مساعدة افيدوني عندي قبول من جامعة lindenwood university ساعدوني الله يسعدكم

او الله الورطه,,,,,,,,, طيب اللي معاه قبول نهائي غير مشروط يدش الاختبار هذا ولا لا ؟؟؟؟؟؟؟

مع العلم ان القبول ماكتبوا عليه انك تختبر,,,,,,

لاكن مالي الا ارسل بطتنا تروح تبط بطن بطتهم وتاخذ العلم الوكاد ,,,,,,,,,,,,,,,,,,,,,,,,

أنا كان معاي نهائي لكن الجامعة لما كلمتهم قالوا الجميع نمتحنهم والامتحان صعب جداً ونبيل النصاب هذا والله بيوهقنا ويوهقكم والي يبي يتأكد يتصل ع الجامعة وانتم بكيفكم

السلام عليكم

يا شباب انا و مجموعه من زملائي عندنا قبول من نفس الجامعه, و عزمنا اننا نروح لهم بعد اسبوعين تقريبا عشان نتأكد منهم وش السالفه بالظبط.

اما بالنسبه للقبةلات فأنا ما اشوف ان فيه حاجه تخوف, اذا يبون يختبرونا اهلا وسهلا ما في مشكله نختبر ماهو احنا لنا اكثر من سنه ندرس انجليزي انا بالنسبه لي اعتقد ان الاختبار حق لهم و كل الجامعات تعمل اختبار تحديد مستوى للانجليزي و الرياضيات قبل بداية البرنامج الاكاديمي.

طبعا على حسب ما قرأت في موقع الجامعة ان الاختبار يحدد مستواك في اللغه و بنائا على درجتك باللغه راح يتحدد اما انك تدخل البرنامج الاكاديمي مباشرة, او انك تاخذ كلاسات لغه بالتزامن مع البرنامج الاكاديمي "يعني مثلا كلاسين لغه و كلاسين مواد اكاديميه", او انهم يخلونك تاخذ كلاسات لغه فقط و في هذي الحاله الملحقيه راح توقف عنك الصرف و تسحب الضمان المالي من الجامعة. و اعتقد هذا احتماله ظعيف لان الجامعه ما فيها معهد لغة.

هذا رابط يأكد المعلومات السابقة:
http://www.lindenwood.edu/admissions...nal/toefl.html

دكتور ناصر المسعري مدير الاقليم أكد لي انه ما في مشكله انك تاخذ كلاسات لغه لكن ما تكون اكثر من نص المواد اللي انت تاخذها.

ثانيا القبولات اللي معاكم تأكدوا ان فيها هذي الجملة student is not subject to take any english preparatory classes لأنها تخليك تحط اصبعك بعينهم و ممكن تقاضيهم الملحقيه, برضو هذا كان توجيه من الملحقيه و كلمت الجامعه و طلبت اظافة الجمله و فعلا تمت اظافتها و ارسلوه لي.

بالتوفيق للجميع

انا كمان جبلي نبيل قبول عليها ... بس مني عارف كيف وضع الجامعة , الظاهر الرجال بيوزع الطلاب عليها ..

أنا كنت عند المدير الإقليمي المسعري وقالب هذا طالب دخل وعطوه مواد كلها للغه يعني هذا الي حفني ياشباب والله واذا تبوأ نروح الاسبوع الجاي كلنا نروح مؤ مشكله قرب لكن نبيل لا يجلس يلعب علينا لانه قال بلغي القبول وما برجع فلوسك لما عرفت الحقيقة والامتحان اسمه متشغان امتحان وهو صعب وانتم براحتكم

تتيسر انشاءالله


Shi5rib انت كم جبت بالتوفل ؟؟

انا جايب بالايلتس 4.5, لكن المشكله بهالجامعه وهالنبيل الي وهقنا

انا الحين جالس ابحث واشوف الموضوع فيه مشكله حتى الملحقيه عارفه بموضوع نبيل

وقالوا بالعباره هذي نبيل هذا بيوهقكم وبيخليكم مثل غيركم لانه وهق الي وروني جدوله

وانا كلمت الجامعه وناقشتهم بكل شيء اتضح انهم يعطونك كورس كامل اربع شهور انقليش

والكورس بضربة فلوس مو رخيص وانا والله حبيت اقول لكم اذا تبوا نروح مجموعه للجامعه نروح

ونتكلم ممكن يضبط الامر

ماشالله طيب انت ارسلت درجة الايلتس للجامعه ؟

لان في واحد جاب 4 و قبلوه نهائي و قاله مدير القبول انت موضوعك تمام و ما فيه عندك اي مشكله

انا عندي 5 في الايلس وجاني القبول مكتوب فيه :
student is not subject to take any english preparatory classes



وبحاول اتصل اليوم ع الجامعة اشوف موضوع الاختبار كيف ..

اتصلت على الجامعة واتفاهمت معاهم بخصوص القبول والاختبار , وقالو ان الاختبار لكل الطلاب .. واللي مايعدي ينزلوله مواد انقليزي ..

ولازم الطالب يختبر قبل مايبدأ دراسة وينزل مواد اكاديمية ..

الاختبار يوم الاثنين 21 الشهر هذا .. وبعدها يحددولك اذا تبدأ جامعة او تنزل مواد لغة ..