مساعده: محتار بين وضيفه مغريه الدراسه على حسابي الخاص

ياولدي نصيحه عصفور باليد خير من عشره على الشجره الله يوفقك

انا بطلع على حسابي الخاص .. وعندي قبول - لغه -وقبول جامعه مشروط ..والفيزا موجوده .
ودراستي تبداء في نهاية شهر مارس:
اوراقي كامله ولله الحمد.. والكامل وجه الله ..
ولي خبره في شركة بن لادن السعوديه سنه ونصف
انا ما خلاني افكر اطلع بعثه الا انو خلال هالسنه ونصف قدمت في كذا شركة وسويت كا مقابله ولا نفع شي..
انا خريج شهر 7 -2009 ومعدلي طيب والحمد لله شهر 10-2009 وانا متوضف في الشركه
.. ولكن الموقع الوزاره ما خدمنا يا طلاب الهندسه .. لانو فرق بين طالب في كلية المعلمين معدله
4 من 5 وطالب بالهندسه من جامعة البترول او جامعة الملك سعود معدله3 من 5 .. وهذا الموضوع ذكرته لما دخلت على الدكتور العطيه قلت المفروض فيه استثنائات خلال التسجيل في الموقع
ولكن امرنا لله

دعواتكم الله يختار لي ما فيه الخير.

ياخوي والله لو أنك مبتعث قلنا يمكن ناحاول نمشيها

لكن على حسابك انا أنصحك تجلس في ديرتك معزز مكرم وراتب يارب لك الحمد زين وتعرس وتنبسط
ومافي مانع تسجل في معهد ممتاز وتطور لغتك الانجليزية

أنا مع الكلام هذا
وعلى فكرة أنا راتبي 11000ألف والقبول في الطريق
وإذا توفقت ورجعت بإذن الله بالشهادة راتبي يمكن يكون أقل
بس بتفرق معي في المستقبل لأن تفكيري في المستقبل البعيد
بعد التقاعد كان الله عطانا عمر راح أكون مرتاح والعلم عند الله

ـ كلام اخوي ضلموه جميل جدا

فيه نقطتين هنا ،
من جهة ، الماجستير بعد الخبرة لعدد من السنوات أفضل ، لأنك تكون وقتها عرفت ايش طبيعة العمل و الواقع الهندسي ( إلا إن كان هدفك من الماجستير هدف أكاديمي يعني تصير محاضر أو تكمل إلى الدكتوراة فهذا أمر آخر )
و من جهة أخرى ، إذا الواحد عنده فرصة يدرس في الخارج في برنامج ماجستير جيد و فرصة الإلحاق حسب ما نسمع متيسرة ، فليغتنمها في هذا الوقت لأن الواحد ما يدري السنة الجاية وش يبي يصير فيها
فانت فكر فيها و شوف ايش اللي يناسبك
صراحة لو كنت على برنامج الملك كان قلت لك مباشرة توكل على الله لأنك ما راح تخسر شيء و كلها سنتين و ترجع و تحصل على وظيفة أفضل من اللي حصلت عليها الآن بمشيئة الله
لكن على حسابك الخاص ف يعني يبغى لها تفكير شوي ( إلا إن كانت المادة ما تفرق معك أبد فهنا رح و توكل على الله )
عموما ، الدراسات العليا ، الماجستير بالذات ، و في إحدى الدول المتقدمة جدا كأمريكا و كندا و بريطانيا ، هدف يجب ألا يتم الاستغناء عنه بسهولة .
رأي " ظلموه " رأي واقعي و جيد .. خذ لك سنة في شركة الكهرباء و جهز نفسك من خلال اللغة و التوفل و الجي آر إي و بعدها توكل على الله .
على فكرة ، لا توجد إجازة دراسية في أنظمة الموارد البشرية لشركة الكهرباء . هناك "إجازة بدون راتب" و "إجازة بدون راتب لغرض الدراسة" و التعامل معاهم واحد . و الموافقة على إجازة بدون راتب مدتها فوق الشهر تتطلب موافقة الرئيس التنفيذي . لكن ، لا مانع إن الواحد يحاول يقنعهم و يحاول يدفها بواسطة من هنا و لا من هنا و في النهاية لو انسدت في وجهك قدم استقالة . تكون وقتها اكتسب خبرة حقيقية من واقع العمل تفيدك شخصيا و تعينك على اختيار التخصص في الماجستير .
شركة الكهرباء تعطي صافي راتب ما شاء الله تبارك الله 10700 ريال . و في السنتين الأوليين ستعتبر موظف PDB ، ما أدري هي اختصار لايش لكن معناها مهندس تحت التدريب . تقييمك خلال هاتين السنتين لا يدخل من ضمن نظام النسب و غالبا المهندسين تحت التدريب يحصلون على امتياز . خلال هاتين السنتين الشركة تعطي دورات قصيرة كثيرة و لا تحسب على ميزانية إدارة الموظف بل من خلال إدارة التدريب أو يمكن تطوير القوى العاملة . ربما يصل عددها إلى عشر دورات و أغلبها تطويرية مثل العادات السبع للأشخاص ذوي الكفاءة العالية و إدارة المشاريع و مهارات التواصل و كتابة التقارير و غيرها . و إن الله وفقك بإدارة متميزة يمكن أن تحصل على دورات متخصصة داخلية و خارجية .

نصيحة ، و استعينوا على قضاء حوائجكم بالكتمان .
وفقك الله

لوكنت بتدرس بكالوريس نقول فكرة حلوة ولكن بتدرس ماجستير
والمعروف ان الماجستير مايوكل عيش وماياخذونة الى علشانة الترقية
ولكن نصيحتي اذا انت معزم تروح شد حيلك وجب درجة عالية واطلب ترقية لدراسة الدكتوراة
علشان تضمن لما ترجع تلقى وظيفة

شيل الكلام الي انا قلتة اذا كان عندك موافقة من جهة العمل
روح وانت مرتاح

وانا اخوك الوضع اللي صاير الخبرة اهم من الشهادة وبكثير

لو تروح تدرس برى وتجيب ماستر ماراح تلقى وظيفة الا بخبرة

انا انصحك نصيحة اجلس وخذ لك سنة ولا سنتين خبرة زيادة على السنة الاولى بعدين اطلع ادرس ماستر

وربي ييسر لك

إلا على فكرة
ايش تخصصك في البكالوريوس ؟
و ايش التخصص اللي يعجبك ؟