نورث كارولاينا أم فلوريدا .. محتار جداً

الي اعرفه ان فلوريدا معيشتها غاليه ..

لا يالغالي مو بغاليه لكن الغالي المدن الكبيره مثل تامبا واورلاندو وخصوصا ميامي

واسف اخوي ماعندي اي معلومه عن الولايه الاخرى

وبالتوفيق

انا ما انصحك في فلوردا لانها معيشتها غالية اما عن الجاامعه ما اعرف عنها شئ

فلوريدا اجمل ولاية من ناحية الامان والطقس ..طبعا مهوب دايم زين .. يعني عندهم حر ينتف في الصيف .

بس تراها ولاية سياحة .. ووالله انها رخيصة وتستاهل الدراسة فيها .والظاهر انت في مدينه صغيرة وقريب لم مدينه كبيرة .

والعلم الاكيد بان السكن مع عوايل يبدا من 350 الى 500 دولار فالشهر الى 600 في حالات نادرة.

انا في ملبورن .. وهي اصغر من اورلاندو وجميلة جدا جدا .. وبشكل عام ..راح تستانس ان شاء الله ,,

هذا ما عندي من تجربة في الدراسة في فلوريدا.

الله يوفقك

مرحبا اخوي " تعبان"
الف سلامة عليك
بس عندي سؤال خارج الموضوع شوية .. ممكن تقولي من اي مكتب قبول قدمت على unc ؟؟
انا و الله بالظبط محتار زيك بين اولاندو و بين شارلوت يعني بين الـ UCF وبين UNC
بس بشوف و ين يجيني القبول انشاءالله و بتوكل على الله "للمعلومية " انا طالع على حسابي انشاءالله
و الله يختارلنا الخير

انا في Pensacola في Florida ..

المدينة صغيرة وحلوة ورايقة .. فيها جامعة West Florida

فيها نسبة سعوديين كثير خاصة العوائل .. لان القوات البحرية وقوات الدفاع الجوي السعودي ترسل دفعات كل فترة عليها عشان فيها قاعدة عسكرية هناك ..

يعني السعوديين بتلقاهم كثير ..

بالنسبة للجامعة فيها تخصصات كثيرة والهندسة هناك غير معترف فيها

المعهد تبع الجامعة 4 مستويات , كل مستوى 4 شهور .. ولو خلصت اخر مستوى ماتدخل الجامعة لين تجيب اختبار التوفل او الايتلس , او اختبار الانقليزي الخاص فيهم ..

الجامعة تطلب 6,5 في الايتلس .. كانت عندي ورقة عن التخصصات والطلبات بس ضاعت للاسف

السكن داخل الجامعة لازم تدفع حق السيميستر كامل , يعني تدفع مقدم 4 شهور ويكون السكن مع روميت .. بحدود الـ 800 دولار شهرياً ..

برا الجامعة بتلقى على حسب بعد السكن عن الجامعة وغالباً ماتبدأ لغرفة وحده بـ 700 دولار غير شاملة اي شي ..

اذا حبيت تستفسر عن اي شي انا موجود

المدينة الثانية للاسف ماادري عنهآ ..

بصراحه كلها حلوه اذا انت تحب السياحه فا فلوريدا الافضل

انا في نورث كارولينا تحديدا شارلوت ! ! الللي سويته انتي ترجمت شهاداتي من اول ثنوي لين 3 ثنوي وارسلتهم للشركه هذي بالفاكسECE وهم بدورهم ارسلو للجامعه بس غلطتي كانت اني حطيت ترانسكربت الجامعه .. من ناحيه المعيشه انا اشوفها رخيصه مقارنة بالولايات الثانيه..جو المدينه حلو يعني تحضر كل فصول السنه..نسبه السعودين والعرب فيها كبيره..بالنسبه لي انا ارتحت للمكان والمدينه بس قبولي بمكان ثاني والله يسهل لكم

الحمدلله انا بفلوريدا بـ ديتونا بيتش واللي غالي عندنا الدخان بس ولا الحمدلله مرتاحين والاسعار مناسبه ولله الحمد