اربعه اشهر في امريكا كيف انضم !

القبول الجامعي في تخصص غير موقوف
من اهم شروط الانضمام للبعثة


لما يجيك قبول ارفق كشف الدرجات والحضور والغياب
والقبول الجامعي في طلب الحاق بعضوية البعثة
وان شاء الله تنضم في اسرع وقت

يالغالي جب لك قبول من جامعه موصى بها وغير متوقفه وتخصص وغير موقف

وارفقه مع الدرجات والحظور والغياب وان شاء الله تنضم على طول

جزاكم الله خير
بس كيف اعرف التخصص الموقف من قبل الملحقيه !

روح قوقل واكتب الجامعات الموصى بها
واكتب اسم الجامعه الي تبي ويطلع لك موقفه او لا والتخصصات الي بالجامعه معتمده

ادخل هالرابط الجامعات الموصى بها

وحط الولاية والمدينة واسم الجامعة

وبالتوفيق

و الله احترنا مع أعضاء مبتعث و خصوصا في هذا القسم
ناس تقول القبول الجامعي مو شرط للانضمام و هم كثير
و ناس تقول العكس و هم أيضا كثير
المشكلة ما تدري من اللي متأكد من كلامه من اللي يرمي الكلام من دون تأكد و تدقيق
و ما تدري من اللي يمثل حالة خاصة أو/و حظ و من اللي يمثل حالة عامة

ياعزيزي القبول الجامعي جداا مهم وماسمعت احد قال أنه غير مهم قبل كذآ !!
الا بالواسطه فـ كل شي ممكن

اهـــم شي قبول الجامعه,فيه ناس قلـــيل مرة تمشي امورهم بدون قبول جامعه ,يمكن نسبة 10% تمشي امورهم بدون قبول جامعه

وانا اقرب مثال ,انا صارلي 10 شهور هنا وتوني انظم قبل اسبوع ,وسبب التاخير لان ماكان معي قبول جامعه ,وقبل شهر ونص جبت قبول جامعة وظموني الحمدلله قبل اسبوع

والله يسهل امور الجميع

يا أخوي أنا أتابع المنتدى ، و إلى فترة قريبة ممكن أعد لك عشرات المواضيع اللي فيها " الحمد لله انا قبلت " و تلقى اللي كاتب الموضوع يقول إنه أن طالب لغة و هدفه بكالوريوس و ما عنده قبول و يقول بدون واسطة ، هذي المواضيع موجودة و بكثرة ، إذا تبي تعبني و تشغلني عدد 10 ساعات ممكن أعطيك روابط المواضيع من اليوم إلى ثلاث سنوات وراء ( مدة متابعتي للمنتدى من قبل ما أسجل حتى ) و فيها العشرات بل ربما أكثر من المائة كلها مواضيع بنفس الشي ( طالب لغة و بدون قبول جامعي و ألحق في البعثة بدون واسطة ) و بدون مكرمة ( المكرمة لها سنتين ما جت )