شرح طريقة طلب " إلحاق طالب بعضوية البعثة " بعد فتح حساب طالب في البوابة الإلكترونية

السلام عليكم

اخوي الله لا يهينك سؤالي في استفساري السابق هو كيف ادخل على حسابي في البوابة الاليكترونيه ؟؟

يعني اي رابط ؟؟

لأني حاولت من صفحة الخدمات الاليكترونيه ومانفع ؟؟

انتظر ردك الله يجزاك الفردوس الاعلى ويفنح عليك فتوح العارفين امين ..

وانشالله في بشاره الملك انشالله انشاااالله قادم ويوصل بالسلامه ياارب العالمين واصل لامريكا بعد 3 اسابيع لزيارة اخيه الامير سلطان

فنتمنى من الله تعالى انه يضمنا بمكرمه


يارب جميييعا ياااارب..

عليكم السلام ورحمة الله ،،

هلا اختي ،،


طيب هذا رابط البوابه الالكترونيه ،، الصفحه اللي تدخلي فيها رقم الهوية الوطنيه والرقم السري اللي ارسلولك اياه الملحقيه على الايميل :

https://stdportal.mohe.gov.sa/_layou...52F&Source=%2F

اذا ما ارسلولك رقم سري الملحقيه ،، فانتي لما تدخلي على الرابط اضغطي على " دخول لأول مره للحصول على كلمة مرور!"

راح تفتح لك صفحه ،، ادخلي فيها الرقم اللي ارسلولك اياه الملحقيه ،، اللي يبدأ بـ P1 اتوقع ،، وايضا ادخلي رقم الهويه الوطنيه ،،

بعدها راح يرسلولك الملحقيه رساله فيها الرقم السري ،، والعمليه ماراح تطول ،، في دقايق يرسلولك الرقم السري ،،

بعدها ارجعي للرابط اللي في الأعلى ،، وادخلي على حسابك



والله يبشرك بالخير اختي ،، وعسى الله يعجل بالحاقنا اجمعين يارب العالمين

اها كده تمام

الف شكر وما قصرت بيض الله وجهك وانشالله ربي مارح يخيب املنا وانشالله رح ننضم كلنا انشالله ..

حسبي الله على العدو .. طيب واش راح تسوي ؟؟؟
والله انا مررررره مقهوره من هذي الحركة ارسلتهم استفسار والى الان ماردو بس الله كرييييييم
اذا عرفت الطريقه راح ابلغك فيها واذا في شي من عندك بلغيني الله يعطيك العافية...

طيب ممكن أحد يجااااااااااوبني plzzzzzz
انا عملت تسجيل الكتروني " طلـــــــــــب دراسة على الحساب الخاص" المفروض يرسلون لي رقم عشان اعمل طلب الحاق ............ للحين ولا شي؟
لو اوراقي ناقصه بيرسلون " الطلب مرفوض" صـــــــــــــح أو لا؟؟؟
ولا شي للحين من اسبوع... اش تنصحوني اسوي؟؟

مسوغات طلب الحاق طالب دارس على حسابه الخاص:
1- صورة من قبول الجامعة (على أن يكون غير مشروط، وموضح به المرحلة والتخصص، ومدة الدراسة المتوقعة، وتاريخ بدئها).
2- صورة من السجل الأكاديمي على أن يكون قد تم إنجاز على الأقل ما نسبته (30) وحدة دراسية من متطلبات التخرج للمرحلة الحالية، ومحتوياً على آخر فصل دراسي تم دراسته.
3- صورة من شهادة المؤهل السابق (على أن تكون تم معادلتها إذا كانت من خارج المملكة).
4- صورة من جواز السفر للطالب.
5- صورة من ختم الدخول لبلد البعثة.
6- صورة من التأشيرة (على أن تكون دراسية وسارية المفعول).
وصورة من 20-1 (لمبتعثي أمريكا).
7- صورة من الهوية الوطنية، أو دفتر العائلة للطالبة.

هل معناتها ان طلاب اللغة ماراح يقبل طلبهم حتى يخلصون 30 ساعة؟؟؟

السلام عليكم ورحمه الله وبركاته ...
انا فتحت ملف بالملحقيه من i20 القديم وجاني الرقم والحمدالله من الملحقيه ولكن ماسويت طلب الحاق بطالب
والحين ابي اسوي طلب الحاق طالب بال i20 الجديد .

السؤال: كيف ارفق الاوراق الجديده؟
هل الغي الطلب وارفق من جديد؟
ولا فيه تعديل من معاينه الطلب؟


جزاكم الله خير و كاتب الوضوع الاستاذ Meddy

راح تضطر انك تعيد رفع كل شيء اصلا في الطلب .
قدم الـ i20 الجديد ..

بس القبول الجامعي مدري كيف تغيره لان التخصص راح يكون مكتوب في ملفك باسم الجامعه

جزاك الله كل خير اخوووي ... وبالتوفيق يارب (Y)

السلام عليكم
مشكولر على هذه المعلومات والشرح الجميل ربي يوفقك ويسهل امورك وتلتحق بالبعثة ويجعلك من الصالحين والناجخين
اجاني قبول من جامعة اوكلاند في ولاية مشيغان والمفروط نبدا في 3 - 1 - 2012 وربي يسهل علينا وعلى كل مبتعث



تحياتي
اخوك يوسف الحمود