وش تحتاج الجامعة من أوراق عشان يقبلوني ماستر ؟ ؟

كنتي موظفه في مجال عملك؟ طبعاً تدعمك شهادة الخبره سنتين تدعمك كثير في القبول .. واذا المتلقيات في مجال تخصصك حاولي تترجمينها وترفقينها ..لو عندك دورات كمان في مجال التخصص ارفقيهم

ولا تنسي الضمان المالي

ايه توظفت سنتين ونص بعد بس وش اقولهم يعني؟ اقول ابغى شهادة خبرة ؟ واطلبها بالانجليزي؟

وبالنسبه للدورات حضرت كثير وشهاداتي وش كثرها بس كلها بالعربي ، اترجمها ترجمة معتمده وارفقها ؟ تحتاج ختم او شي معين ولا لا ؟

والضمان المالي موجود وكشف الحساب بعد موجود

يبقى لي بس اجيب ايلس ثاني الدرجه الي يطلبونها وهي 6 واختبر GRE بس في الفترة هذي ابي قبول مشروط

-----

انا قد قريت موضوع كامل متكامل عن الاوراق المطلوبه بس والله ضيعته جيت برجع اقراه بروقان بس ماحصلته تعبت وانا ادور عليه بس للأسف

فاللي يحصل موضوع جاهز عن هالأشياء ياليت يحط لي الرابط هنا .


وشكرررا لك يالذيب .

أيه نعم روحي لهم وقولي أبي شهادة خبره تكون بالإنجليزي وشي عادي دايماُ تنطلب وهي اثبات اني اشتغلت معكم لمدة المحدده ويفضل تاخذينها من واحد يفهم يعني يكتب كلام حلو
ان فلانه اشتغلت معنا واظهرت تعاون كبير وكانت تؤدي العمل بشكل ممتاز ونحن نشيد بعملها ونعتقد انها سوف تحقق نجاح كبير في حياتها المستقبليه

على العموم ممكن تحصلين نماذج جاهزه بالإنجليزي بالإنترنت استخدمي قوقل للبحث وتعدلين فيها وتودينها لمقر العمل يعيدون كتابتها بالورق الرسمي للجهة ويختمونها

الدورات ترجميها كلها في مكاتب ترجمة معتمده ماتحتاج ختم من اي مكان المهم المكتب يكون معتمد للترجمة .. وطبعاً ترفقين النسخه الإصليه من الشهادة + الترجمة
أو اذا كنتي تقدري ترجعين للمعهد الي اخذتي منه الدوره وتقولين لهم ابي الشهادة بالإنجليزي يكون افضل لو سويتي كذا انا كان عندي ثلاث شهادات رجعت للمعهد وخلوها بالإنجليزي ورتبوها صراحه ماقصرو.

الإيلتس موضوعه سهل ان شاء الله الـ 6 ماهي صعبه اما الـ جي ار اي يبي له شوية دراسه ..

أي جامعه ناويه تقدمين؟ أنتبهي تكون مؤقفه ... المهم اهم شئ شهادة الخبره ترا بتدعمك كثير وبالتوفيق

اوكي الله يعافيك ما قصرت


جامعتي لا مب موقفه بالعكس

شكرا لكم استفدت من الموضوع