مساعده: محتار بين وضيفه مغريه الدراسه على حسابي الخاص

مســيت بالخيـــر اخوي حســـين
انا ابتكلــم من خلال تجربــه يمكن تختلف عــن الشباب
ان شاء الله ما اكون تـأخرت عليكـ لان الظاهــر موضوعك له اكثــر من يوم
التجــربـه يا اخوي حســين
ان الوالد الله يخليــه لــي خدم 34 سنـه في شركـة الكهرب
وانا خدمــة سنتيــن تقريبا لكــن ماكنــت رسمــي فيها كنت عن طريق تعاقد
راتبي كان جدا ضعيــف مقارنه بزملاء العمل الله يرزقهـم ..
مستقبــل الكهــرب جدا جميــل بحكم انك مهنـدس اذا اجتهــدت وقدمــت المطلوب
بإذن اللــه بيتضاعف راتبـك بشكـل خيالي ..
يعني زملاء الوالد اقـل واحـد راتبـه 25 الف (ممن يحملون الثانوي)
اللي خدم اكثر من 20 سنـه في الكهــرب وهو متوظف بشهادة بكالوريوس
ماراح يكون راتبـه اقــل من 35 الف وماراح تكون مرتبتــة اقـل من مدير ادارة
هذا غيـر خارج الدوام والحوافز السنويـه والدورات ..
هــذي حوافز الكهــرب الماديــه
اضــف عليها نقطـه مهم جدا ممكن ماخطرت فـي بالك
اللي هــي (الامان الوظيفي)
بمعنـى انـك بتشتغــل فـي شركـة شبـه حكوميـه
ماراح تخاف انه فـي يوم تخسر او يحصل لها انتكاسـه
وتقـدر تفتح بيـت وانت مرتـاح ومتطمن بإذن اللــه ..
فيـه امكانيـه تكمـل دراستـك عـن طريــق الكهــرب ويبتعثونك
والنظام هذا كان موجود قبل 20 سنـه وحاليا موجود
لكــن بشكــل مخفــي اغلب الموضفيـن ما يدرون عنـه
(انت ومعرفتك ) ..
عشان ماتتحمــس للنقطـه هذي حط في بالك مافـيه ابتعاث وابدع في مجال عملك ..
هــذا في مايخــص موضوع شــركــة الكهــرب ..
.................................................. .
بخــصوص الدراسـه على حسابك
لا تشيــل هــم انــك بتترك شيبانك وتفكــر بالعاطفــه كثيــر
انا حاليا في امريكـا وجاي على حسابــي يعلـم اللـه اني مشتاق لاهلـي
ولشيبانـي ولكــن ..
هــم مايبونك تجلس قدامهـم عاطل او بدون نفعـه
وحنى رجـال ونفهــم على بعــض ..
مافيــه شــي صعــب على الرجال ..
اذا حطيــت الدراسـه فـي بالك اتكل على ربك وهو بيسرها ان شاء اللـه
لكــن عنـدك استعداد تصــرف على نفسك ؟
هذا الكــلام المنطقـي .. لا تفكر في مكرمـه ولا غيــرهـ
حـط الاحتمال الاسوأ دائما وفكـر بالمصاريــف لمـدة اللغـه كامــله
ومافيـه خسارهـ بالدراسـه ابدا ان شاء الله على قـد ماتتعــب على قـد ما تحصــل
...
نقطــه اخيــرهـ قبــل اطلــع
الامــور الشخصــيـه حـاول انــك تجلس مع نفســك وتقارن بيــن الوضعــين
وايهم يناســب لوضعــك انــت !
لأن الوضيفـه والزواج والبيــت ومن هالامور المهــمـه
كــل واحــد تختلف نظرتـه عن غيــرهـ
وهــذا ممــكن يشــتتك اكثــر ..
صــل لك ركعتــيــن واذكــر اللــه واحســب امورك والمناسـب لك وتوكـل على ربــك
..
اخــوك سلطـآن
اللــه ييســر لنـا ولك

اذا بتروح تكمل الماستر في الهندسة فروح لشركة الكهرباء افضل
اذا بتكمل ادرة هندسية او MBA او ادارة مصانع او اي من هذي التخصصات فالله يوفقك اذا انت مقتدر

اذا الحالة متوسطه ... روح خذلك لغة 3 الى 5 شهور لنيوزلندا وطور لغتك وخذلك خبره حلوه في الكهرباء بعدين ابدأ تشرط

في واحد من اخوياي جاء للسعوديه وتخرج تخصصه هندسة نفط من امريكا وتوظف في ارامكو
وتوظف معاه ناس متخرجين من جامعة البترول وجامعة الملك سعود كلهم بنفس الراتب

واتوقع انك لو ررحت الكهرباء بشهادة البكالورويس راح تحصل ناس متخرجه من امريكا وراح تحصل انكم بنفس الدرجه ونفس الراتب
بس ممكن يفضلونه في المناصب العليا بعد 10 او 15 سنه ... مو عشان شيء بس ممكن عشانه متخرج من امريكا

وبالتوفيق

اخوي نصيحه محب لك

ارضى بالوظيفه ترى الغربه كربه

والله الغربه صعبه ومانت ضامن تلتحق ولالا

اقضب ارضك افضل لك والله ان قلبي يتقطع ودي ارجع السعوديه

ولكن ماودي ارجع افشل ابوي

كثرت الآراء .. ومتأكد إنه احتار زياده ..
ولكن هذا الأفضل .. على شان كل واحد بيطرح فكره أو رأي وانت تستخلص وتستنتج وتختصر الرأي على نفسك ..
وما يمنع أن تستخير ربك .. و أيضاً ناقش المسأله مع الوالد وأخوانك أو من تثق في سداد رأيهم من المعارف خصوصاً من لهم تجارب في الحياة ..
وبعدها قرر .. عسى الله يوفقنا واياك ..

انا لي راي
ايش رايك تشتغل ثلاثة شهور او سته شهور لين ماتترسم بعد ثلاثة شهور
وفاتح مديرك في موضوع الدراسة
لو عطاك اجازة مفتوحة تكون ضمنت الوظيفة
وماتدري يمكن يرشحك بتكلمة الماجستير على حساب الشركة

وبالتوفيق

شباب اسعد الله صباحكم بكل خير .. اشكر كل من شارك وساهم وطرح رأيه ..
ومن جد ارائكم شهاده اعتز فيها ..
بس قلت ما ابي اسوي شي الا لما استشير..
وانا والله استشرت ناس كثير من قرايبي واولهم اخوي الكبير.. قالوا توكل على الله حتى لو جتك وضيفه.. رح ادرس شد حيلك وجب لك شهاده مع البكالوريس . اتعب الحين وارتاح بعدين ..
وما قصروا والله لقيت دعم مادي ومعنوي منهم .؟
ولكن انتوا اهل الخبره ..
وانا ن واقع تجربه .. اذا انا شهادتي بكالوريس هندسه ولي سنه ونص موضف في شركة خاصه ومالقيت الوضيفه اللي ابيها .. ( الامان الوظيفي ) وناس معدلاتهم مقبول توضفوا.. هذا اللي يقهر وخلاني اعزم اطلع ادرس ..
مشكورين وما قصرتوا ..

اذا تبي نصيحتي توكل على الله..

اذا معك مبلغ محترم وفيه ان شاء الله دعم من اهلك واخوانك لاتضيع هالفرصه من يدك..

ومن رايي لاتسمع كلام الناس وماعليك من احد..

واعتقد باخر رد لك انك شاورت الاهل واخوانك واخوك عند بعد نظر..لذلك ارجع واقول جهز امورك وترجم اوراقك وتوكل على الله

موفق

كلام عين الصواب %100

الإخوان ما قصروا بمشاركتك آراؤهم النيرة
بس حبيت أضيف إن أنت " مهندس " و البلد تحتاج مهندسين
و لكن حط في بالك لازم تكون مميز
فحاول تشوف جامعة متميزة و برنامج ماجستير متميز
إذا انت هندسة اتصالات و حاب تكمل فيها و حاب تشتغل في الشركات و الجهات الحكومية ذات العلاقة فانت يجب أن تبحث عن Telecommunications Engineering و ليس Electrical Engineering-Communications
و أنا ممكن أساهم بخبرتي البسيطة كمهندس اتصالات و كباحث عن برامج ماجستير هندسة اتصالات