تم الحاقي في البعثة ولله الحمد والمنة

السلام عليكم ورحمة الله

الحمد لله على نعمه التي انعم بها علينا

هذا دعاء شكر النعمة لله من قال حين يصبح ويمسي فقد ادى شكر ذلك اليوم والليلة

اليكم الدعاء

حين يصبح المسلم يقول

اللهم ما اصبح بي من نعمة او بأحد من خلقك فمنك وحدك لاشريك لك لك الحمد ولك الشكر

وحين يمسي يقول :

اللهم ما امسى بي من نعمة او بأحد من خلقك فمنك وحدك لاشريك لك لك الحمد ولك الشكر

الحمد لله تم الحاقي اليوم في البعثة
ساشرح لكم وضعي باختصار
انا طالب على حسابي الخاص من 5 شهور وعندي قبول جامعة مشروط
اللي صار معاي اني خلصت مرحلة اللغة واخذت درجة التوفل المطلوبة وسجلت بالجامعة
وطبعت جدولي وارسلت جميع هذه الاوراق للمشرفة
وردت علي وقالت لي ارسلهم بالبريد ... انا ما ارسلت الاوراق ورحت لهم بنفسي وبالعربي قعدت لهم يا انا يا رقم الصادر
والحمد لله ما طلعت من عندهم الا برقم الصادر
واقسم برب من خلق السماوات والارض ان ما عندي لا واسطة ولا هم يحزنون
وما كتبت هالموضوع الا لاني ابيكم تسوون اللي انا سويته وريحوا بالكم وفكوكم من سوالف المكرمة والواسطات والكلام الفاضي كل واحد يجتهد وربي ما راح يضيع تعب باذن الله
خلصو مرحلة اللغة واطبعو جميع الاوراق المطلوبة الجدول والترانسكربت الرسمي واطلع بنفسك للمحلقية وانشبلهم
هذا اللي صار معاي واتمنى تستفيدون من تجربتي والله يوفقنا وياكم
واعتذر اذا ما رديت على اسالتكم لاني مسافر بكرا في رحلة سياحية واخيرا ولله الحمد
الحين اقدر انبسط وارفه عن نفسي
واعدكم بالرد بعد يوم او يومين باذن الله تعالى
الله يوفقنا وياكم
والسلام عليكم ورحمة الله وبركاته

يابعد راسي انت مبروووووووووووووووك الف الف الف مبروك او ياربي انك تتوفق يابعد راسي انت

ماشاء الله عليك ..
يعجبني طمووحك واللله ..

الله يوفقك ورحلة سياحية جميلة

الـــــــــــــــــــ1000ــــــــــــــف مبـــــــــــــــــــروك

ربي يوفقك يارب ويفتح لك ابوابه

شباب تكفون عليكم في الصلاه

الصلاه يا شباب الصلاه

والله تتوفقون وتزين اموركم

الله يوفقك والف مبروك وصراحه احب الناس اللي ترفع المعنويات زيك ياشباب خلو املكم بالله كبير وادعوا الله
عقبال ماننظم خاصه ان رحلتي على لوس انجلوس بعد اسبوع الله يسهل الامور.

الف الف مبرررررررررررررررررووووووووووك وعقبال الاخوان

تحياتي :)

الف مبروك، لآ تنسى تآخذ مكأفأة انهآء اللغة باقل من سنة =)

ألف مبرررروك تستاهل :)

اقتباس:

---

المشاركة الأصلية كتبت بواسطة Double F

الف مبروك، لآ تنسى تآخذ مكأفأة انهآء اللغة باقل من سنة =)

---

ههههه من جد يعطون مكافأة ؟ كم قيمتها