اربعه اشهر في امريكا كيف انضم !

أخوي
السبب هذا هم كتبوه لك ، يعني الملحقية أفادتك بأن سبب رفض الإلحاق هو عدم وجود قبول جامعي ؟

و الله كذا أنتم تبون تخلوني أعيد النظر في خطتي ، أنا الآن مقدم على معهد فيريجينيا تك ( الدراسة تبدا نهاية أغسطس - نهاية رمضان - ) و منتظر ردهم اللي إن شاء الله يبي يجي خلال هذا الأسبوع ، و خطتي أن أضبط أمور الفيزا و الطيران و كل شي ، ثم في الفترة من بعد القبول إلى ما أسافر ( تقريبا راح يكون رمضان كله ) و وقت الدورة اللي هي 8 أسابيع راح أحاول أجد قبول جامعي
هذي كانت خطتي ، لكني كنت مطمئن إنه الإلحاق ما له علاقة بالقبول الجامعي مما يعني إني ممكن آخذ راحتي في إيجاد الجامعة و التخصص اللي أبيه بالضبط
لكن إذا سالفة القبول الجامعي مهمة ، شكلي بأضطر إني أؤجل شوي على ما أجهز أموري و أرتب للتقديم ( من اختبارات و خطاب غرض من الدراسة ... الخ ) و على الأقل أكون مقدم على عدد من الجامعات اللي أكون متوقع إنه على الأقل واحدة منها راح تجيني موافقتها ثم ( على ما تجيني الموافقة ) أبدا في إجراءات المعهد و الفيزا و السفر
لأني لو مشيت في خطتي الحالية و صار القبول الجامعي مهم ، هذا القبول راح يقرش مخي و يقلقني و أخاف يضيع علي التركيز على دراسة اللغة

- - - مشاركة محدثة - - -

الله يوفق الجميع لكل ما هو خير و صلاح و هدى

ايه قالو لازم قبول جامعة ,وهذا واحد من ردودهم علي

الملحقية الثقافية

موظف التسجيل

عدم قبول

2012-04-20

عزيزى الطالب حسب تعليمات الوزارة نأمل ارفاق تقرير دراسى مفصل يوضح المستوى الدراسى للطالب خلال اربعة اشهر الماضية(كشف درجات من تاريخ الدراسة ولمدة اربع اشهر)فى المواد المسجلة وكذلك مستوى الحضور والغياب مع القبول الاكاديمى من جامعة موصى بها من قبل الوزارة مع تحديد التخصص عبر البوابة.

جزاكم الله خير جميعا

وان شا الله جاري البحث عن قبول تعبت والله من بعض النصابين اجل يقول اجيب قبول في اقل من ٢٤ !

الحمد لله بس

والله يوفق ويسعد الجميع

السلام عليكم ............
على كلام خالد العمار قبل اسبوع قابلته في الملحقيه يقول لوتدرس عشر سنوات بدون قبول جامعي الوزاره ما تضمك
بالتوفيق ,,,,,,

شكرا أخوي سلطان4 ، هذا و الله من طيب اصلك و كرمك
وفقك الله

اخوي ابحث في قوقل عن ( أسهل الجامعات الامريكيه في القبول ) وقدم عليها وإنشاء الله يجيك القبول ،

متطلبات الالحاق بعضوية البعثة ،،،

1- ورقه مباشره في المعهد ، ( تطلبها من المعهد )
2- قبول جامعي في جامعه غير متكدسه او موقوفه (وتخصص من التخصصات المطلوبة)
3- I-20
4- I-94
5- شهادة الثانوي او اخر شهادة حصلت عليها مع إرفاق شهادة الثانوي
6- كشف درجات او شهاده ، ( موضح فيها الغياب والدرجات وانك درست 4 شهور او اكثر )
والباقي الأحوال و الجواز ...الخ

هاذي هي الاشياء المطلوبه

خذ الكلام مني بدون قبول جامعه مستحيل تنظم
اللي أنظمو بدون قبول جامعه هم اللي كانو في امريكا ايام الإكراميه الملكيه سنة 2011

انا ع السرير ومافيني اشرح كثير ههههه
المهم انو لكتب لكم اسم الجامعة اللي قدمت عليها وعطوني القبول المشروط في ظرف اسبوع كل اللي عليك تعبي الابلكيشن وتدفع اونلاين 30 دولار وترسل اوراقك لهم انا ارسلت 15 دولار وخلال اسبوع وصلني نسخة من القبول الى شقتي ونسخة ع ايميلي
اسم الجامعة:
southern illinois university carbondale

عاد اذا ماتعرف تعبي ابلكيشن هذي والله سالفة حاول تتعلم وترجم اللي تفهمه

موفقين خير

والله ياخوي قدمت على ماستر في هالجامعة لي حول 3 اسابيع بس ما ارسلت اوراقي لهم
وللان ماوصلني القبول ولا فيه اي رد

^^
طيب شو تنتظر لازم ترسلهم اوراقك مايقبلون الاوراق لا ايميل ولا فاكس ضروري ترسل لهم عن طريق البريد
ترا متفهمين جداً

- - - مشاركة محدثة - - -

طبيعي ما يردون اذا ما ارسلت