تحذيرات للطلاب الي على حسابهم مهم جدا للكل تفضلو

السلام عليكم ورحمة الله وبركاتة

كيفكم ان شاء الله مرتاحين .؟؟

انا لي الأن شهرين بأمريكا ... وقدمت طلبي من شهر تقريبا وواجهتني مشاكل عديده ابغا اوضحها للطلاب الجدد.

أولا: لازم تفهم ان خطوات تقديم طالب مبتعث جديد في كذا خطوه .. الخطوه الأولى انك ترسل لهم طلب للدراسه على حسابي الخاص وبعدين يجيك قبول بعدها بفتره انا جتني بعدها باسبوعين او ثلاثه عشان كذا تاخرت والأفضل الأفضل الأفضل انك وانت جاي تمر على الملحقيه خاصتا الي بأمريكا وتسجل عندهم ويعلمونك كل شي ..

ثانيا وهو الأهم: اذا جاك القبول تبع حسابك الخاااااص ... راح يجيك معها رقم الطالب بالملحقيه تدخل على البوابه الالكترونيه للمبتعثين وتضغط على تسجيل الدخول بعدين على الدخول لأول مره للحصول على الرقم السري تحط رقمك بالملحقيه والأحوال عشان يرسلون لأيميلك الرقم السري تبع الملف...

ثالثا وهو الأهم والأهم: كثير من الطلاب يحسبون انفسهم بالخطوتين السابقه انهم خلاص ينتظرون ويجيهم قبول ... وهذا غلط ... لازم اذا دخلت على ملفك الي بالبوابه الالكترونيه تسوي طلب إلحاق بعضويه البعثه ولما تسوي الطلب تختار المرحله الدراسيه الي انت فيها وانننننننننننننننننتبه يالي تبغا لغه لا تختار بكالريوس زي ما صار معي توقعت ان مرحلتي بكالوريوس وانا اصلا لازم اخذ لغه بالأول.

قبل لا تسوي طلب لكل شي لازم تسوي الأشياء التالية:-
1- تجهز الأوراق وتسوي لها سكان بالكمبيوتر ويفضضضللل انك تحفظها بالإيميل

2- خلي إيميلك الرسمي على قوقل وابتعد عن الهوتميل لان فيه مشاكل ... وإيميلات قوقل حمايتها قويه جدا.

3- دور لك برنامج أو موقع بالانترنت لتصغير الصور إلى تحت ال 500 كيلو بايت وانا ابقولكم عن برنامج رااااااائع جددا انا استخدمته اسمه FastStone Photo Resizer لان موقع الوزاره ما راح يقبل انك تحمل صور اكثر من 500 كيلو بايت.

4- في شي بالطلبات اسمه خطاب المباشرة في الجامعة أو المعهد هذا الشي تروح للمسئول/ة عن الطلاب الدوليين في المعهد وتقوله ابغا ورقة اسمها Enrollment Letter راح يعطيك اياها .. ولطلاب امريكا ترا هذي الورقه راح تفيدك أيضا في استخراج بطاقة الولايه فلا ترميها خلها مع الشهادات والأوراق المهمه.

5- على طاري الشهادات الأفضل الأفضل عشان لا تضيع وهذي الطريقه مجربه مني ... وهي اني اخذت شنطه مدرسية وفرغتها وحطيت فيها شهاداتي وجوازي وجميع الأشياء المهمه جدا عشان لا اضيع وانا ادورها بين شنطه وثانيه.

6- اخيرا للطلاب الي يبون يجون لأمريكا انا اقولكم يلللللللللللللللللللللللزززززززززززم أن تكون من أشدددد الصبورين على الملحقية الثقافية بأمريكا لأنها بطيئة جداً جداً في التعامل مع المشاكل والطلبات وجميع الأشياء ...... فوق هذا كله نادر انك تتصل عليهم ويردون عليك ..


اتمنى تدعون لي انقبل بالانضمام للبعثه بأسرع وقت لان ضاقت بي الدنيا وجاني الضغط والسكر من ملحقية أمريكا

وشكرا لكم واتمنى اني قدمت شي يفيد الطلاب الجدد واتمنى لكم التوفيق... والسلام عليكم ورحمة الله وبركاتة