للطلاب الي على حسابهم الخاص كم استغرقت مدة الأنضمام للبعثه !!

الله ياخذ ذا الواسط الي بكل شي ناشبه لنا

UP UP UP UP UP UP UP UP UP UP UP UP UP UP

موضوع حلو , و يمكن يريحنا و يمكن يخوفنا .. << طالب يبي يطلع على حسابة الخاص . .

لاحظت البعض يقول لازم واسطة و ما ادري ايش و لا بتجلس تقريبا 6 شهور . .

فيه ناس تقول انها طلعت بفتره ما بين الاسبوع الى شهر . . هذولا ياليت يوضحون لنا كان لهم واسطات و لا قدمو اوراقهم كاملة للمحلقية وفتحو ملف هناك و انتظرو و جاهم الخبر بـ هالفترة ؟

حبيبي الي ينضمون في فتره قصيره هذولي اغلبهم يكون معهم امر اركاب او يكون عندهم واسطه وقليل الي يجيهم انضمام كذا من الله

الحمدلله انضميت في اقل من 20 يوم وماعندي واسطه ولا قبول جامعه لكن اعتقد انهم مددوا المكرمة
يارب لك الحمد

انا طبعا بعد السلام
كتبت الرد لاني قبل ما اجي كنت ابحث عن من يكتب هذه المواضيع

انا استغرقت بعثتي اسبوعين بمكرمه بعد فضل الله

ماشاء الله تبارك الله الله يوفقك ان شاء الله

وعليكم السلام ورحمة الله وبركاته , ماشاء الله تبارك الله الله يوفقك يارب

أهلين أخوي عزوز أنا حبيت أفيدك بلي عندي علماً بأني للحين في السعودية ماطلعت << أدع لي تطلع فيزتي قريب

المهم يالغالي بخصوص الانضام هاذا حظ ونصيب بس فيه اشياء تساعد

مثل أمر الاركاب عيال عمي 2 طلعو قبل سنه معاهم امر أركاب واحد انضم في شهر والثاني شهرين

ولحقهم ولد عمي ثاني معاه امر اركاب بعد وانضم في شهر

لأن انت اول ماتوصل امريكا وتستقبلك المحلقيه راح يقولون لك معك امر اركاب ولا لا يعني فيه فرق بينك وبين الي مامعهم

على حسب الي سمعته كذا الوضع

يعني اذا معك امر اركاب ترسل اوراقك للرياض بسرعه فهمت

والله يوفقك ويوفقنا انشالله

طبعا الحصول على امر اركاب مو سهل

وربي عيال عمي دوام يوميا عند الوزاره وانواع النشبه لما اخذوه << الزمن ذا ماينفع فيه الا كذا

أتمنى اني افدتك ..

مشكور على المووضوع الرائع

هلا اخوي مشكور على المعلومات الحلوه , بس اعرفها جميعها وامر الأركاب نشبت لدين ام الوزاره وما طلع لي , وانا الحين في امريكا لي تقريبا اسبوعين , بس والله تحس بالظلم انك تشوف الي قدامك يقولك واعذروني على الكلمه (شفني انضميت يا طقعان) ويوريني قرار الأبتعاث , مع انه داخل قبلي باسبوع , وسالته بواسطه ولا بدون ويناظرني من فوق الى تحت يقول ايه بواسطه , ما نقول الا حسبي الله ونعم الوكيل .