سؤالي عن القبولات في كندا ..؟ وش الافضل كندا - امريكا - بريطانيا ..

وعليكم السلام

الجامعات تختلف من بلد لبلد اخر وعلى حسب قوة الجامعه بكل ديره بتلقين الشين والزين

كندا عادي تقدرين تدرسين لغه بعدين جامعه وبكل دول العالم كذا , بريطانيا الابتعاث فيها متوقف الا اذا معك فتامين وآو

امريكا شوي قروشه ملحقيه

كندا ولد عمي ماكمل شهرين ونص وضموه بدون فتامين ,,

وعلى الحجاب بامريكا عادي وخصوصا بالولايتين الي شفت فيهم الوضع فلوريدا ( اورلاندو ) اوريقون ( بورتلاند ) كثير سعوديات متحجبات

والوضع على المتحجبات عادي جدآ

والغلاء على حسب المدينه فيه مدن تاكس ومدن لا كل ماصغرت المدينه كل ماقلت المصاريف
بالتوفيق

اشكرك اخوي W.M على مرورك واجابتك المريحة لاني اتصلت على مكتب قالوا لي ماتقدرين تروحين كندا بقبول مشروط لازم قبول مو مشروط

كان براسي امريكا بس صراحة خفت منها احس ان مافيها امان وعلى اتفه شي ممكن يسون لك قلق

احس انهم شكاكين ومتعصبين خاصة من العرب

لا بالعكس امريكا دوله متفتحه

انا كل ماطلعت سوق الداون تاون اشوف سعوديات متحجبات الوضع طبيعي وعادي

مافيها اي عنصريه انا اتكلم عن الي شفته ب اورلاندو + بورتلاند

بالتوفيق لك

سأكون منحاز في اجابتي الى صف كندا

مقارنة بين الدول الثلاثة كندا هي الاكثر امانا والاكثر تقبلا للاقليات والحجاب عادي جدا وعدد المسلميين في كندا يبلغ نصف مليون اغلبهم متمركزون في اونتاريو
ونعم الجامعات الي تقدم قبول مشروط قليلة ولكن اغلبها تشترط اجتياز التوفل او الاليتز
طيب ايش المشكلة اذا اخذتي قبول معهد واختبرتي بعد ذلك لانه اكيد خلال هذه الفترة مستواك راح يتحسن وبامكانك الحصول على الدرجة المطلوبة في التوفل او الاليتز

اشكرك اخوي على هالرد والاستجابة منك لموضوعي

بس والله دايما نسمع انهم يسجنون العرب وعلى طول على غوانتانامو < خخخخخخ قسسسم خايفة منهم

الناس اللي رجعوا كنت اسالهم عن الامان الاجابات ماكان تطمن غير انهم عايشين وكانهم تحت المجهر مراقبين

غير البهذلة في المطار والقصص اللي اسمعها < هذا اللي اسمعه ومدري وش الصدق

شكرا لك اخوي nasa2009 على مرورك وردك على موضوعي

انا اعرف ناس بامريكا وكندا

كندا يقولون انها دوله منغلقه نوعا ما شعب مسالم لكن المعيشة جدا غالية ... هل صحيح هالكلام ؟

وهل اقدر ادخل اولادي مدارس كندية اذا اراد الله و ذهبت ؟

اما بالنسبة لقولك طيب ايش المشكلة اذا اخذتي قبول معهد واختبرتي بعد ذلك لانه اكيد خلال هذه الفترة مستواك راح يتحسن وبامكانك الحصول على الدرجة المطلوبة في التوفل او الاليتز < مافهمت وش تقصد ..... ( ياليت توضح لي اكثر ) ... مع العلم اني انا ابي قبول مشروط ..

وعندي مبلغ تقريبا 110 الف هل تكفيني حتى يتم الحاقي في البعثة ام لا ؟

وشكرا لكم جميعا

والله اني محتارة بين كندا وامريكا مشورتكم يا وجيه الخير ... وش تشوفون ؟ وش تنصحوني ؟

كندا احس انها امان لكن المعيشة غالية جدا على ما اسمع ...! ومدري احصل قبول مشروط اصلا ولا ما احصل ...؟

امريكا احس انها مو امان واحس عندهم عنصرية ضد المسلمين ومدري والله وش الاحسن < محتارة بقوة

بريطانيا موقفين فيها الالحاق .. فـ ما انصحك تروحين لها ..
واعرف كثير على سنتين وثلاث وماعندهم بعثه ..

بخصوص امريكا وكندا .. حسب الولاية .. والمكان .. والحين ابشرك مافيه أي عنصرية ضد المسلمين .. واذا كانت فيه عنصرية فـ هي قليلة ولاتذكر ..
والمبلغ ان شاء الله يكفيك وزيادة ..
موفقة يارب

- دعك من كلام الناس
مافهمت قصدك بمنغلقة؟
التكلفة المعيشية سواء في امريكا او كندا تعتمد على المدينة فمثلا مدينة نييورك الامريكية اغلى من مدينة لندن الكندية ومدينة تورنتو الكندية اغلى من سولت ليك سيتي في امريكا فاختيارك المفروض يكون بناءا على المدينة والجامعة وليس بين كندا وامريكا
والمشكلة الوحيدة في كندا هي البرد القارس في فصل الشتاء بس البرودة تتراوح حسب المنطقة

نعم يستطيعون دخول مدارس كندية حسب شروط المدرسة

وماقصدته هو ليه ماتاخذين قبول من معهد تابع لجامعة ومن ثم تقدميين على الجامعة في كندا لان القبول المشروط يشترط حصولك عى التوفل او الاليتز قبل بدء الجامعة او اكمال برنامج اللغة التابع للجامعة

وال 110 الف تكفي من 8 الى 11 شهر مع تكاليف المعهد اذا كنتي لوحدك