حوار تجمع كل من قدم للحصول على موافقة الوزارة للدراسه على حسابه الخاص

لا طبعاً مو عادي لازم يكون الكشف الطبي من السعودية ومستشفى حكومي
وأذا هو في أستراليا خلي أحد من أخوانك أو عيال عمك يسوي الكشف عنه الأمور كلها سهالات بس الواحد يفكر ولا يصعب ع نفسه شيء
واذا هو هنا يطبع الكشف ويسحبه من موقع الوزارة ويروح يكشف وما راح يطول أكثر شيء ثلاث أيام .


الله يوفقك أنتي ويوفق أخوك ويوفقنا جميعاً
جل التقدير

سآره هآ وصلك القبول ولآ لسى ؟!

اخواني حبيت اقول لكم استنتاجي بحسب خبرتي البسيطه بهالامور

الوزاره مسويه موضوع الموافقه لأهداف معينه واحب اشرحها بالتفصيل

1- عشان يعرفون عدد الطلاب الموجودين بالخارج ويكون عندهم احصائيه واضحه لميزانيتهم ويوزعوها بطريقتهم اللي يشوفونها لان الميزانية اللي واضعها الملك عبدالله الله يحفظه مفتوحه للدارسين على حسابهم
2- موضوع موافقة الوزارة تعتبر ترشيح او نسميها تصفية او توزيع ضخ الطلاب عالدول الخارجيه وصراحه انا اشوف ان من حقهم انهم يسوون هذا الشي
3- يساعدون الطلاب في جمع اوراقهم يعني تعتبر طريقه ارشاد عشان لا احد يوصل هناك ويقول مادريت وماحد قلي وايضا تسهيل للوزاره عشان تعيد ترتيب نفسها من خلال فتح ملفات للطلاب
4- عشان مصلحة الطالب انه يدخل جامعه معترف بها عالميا يعني ترا اعتماد الوزاره للجامعات يعتبر ضمن مقاييس دوليه مو الوزير بكيفه يقول معتمده وغير معتمده وهذا لمصلحتنا اولا واخيرا
5- اخيرا واخرا اجراءات امنيه لمعرفة مقر سكن الطالب ومين معاه ولكن بطريقه رسميه حبيه حنونيه

هذا والله اعلم

واتمنى التوفيق لجميع الدارسين على حسابهم وانا معكم

وتراني انتظر الأي توني عشان ابدأ طلب الموافقه

لا والله ياخوي ماوصلني شي
الله يستر

من اخر من قدم للوزارة للحصول على موافقه
ياريت الاخوان والاخوات يحطون عن طريق الظغط على ( رد مع اقتباس ) تاريخ تقديمهم للوزارة
نبي نشوف كم يوم يستغرق حتى يجي الرد من الوزارة بالموافقة

انا قدمت في تاريخ 11/12/2012 م

أنآ قدمت يوم 12-12-2012
حتى الرقم مميز المفروض يقبلوني , < فآضي ورآيق هههههههههههههههههههههه

قبل ساعه رجعت قدمت بعد رفض مرتين
وراح نستنى

انا قدمت بتاريخ 12-12-2012
والى الان المعاملة في الوزارة ؟؟؟؟؟؟؟

انا اليوم قدمت لي ول اخوي
وربي يكتب اللي فيه الخير
19/12/2012