| . . مـتـابـعة طـلـبات الإلحاق لدى الوزارة . . | (1)

والله ..

مسوي طلب الحاق ولي فتره ماتحرك ابد وبعض الاخوان لهم ماشاء الله فقط 5 ايام وتحرك وبعضهم اقل ..

انا طلبي مازال موقف عند اول واحد .. اللي هوو


ياليت تفيدوني وش الطرق اللي اسويها وتفيدني ..

من فرج كربة عن اخوه المسلم فرج الله له كربه من كرب يوم القيامه

طيب كم باقي وياخذ الضمان المالي ؟

هلا فيك اخوي ذياب
التخصص كيمياء
وعندي قيول بالجامعه قبل التكدس
بس الجامعه موقوفه بس تخصصي غير موقوف

ياليت تفيدني
وشاكر لك تعاونك

يا شباااب افيدوني وش السالفة الطلب صار له 20 يوم واقف عند التقييم !!

الفزعه يا اخوان تكفووون ردووو


انا طالب ادرس في ولاية يوتا جماعة ويبر ستيت. حصلت على قبول معهد من جامعة اريزونا ستيت ,ولكن لم احصل على قبول جامعي حتى الان لان القبول الجامعي يحتاج الى شهر او شهرين لكي استطيع الحصول عليه.ايضا من مجرد طلبك الى الحاق بالبعثه تختفي ايقونه الخدمات الدراسيه السؤال الاول : هل انتضر حتى يتم قبول الى البعثه لكي اغير المعهد او الغي طلب الالحاق واغير المعهد
السؤال الثاني :هل الالحاق بالبعثه يشترط علي قبول جامعي لان اذا الغيت الطلب وغير بيانات المعهد سوف ينلغي قبولي الجامعي السابق واصبح بلا قبول جامعي
السؤال الثالث : هل اذا التحقت بالبعثه وطلبت النقل الى معهد اخر في ولاية اريزونا يشترط علي المشرف الحصول على قبول جامعي لكي يقبل طلب الانتقال او سوف يدعني انتقل بشرط اني احضر له قبول جامعي خلال فتره معينه
السؤال الرابع : اذا الغيت طلبي الحاقي بالبعثه وغير المعهد ومن ثم طلبت الحاق بالبعثه وارفقت كشف درجاتي بالمعهد السابق هل سيصدر قرار الحاقي بأسم المعهد السابق؟
وشكرا

انت اذا طلبك راح للوزارة لاتسوي اي شئ
خله يمشي حتى لو غيرت المعهد ماراح يضرك شئ ان شاءالله
خويي طلبة راح للوزارة وخلال هالفترة غير المعهد وضموه وارسلو له ضمان مالي للمعهد القديم
ارسل رسالة للمشرف وقال له انا غيرت المعهد وهذا الاي توني الجديد وارسل له ضمان مالي جديد

٢ـ اذا ماعندك قبول جامعي اتوقع يتم رفض طلبك بالالحاق للبعثة لان اهم شئ قبول جامعي في تخصص غير موقوف وجامعه موصى بها
٣ـ حسب ماسمعت من احد الاخوان ان اذا انضميت وتبي تنقل من اقليم لآخر لازم يكون عندك قبول جامعي عشان ينقلوك
٤ـ لاتفكر تلغي الطلب اذا راح الوزارة خله لين تشوف وش يصير اذا رفضوه وقتها ارفق اللي تبي اما اذا طلبك في الوزارة لاتلغيها ابداَ

بالتوفيق ان شاء الله

اول شي يعطيك العافيه على الرد ثاني شي طلبي ما راح الوزارة طيب معناتها انتضر لما يطلعلي قبول جامعي ياليل طيب اقدر بعد ما انضم اقولهم اني نقلت وادرس بالمعهد الجديد وخلال شهر اجيبلك قبول الجامعه

لا مو شرط تنتظر انت اهم شئ حالياً هو الانضمام للبعثة
والباقي كله يهون ان شاء الله
خل طلبك يروح للوزارة وخل باقي خططك على ماهي عليه
اذا ضموك راح يعطوك ضمان مالي على نفس المعهد اللي انت فيه
اما سؤالك انهم يسمحون لك تنقل ويصبرون شهر لين تجيب القبول هذا ماعندي خلفية عنه
لما تنضم راسل مشرفك ان شاء الله وراح يفيدك

روح الملحقيه في واشنطن واطلع لـ خالد العمار واشرح له وضعك وخله يرفع طلبك للوزاره ويارب يضمونك .. اهم شي خذ معك كشف بدرجات المعهد لمده لا تقل عن اربع شهور

الحمدلله اخيرااا تم انضمامي

وعقبال جميع إخواني الدارسين على حسابهم الخاص