخذت الاجراء الصح انك تسافر على امريكا لانه طال مو انك جالس وحاط رجل على رجل ماحتقدر تقدم او تاخر ...الشي الثاني يالغالي نحن ما قلنا انه الابتعاث وقف لا وانا نقلت
الموضوع زي ما ذكر لي شخصيا .. والسبب الاهم ياغالي فيه كثير شباب يتسهلوا في الموضوع وعلى بالهم المصاريف
اللي جاين فيها من السعودية بتكفيهم انا اقلك شي عن تجربة وانا موجود في امريكا ترى الحياة والمعيشة غالية يكفي الهم الاول لما تسافر من منطقة الى اخرى ومصاريف الجامعة ومصاريف السكن وغيرها والله يالغالي شباب سعودي موجودين
هنا حالتهم حاله ...الهدف من موضوعي انك تعمل حسابك

مشكوور اخوي كلامك عين العقل

والله انا ناوي ارجع خلال الشهرين الجاية اذا ماجاء الحاق خلاص فلست

والله انا ناوي ارجع خلال الشهرين الجاية اذا ماجاء الحاق خلاص فلست

المصدر: http://www.mbt3th.us/vb/newreply.php...#ixzz13aVr7qTk
حفاظاً على حقوق الكاتب نرجو عدم حذف المصدر مبتعث

وانا والله معك خلاص اشتغل الضوء الاحمر ... القهر ان لي اربعه شهور قطعت اكثر المشووار بس خلاص .