هــنــا سوف يتم ارد على جميع استفسارات الطلبه المبتعثين على حسابهم الخاص

السلام عليكم اخوي انا عندي مشكلة اللي هي انا ابغى ادرس ماجستير ادارة مالية من جامعة على حسب موقع الوزارة مقبوله ومفتوحه ولكن على حسب موقع الملحقية مغلقه وانا جايب القبول من شهر اكتوبر ٢٠١١ وقتها ما كان مغلق حسب الملحقية وش السواة لاني تعبت وانا انتظر القبول من الجامعة هل في طريقة اني اقنعهم اني لازم ادرس في هالجامعه؟؟

اخوي لاهنت انا ارسلت اوراقي للمعهد واقبلوني وارسلولي لاي تونتي
وارسلت اوراقي للجامعه وقالو لي نرد عليك بعد 2 سبوعين او 3 اسابيع

عشان اجيب قبول الجامعه للوزارة وعشان كذا سألتك لان دراستي تبدا 4/9

هل أروح للوزاره واقول لههم اني ارسلت اوراقي وخلصت بس باقي القبول
او اني انطر الجامعه .؟؟

1. صورة من قبول اللغة.
2. صورة من القبول الجامعي في جامعة موصى بها في الدرجة والتخصص.
3. صورة من نموذج (I-20) للطلبة الراغبين بالدراسة في أمريكا،

اخوي الله يرضى عليك الحين تغير النظام وصار لازم الواحد يأخذ الموافقه من قبل ما يطلع , ولما دخلت حصلت هذي من ضمن الشروط .
السؤال الاول: طالبين صوره من قبول اللغه وطالبين نموذج (I-20) ,! الحين الثنين هذولا ما يعتبرون ورقه وحده ..؟
السؤال الثاني: طالبين قبول من جامعه .! كيف اجيب قبول من جامعه وانا طالع ادرس لغه في البدايه وبعدين اكمل ماستر يعني الجامعه ما راح تعطيني قبول الين اجيب لغه ..؟

..
.
في جامعات تعطيك قبول مششـروط / معنآهـ : آن الجامعة قابلتك و اوراقك سليمه فقط (اكمال اللغه) .. مجرد ما تخلص اللغه تجي ع كرسيك في الجامعه ينتضرك.
..
.
فـ آنت لازم توفرر قبول مششروط من جامعه معترف فيهآ ، وغيـر مووقوفـه او متكدسسه في تخصصك ..
..
.
تمنيآتي لك ب التوفيق ..

السلام عليكم

يعطيكم العافيه شباب .. انا رفعت طلب الحاق ورجعت السعوديه اجازه .. الان طلبي عن تدقيق الطلب .. تتوقعون يضموني للبعثه .. ولا راح يرفضون

في حالة انهم بيرفضون وش الحل برايكم ؟؟ اطلع برى السعوديه لاي دوله قريبه مثل البحرين الكويت ..؟؟ وارجع بعد التقييم من قبل اللجنه ؟؟

اخواني ارجوكم افيدوني باسرع وقت والي عنده معلومه لا يبخل علينا بها ..

 المشاركة الأصلية كتبت بواسطة 3badii

السلام عليكم

يعطيكم العافيه شباب .. انا رفعت طلب الحاق ورجعت السعوديه اجازه .. الان طلبي عن تدقيق الطلب .. تتوقعون يضموني للبعثه .. ولا راح يرفضون

في حالة انهم بيرفضون وش الحل برايكم ؟؟ اطلع برى السعوديه لاي دوله قريبه مثل البحرين الكويت ..؟؟ وارجع بعد التقييم من قبل اللجنه ؟؟

اخواني ارجوكم افيدوني باسرع وقت والي عنده معلومه لا يبخل علينا بها ..

..
.
اخوي نزل اسسستفسسآرك هنـآ .. مممكن الشششبآب يفيدوك .. ( http://www.mbt3th.us/vb/forum60/thread341029.html )
..
.
تحيـآتي لك

اخوي متابعه
تكفى الله يرحم والدينك عندي مصيبه مهب مشكله بس

انا جبت القبول واموري ف السليم الحمدلله
بس ياخوي المعهد فيه تكدس : والله قبل شهرين معترف وموصى بالجامعه :
ويوم دخلت موقع المواره طلع متكدس مدري وش اسوي
انا خلاص جاني قبول وكل شي
بس انتظر الفيزا تطلع عشان اقدم طلب الدراسه على الحساب الخاص للوزاره ؟؟؟
اسم المعهد
Arkansas State University

تخصص ، أداره اعمــال

بالله يمدي يعطوني قبول الوزاره ولا مايمدي

يرحم والدينك عطني وجه رد علي
شف لي حل جاوبني
قل اي شي ^_^

اخواني هدي خطوات طلبي بشروني انشاء الله خير
او انه في احتمال يرفض الطلب تطفون تراني افكر دايييم وبالي مشغول

الإدارة	الوظيفة	الإجراء	التاريخ	ملاحظات
طالب	تم إنشاء الطلب	الطلب تحت الدراسة	2012-07-28	السلام عليكم ورحمة الله ولركاته أخواني الاعزاء تم إرفاق كل المطلوووب بالتفصيل حظور وغياب والمدة وكشوف الدرجات مختومه من المعهد واني كنت افضل طالب على مستوى المعهد وتم أعطائي 4 شهايد تفوق مختومه من المعهد وتم ارفاقها إعزائي كل من يمر عنده الطلب أوصل له هذه الرسالة انا قادم للولايات المتحدة لكي أكمل دراستي وارفع راس وطني الغالي بمحصول العلم الذي اتيت لكي اكسبه وانا متفرغ و مركز كل التركيز على دراستي وبذلت كل الجهد وهذا ما سوف اداوم عليه بتفويق الله عز وجل ونتائجي تثبت لكم كل ذلك لايوجد لدي غيااب ابدا ولا تأخير ولا تهاون في دراستي ويوجد خطاب من المعهد كذلك يثبت كلامي لكم اسال الله العلي القدير ان يمنحني توفيقه الدائم ولكم كذلك
الملحقية الثقافية	موظف التسجيل	الطلب تحت الدراسة	2012-07-31
الملحقية الثقافية	تفويض معاملة	الطلب تحت الدراسة	2012-07-31
الملحقية الثقافية	مدير التسجيل	الطلب تحت الدراسة	2012-07-31
الملحقية الثقافية	الملحق الثقافى	تم إرسال الطلب للوزارة	2012-07-31
الإدارة العامة للبعثات	معالجة الطلب من قبل الموظف المختص	الطلب تحت الدراسة	2012-08-01
الإدارة العامة للبعثات	تدقيق الطلب	الطلب تحت الدراسة	2012-08-02
الإدارة العامة للبعثات	اسناد الطلب للموظف المختص	الطلب تحت الدراسة	2012-08-04
الإدارة العامة للبعثات	معالجة الطلب من قبل الموظف المختص	الطلب تحت الدراسة	2012-08-08
الإدارة العامة للبعثات	تدقيق الطلب	الطلب تحت الدراسة	2012-08-08
الإدارة العامة للبعثات	تقييم الطلب من قبل اللجنة	الطلب تحت الدراسة	2012-08-09
الإدارة العامة للبعثات	طباعة توصية اللجنة	الطلب تحت الدراسة

اغلاق

حبيبي الله يعطيك العافيه بس ما جاوبتني على السؤال الاول ..؟؟