| . . مـتـابـعة طـلـبات الإلحاق لدى الوزارة . . | (1)

ننتظر الى اخر الليل بتوقيت امريكا الساعه ١٢ اذا بتتحرك الطلبات ولا خذوا آجازه

- - - مشاركة محدثة - - -

الطلبات للحين ماتحركت

اكثر الطلبات واقفه بتاريخ 08/10/2013

اللي هو يوم الاربعاء بتوقيت السعوديه

عسى الله يعين وتفرج آن شاء الله

الوزاره نايمه !!!


( تمت المشاركة باستخدام تطبيق مبتعث )

السلام عليكم ورحمة الله وبركاته

الحمد لله رب العالمين

صدرت لزوجتي الموافقة على الدراسة على الحساب الخاص من قبل وزارة التعليم العالي أمس السبت صباحا الساعة السابعة ومن الفرحة طرت بدون ما شرب ريد بول ولا شيء
احمدك يا رب لي شهر و20 يوم هنا بأمريكا وتوهم رادين الطلب الأول كان في شهر 7 ورحت الرياض وقالو كل شيء اوك توكل على الله وروح رجعت البيت اترفض الطلب قالو ضغط في السستم وتحد فت الملفات يرجى اعادة التقديم بعد شهر الرد طبعا رديت قدمت الطلب اللي هو 2 في منتصف شهر 8 ورحت الرياض قبل رحلتي ب 4 ايام ركبوني لواحد ما عرف اسمه( الا اعرفه بس مابي اقوله) قلت له الاول ومشيناها والثاني ش السا لفه انا موعد رحلتي باقي له 4 ايام قال نفس الكلم وزود عليه ما ترجع من الرياض وتوصل بيتك بالسلامة الا تشوف الرد ترى اوراقكم كلها سليمة
وصلت لقيت رسالتين الطلب للجنه والثانية في التدقيق خخخخ المهم بعدها بيوم جت رساله حقت الملتقى بجده الحضور الزامي ضحكوني موعد الملتقى بعد موعد رحلتي بيومين سلامات صفطتهم واخدت ام العيال والعيال واقلعنا وصلنا هنا وجلسنا و بعد اسبوع جا الرفض بكينا دموع هههه كانت الملاحظة كالتالي يرجى ارفاق موافقة خطية من ولي امر الطالبة مصدقة من الجهات الرسمية اما المحكمة وكاله او العمدة والشرطة هههههههههههه سلامات يا الوزارة انا ولي امر الطالبة ومرافقها ومحرمها وقد ارفقت لكم كل الطلبات والاثبات الرسمي هو دفتر العائلة وبياناتي كلها مسجله اقر انا محرم الطالبة واقر انا ولي امر الطالبة كلها باسمي وهناك ايضا موافقة خطية مني على ذلك وتعهد من الطالبة على التزامي كمحرم المهم أيش سويت معقولة ارجع البلد لا لالا=لا اللي سويته توجهت لاقرب قنصلية عندي وقابلت الموظف المحترم علمته بالسالفه ضحك ياجماعه وش قال قال الموافقة تكون لولي الامر اللي راسل بنته مع احد اخوانها او خوالها او عمها هدي اللي تكون رسمية موب انت وانت موجود معها المهم مع ذلك عطاني اطلبي هههه سويت توكيل ع نفسي وقدمت الطلب ال3 في شهر 9 وانا هنا بامريكا بالورقة المصدقه على نفسي ههه وتونا امس جا الرد طبع التقديم كان في 18 من شهر 9 استغرق الرد 24 يوم واااااااو
باقي الحين اسوي تفعيل قرار الموافقة واقدم طلب على الملحقية باسو يه بكرا لان المعهد اليوم ويكند بكرا يفتح واخد منهم خطاب مباشرة اللي ناقصني وعلى الله نكمل باقي طلبات الملحقية وناكلها بعد الله العالم 4 شهور دعواتكم لنا
والله يوفقكم يارب

السلام عليكم
شباب لو سمحتوا يالي يتغير طلبه ياليت يعلمنا

دخلت على الموقع معلق عند متابعة الطلبات

ان شاء الله خير

هذا صوره للموقع
Screen Shot 2013-10-13 at 1.02.45 PM.jpgScreen Shot 2013-10-13 at 1.02.45 PM.jpgScreen Shot 2013-10-13 at 1.02.45 PM.jpg

ياخوان معلق وش السالفه احد صار له مثلي

Screen Shot 2013-10-13 at 1.04.51 PM.jpgScreen Shot 2013-10-13 at 1.04.51 PM.jpg

صحيح انا علق معايا. ان شاءالله يحركو الطلبات


( تمت المشاركة باستخدام تطبيق مبتعث )

ان شاء الله ٫ الله يسمع منك

شكلها بعد العيد.


( تمت المشاركة باستخدام تطبيق مبتعث )