دراسة اللغة في ماليزيا < ارجو الأجابة>

هلا فيك يا اخوي بالنسبه لدراسة اللغة الانجليزية في ماليزيا حاليا انا في ماليزيا لكني راجع على السعوديه بعد اسبوع لأن الحمدلله طلع النتائج تحويل البعثهوانا اتوقع بنسبه عاليه اني انقبلت في التحويل البعثه على استراليا وانا قد درست في معهد ELS الي جمب توأم البتروناس ناطحات سحاب وبالنسبه للتكلفه ترا راح تكلفك تقريبا لو انك تستخدم الترين والقطارات المعلقه مع المصروف الاقتصادي والمعهد والسكن بالنسبه لي شهريا 3000 رنقنت يعني تقريبا بالسعودي 3600 ريال بس في هناك مشكله من ناحيه السكن لك طريقتين اما تسكن في نفس السكن الي سكنت فيه فندق قدييييييييييييم مره بالشهري تدفع 800 رنقنت وبالصراحه ترا سكن مشي حال لكن احسن مافي انه ياخذ عليك التأمين وهي 800 رنقنت ولما تخلص من السكن وانت ماشي ترجع لك الفلوس وفيها المكيف نظيف والسرير كبير ودورة مياه وينظفون لك الغرفه في الاسبوع مرتين واذا كان عندك امكانيه دفع فلوس اكثر شوف لك صاحب تسكن معاه او اني بدلك على مباني اسمها قرني هايت هذا السكن يسكنون فيها الي يشتغلون في السفاره السعوديه وتعتبر نظيفه لا بأس فيها تروح تصلي في المسجد الي تحت واسأل الرجال الي يصلون فيها وتراهم هم تبع السفاره وقولهم ابغى السكن وعادي لا تنحرج منهم ترا انا برضو قد سكنت هناك وطيبين وخدومين . وممكن يدلونك على شباب ساكنين فيها ويدورون واحد ياخذ غرفه زايده بس راح تدفع تأمين تقريبا 800 رنقنت واذا وانت ماشي ولقيت زبون بدالك تاخذ فلوسك واذا ما لقيت تروح عليك الفلوس من ناحيه ثانيه للمعهد ELS فهو معهد جيد بس انصحك انك قدر الامكان ما تختلط مع عربي ولا ترا ما راح تستفيد اختلط مع كوريين .وتراه هو جمب بتروناس ناطحة السحاب وموقع حلو تصير كل يوم تتغدى فيه بس المعهد يبغالها شدة حيل لأن لو ما شديت حيلك ترا يمكن يرسبوك ومتصاعبين وفيه ناس رسبو كثير . رسومها 1300 رنقنت شهريا بس اتوقع في الاجازه الصيفيه راح تغلى إلى اكثر من 1800 كما سمعت من احد الاخوان علشان السياحه السعوديه بس فيه معلومه الدراسه في نيوزلندا ولا استراليا شهر واحد عن ثلاث شهور في ماليزيا وعن ثمانيه شهور في السعوديه بس ترا اتوقع شهرين تدرس في ماليزيا ما تكفي ابدا في دراستك واشوف انه الي يكفي انك تدرس 6 شهور لو ان لغتك مو جيد . من الاخير لو تخلص فيها مستوى 105 راح تكون تكفي وانا اشوف لو بتجي في الاجازه الصيفيه اتوقع المعهد راح يكون اغلى وممكن ادلك على معهد ثاني بس راح تكون بعيد عن وسط كوالالمبور بتقريبا 40 دقيقه بالترين أل ار تي بس انا انصحك انك تكتب في قوقل معهد انجليزي في كوالالمبور وراح تطلع لك كم معهد واقرا عنها . ترا الاهم من ناحية سكن لأن السكن صعب شوي في كوالالمبور الي علمتك اياه واذا عندك اي سؤال ثاني اسأل وراح اجاوبك

اخوي معاناه مغترب ابي منك خدمة

انا مبتعثة الى ماليزيا والى الان لم ياتي قبولي من قبل الوزارة

المهم المشكلة انو انا ابغ جامعه ukm فيها تخصصي ودراستها كورس لانوا تعرف الوزارة مو

معترفة الا بالكورس ماتبغ بحث انا لي صاحبة تدرس هنام ونفس تخصصي والحين هيا تبغ تغير

الدولة لان الجامعه رفضت قبولها بحجة انها مادرست عندها اللغه في نفس الجامعه درست في

معهد ثاني تابع للجامعه الي اعطتها الوزارة القبوول فيها وراحت للملحقية وقالوا لها اما تغير

تخصصك وهذا مشكلة ماتبغ او تغير الدولة ونصحتني انو قبل مااجي اشووف حل عشان مااقع في

نفس مشكلتها والوزراة مانعه تغيرالدول ومو راضية تعطينا الضمان المالي عشان نجيب اللقبول

بنفسنا وانا محتاااروة اش الحل وماابغ اغير تخصصي ؟؟؟

الله يستر علي قلبك ياشيخ وربي انك ذيب وسنايدي

ابي اسأل عن المعاهد وارجع ارد لك ابيكـ بسوالف

يا بعدهم والله اني محتااااااااااااس

الله يعينكم يا البنات اول شي قولي لي ايش تخصصك ممكن راح اعرف اي جامعه تروحين لها
وشي اكيد لازم تدرسين الانجليزيه في نفس الجامعه علشان يعطونك الضمان المالي
الشي الثاني اذا انتي تبغين تغيرين الدوله تقدرين بس اول شي تدرسين في الجامعه وبعدها على طول تقدمين على التحويل على دوله اخرى وبالصراحه و حظوظ بعض الاحيان تاخذها شهر ونصف وتتم التحويل وبعض الاحيان زيي مثلا اخذتها ثلاث شهور لين تمت تحويلي على استراليا لكن المشكله الجامعات الحكوميه صعب مره مره صعب تقدري تجيبين قبول عليها يعني اذا يو كي ام من الجامعات الحكوميه ترا صعب اعرف واحد نسبته 95 وما قبلوه . في حل ثاني لكن خطر عليك بصراحه وما اقدر اعطيك ضمان مني انه تدرسي تخصص ثاني في اي جامعه وبعدها تطلبين تغيير دوله ونفس الوقت تغيير تخصص في الدوله الي بتغيرين عليها بس كل الناس قبلوهم الا شخص صديق ما قبلوه علشان طلب هو تغيير تخصص غير مرغوب في الوزاره بس اهم اهم شي ان يكون التخصص هذا مرغوب لدى الوزاره . والله يعينكم انتو البنات اتذكر كان في وحده تدرس عندنا تبكي وتشكى بس ترا ما ابغى احطمك بس ترا الحياه هنا تعب شوي بس انتو البنات مشالله عليكم عندكم تحمل اكثر من الاولاد هههههه

اخوي tit هلا بك

سبق لي دراسة لغه في ماليزيا وانصحك بمعهد els موجود له فروع كثيره

فيه 10 مستويات الدراسه من 8.30 الي 3.30 خمس ايام في الأسبوع

المعهد ممتاز بس فيه عرب كثير

الشهر 1350 رنقت والسكن موجود جنبه غرف تأجر في 800 رينقت

وحط في بالك 1500 رنقت الي 2000 مصروف جيب

درست في فرع (سوبانق ) ممتاز بس للي يبي يدرس العاصمه تروح لها

15 رنقت الي 20

الله يوفقك .. اي معلومه امر .. وحنا نطامر

مشكووور اخووي معاناه مغترب والله يسرلك اموورك

بالنسبة لتخصصي تغذية علاجية ماستر ووش رايك اش السوووااه ؟

بالنسبة لدراسة اللغة فأن معهد EMS كان من افضل الأماكن الي زرتها ...حيث فصوله قليلة الطلاب من بين 5 الى 7 و لا يسمح لأكثر من ذلك ...كما انه متعدد الجنسيات و لا يوجد الكثير من العرب ...و اسعاره مررررره حلوة و منطقية و يخلص في الفيزا بثلاث اسابيع حتى شهر بالكثير