| . . مـتـابـعة طـلـبات الإلحاق لدى الوزارة . . | (1)

يالغالي لي عتب بسيط عليك
اتمنى تتقبله بكل رحابة صدر
كلمة ((حقير)) اتوقع مو من حقنا نسب الموظفين بالاسلوب هذا
وترى من حق الموظفين يأخذون اجازات وبعض الاوقات تتاخر المعاملة عنده
بسبب انه في اجازة وهذا شئ طبيعي يالغالي
ان شاء الله ربي يفرحك بالالحاق في اقرب وقت يارب

وانت الصادق لو اوراقك راحت مشي من مكانك للوزارة يمديها وصلت وخلصت ورجعت مشي وخلصت هههههههه

والله ما ينلام يوم قال حقير .. ياخي ما صارت .. المعاملة واقفه وغيره تمشي .. دامه باجازه ليه يحولون له طلبات ؟
ظلم كذا فيه ناس طلباتها توصل متاخر وما يردون عليهم وغيرهم توصل للوزاره اسبوع وقاضيه !
الله لايوفق كل من تخاذل في شغله ..
ناس معاملاتها واقفه ٢٠ و ١٨ يوم ويشوف غيره تمشي .. وش تبيه يقول ؟!!!!
دعاء لهم ودعينا .. ولامن مجيب !!

اوكي براحتكم
انا اسف اني علقت على هالكلمة

وانا مثلكم بعد معاملتي واقفة في تقييم الطلب من قبل اللجنة

ياشباب هل قرار الابتعاث يجي بعد خطوة اظهار نتيجة القرار ..!!؟؟
يعني طلبي واقف عند اظهار نتيجة القرار الحين بعد مايتحرك من اظهار نتيجة القرار يجي اشوف بعدين قرار ابتعاث بإذن الله .. ؟

بالله عليك .. ماتحز بخاطرك لاشفت طلب غيرك وصل الوزاره وانتهى وانت طلبك معلق فوق العشرين يوم !!
مش معقولة ياخي شوية انصاف

اخوي كنت احبك .
ترا الموظفين ما ندري وش يسوون اللحين .
انت تعلم انة الان يشوف معاملتك او لا ؟
طبعا كلنا معاملاتنا يبي لها مراجع في الوزارة عشان تمشي بسرعة
او راح تتاخر شوي .
احسب عدد الطلاب بالخارج لا تحسب بس طلاب امريكا

ايه .. حسب ماقريت

انا معاكم فيه معاملات مشت بسرعه
وترى الموظفين يختلفون واحد يمشي بسرعه
وواحد نظامي وثقيل دم وواحد يتغاضى وهذي هي الحياة
انتم تبون كل شئ يمشي بالدقة وبأسرع وقت وهذا عند ربعنا مايصير خخخ
ان شاء الله انها تتيسر والحمدللة ان ملفاتنا وصلت الوزارة
اول كنا نقول الملحقية فيهم وفيهم واللحين صرنا نقول الوزارة فيهم وفيهم
ولاتنسون كثرة الملفات اللي عندهم وظغط العمل اللي عليهم لدرجة ان بعض الموظفين
تلقاه بعد مايصلي الفجر يروح لكمبيوترة ويمشي بعض المعاملات في خارج اوقات الدوام
وهذا شئ يستاهلون الشكر عليه علينا ان نكون منصفين <<--شكلة بيتصفق اليوم خخخ


روقوا المنقا وان شاء الله نفرح جميعاً

لا تتاسف الى أحد وانا اخوك انت الي قلته كله صحيح ... وياشباب لاحد يتكلم وسب وكلمة حقير هل هي كلمة حلوة على وجه هذا الموظف الي عنده المعامله ..!؟؟
طيب الموظف في اجازة ممكن تكون عنده ظروف صعبه ومايقدر يداوم .. وبعدين انتوا الحين صبرتوا ياشباب طول هذه الفتره الحين انتوا تقريبا ضمنتوا البعثه
ناس هنا صار لها 8 شهور مثلي تنتظر كل واحد يحمد ربه وصل لمرحلة اظهار نتيجة القرار ناس ماتحركت معاملتها للحين في الملحقيه عند موظف التسجيل ..
ودمتم بخير وربي يكتب لكم التوفيق والانضمام للجميع ...