استفسار عن الخطوط القطرية

مشاء الله عليك اخوي
لازم تودع دول الخليج قبل ما تمشي ههههههههههه
و الله للاسف ما عندي اي خلفيه عن القطريه

أنا طلعت على الخطوط القطرية من البحرين إلى الدوحة إلى واشنطن

بصراحة ماجربت خطوط دولية الا القطرية وماشاء الله معروف عنها مستواها ممتاز جداً والله أعلم

بس اقترح عليك ولك الحرية أن تحجز على واشنطن مثل ماأنا سويت ورحت للمقر الملحقية وفتحت ملف من عندهم وريحت بالي وبعدها رحت للولاية اللي بدرسها ومامداني وصلت بعدها بيومين جاتني رسالة رقم ملفي في الملحقية.

منها تتمشى في واشطن ومنها تريح بالك من الملحقية وتفتح ملف من هناك أفضل من توجع راسك بالاتصالات والايميلات.

ألتقين مع واحد سعودي في واشنطن يقول ان حجز على المكان اللي بيدرس فيه بس سوا حركة انه يجيبونه واشنطن واليوم الثاني يكمل رحلته بس مادري كيف .. احول تستفسر.

أنا عن نفسي خويي قال تعال واشنطن ولما وصلت رجعنا بالسيارة وخذناها 10 ساعات في الطريق بحكم ان ولايتنا مو بعيدة مرة ونقدر ناخذ سيارة.

طولتها عليك بس حبيت افيدك
أي استفسار انا حاظر

كم قيمت التذكره لو سمحتو لين واشنطن

اخوي مارفل انا بقعد بواشنطن يوووم

والله يالغلا
انا حاجز 27 ديسمبر
الدمام - الدوحه - واشنطن
لاني حجزتـ عن طريق مكتبـ فسالت عنه الخطوط وشوضعها
فـ من كلامهـ
انا اضمن لك ومتأكد انها احسن من الخطوط السعوديه 100%
بس لما سألته عنـ اهي احـسن هي ولا اليونايتد قال لـي متقاربين
لكـن القطريه اريح
لانـ اليونايتد تكون فيها نزله بلندن ووجع راس

فـ من ناحيه الراحـه وبدون ترانزيتات مافي الا القطريه والسعوديه
لكـن القطريــه احسن من السعوديه

ياعماد الشهري قيمة التذاكر تعتمد على وقت حجزك من موعد الرحلة

انا حجزت قبل بشهرين أو ثلاثة شهور وطلعت علي 3800 ريال وخويي حجز قبل باسبوعين تقريبا وطلعت عليه قريب 6000

أحيانا تلقى موعد رخيص بس الموعد اللي قبله بيوم واللي بعده بيوم غالي.. فيعتمد على عدد الحجوزات في الموعد

عن تجربه انا طلعت منها من البحرين بعديين قطر لامريكآ
مواعيدهم حلوووه ودقيييقه ... الخدمه ممتازززه ,, وبالنسبه بعد للوزن الي بتاخذه معك حلوووو كل شنطه لك تقريبا 23 كيلو
حتى انا اول شي قالو لي لا الشنطتيين بس 23 كيلو واخذ لي شنطتيين وكل شنطه 10 كيلووو وبالاخير يقولي وييين انتي بعد باقي لك
وووووزن ... ماعلييينا سووري ع الاطااااااااااله .. بس الخطوط القطرييييه ممتاازه بس بس التعب انووو صارت دايركت
يعني 16 ساعه تقرررييييبا متووواصصل
وبالسسسسسلامه

يا خوي توكل والله حلوه القطرية

عن تجربة خدمة ودقة مواعيد وحتى بواشنطن لو احتجت شي كلمهم يساعدونك

انا الصراحه لو برجع السعودية ثاني وبجي بختار القطرية لانها حلوه ومريحه ومره كويسين بالاكل + التعامل + البرامج

هو صحيح بتمل بالرحلة لانها دايركت من قطر لـ واشنطن وفيه بعض الشركات فيها ترانزليت

بس افضل من السعودية

نصيحة احمل معك سماعات الاي فون او البلاك بيري لانها افضل من الهد فون حقهم

بالتوفيق

عن تجربة < القطرية جدا ممتازة وخدمات حلوة واكلهم حلو يعني باذن الله راح تعجبك يكفي الكراسي اللي لونها يفتح النفس
مع اني جيت على الرجة العادية لكن زي ماسبق احد الاخوان خذ معاك سماعات او اتوقع انهم يعطونك في الطائرة سماعات
وكل كرسي قدامة شاشة خاصة له مع ريموتها وبأمكانك تتصل بالارض < ماجربتها للذمة > لكن موجود مكان لسحب الكريدت كارد
وموجود احد الخيارات الاتصال بالارض وطبعا الشاشة مخزن فيها افلام واغاني عربي واجنبي مالذ وطاب لك عادل امام وشلة ام بي سي اكشن يعني ان شاءالله ماراح تمل ااذا كنت راعي مسرحيات وافلام لكن ماعليك راح تدروخ من اصوات المحركات وتحط راسك وتنام...
وبالتوفيق اخوي واي استفسار اخر ابشررر