حوار تجمع كل من قدم للحصول على موافقة الوزارة للدراسه على حسابه الخاص

جاااني رفض قبوول شسووي والجامعه للحين مارسلت لي القبول المشروط
نظام الجامعه لازم اخذ لي فتره بدراستي للمعهد

السلام عليكم

يا جماعه انا سويت طلب امس بالليل بتاريخ 13/1/2013

وما ارسلو لي رساله ولا شي هل هذه هي طريقتهم ؟؟

المهم اتصلت على الوزارة اليوم الصباح وبعد محاولات عدة تمكنت من التحدث لأحد موظفي شئون الإبتعاث

وشرحت له وضعي اني لازم احصل على القبول في اقرب وقت عشان اقدم الاستقالة قبل سفري بشهر ((نظام مكتب العمل ))

استغربت من رده علي

يقول

(( اذا انت صامل للسفر توكل على الله وخلص امور عملك وسافر وان شالله يجيك القبول هناك بإذن الله ))

وش رايكم ؟؟

امشي على كلامه واقدم استقالتي؟؟

ولا انتظر ياجماعه اتمنى تفيدوني

وهل فيه طريقه اقدر اسويها



ملاحظة :

احد زملائي اخذ قبول منهم وهو نفس تخصص ونفس جامعتي ونفس معهدي قبل شهر تقريبا <<< هل هذا الشي يريح

جاه القبول بعد رفض مرتين لأسباب تافهه مثل القبول مو موجود مع انه مو جود -- القبول مو واضح وسافر للرياض وخلص الموضوع المره الثالثه وجاه بنفس اليوم



آخر سؤال

ارفقت كل المستندات بأحجام اقل من ال500 كيلو بايت

يعني بعض المستندات 280 وبعضها 300 وبعضها 160


هل كذا وضعي سليم ؟؟؟؟؟


السؤال الثاني انا عندي اي توني من المعهد وقبول من الجامعه وهم طالبين قبول المعهد ... طيب كيف اجيبه لهم او يكفي اللي اعطيتهم ؟؟


اتمنى القى رد اخواني




وشكرا

السلام عليكم
انا اخوكم عبدالله الزعاقي
طالب الان متواجد بامريكا وتمت الموافقه علئ دارس حسابي الخاص
بعد مرور ثلاث اشهر وتم رفضي ثلاث مرات
والسبب تواجدي خارج السعوديه

حاب اعلمك كل شي اقدر عليه
عشان تقبل بدراسه علئ حسابك الخاص
وتروح للبلد الي تبي تدرس فيه وانت مرتاح

ي شباب اول نصيحه مني لكم
لا احد يستعجل ابد
لازم يكون بالك طويل وانشالله تخلص امورك بسهوله

اولا : ما تطلع من السعوديه الا اذا وصلتك الموافقه دارس علئ حسابك الخاص
السبب لانك بالسعوديه تقدر تجيب الموافقه في شهر او اقل انشالله
اما اذا انت برئ السعوديه يمكن تجلس 5 شهور ما تجيك الموافقه

ثانيا : شروط الموافقة دارس علئ حسابك الخاص
لازم لازم لازم تنتبه علئ كل خانه فيه نجمه حمراء
تعبيها وانت متاكد من كل حرف
حاول تتاكد 3 مرات علئ كل خانه
اسم الجامعه واسم المعهد انتبه تغلط بحرف واحد
كل الصور المطلوبه تحملها واحد ورئ الثاني
وتتاكد ميه بالميه كل ما حملتها ارجع تاكد انك حملتها ثاني مره

للمعلوميه ي شباب و ي بنات ...
لن يترم ارد عليك بالقبول او الرفض الا بعد 25 يوم
تم تحويل اوراقك للجنه - تم تحويل اوراقك للتدقيق
راح توصلك بس الرد النهائي بعد 25 يوم

عشان كذا احسب حساب كل شي من اول مره

و يا شباب اي شخص ينقصه اي شرط كان
لن يتم قبول طلبك دارس علئ حسابك الخاص

لازم توفر صوره من قبول جامعه -صوره من قبول معهد - صوره من الجواز - صوره من الهويه - صوره من الشهادة مترجمه - صوره من i 20 - وصوره من الفحص الطبي - صوره من الفيزه.

ما ابي اطول عليكم اي استفسار انا تحت امركم

ما ابي منكم الا الدعاء ي اخوان

و النعم فيك اخوي عبدالله
بس عندي ملاحظة
انا تم رفض طلبي بسبب ان الخانات اللي ما عندها نجمه حمراء ما عبيتها
لا تسيبو ولا خانه فاضية
بالتوفيق للجميع

حاب أنبه على شي صار معي انا هذا 3 طلب يرفض و اوراقي كامله و معي قبول من جامعة موصى بها في التخصص والدرجه

الرفض الاول الجامعة غير موصى بها

الرفض الثاني الدرجة العلمية غير موصى بها

الرفض الثالث القبول المشروط في تخصص متكدس

وراجعت وكالة الابتعاث ((د.هذال)) وقال لازم يكون القبول المشروط في تخصص غير متكدس , قلت يادكتور هذا قبول مشروط ع 2014 والتكدس هذا حاصل في الفترة الحاليه قال هذا النظام يا غير الجامعة او غير التخصص ورفع طلب جديد

جرى التنويه للعلم والاحاطه

السلام عليكم

انا قدمت اليوم طلب دراسه على حسابي الخاص ويوم ضغت ارسال علق الجهاز وحاولت اقدم ثانية .. يقول لي انت مقدم وطلبك تحت الإجراء.

المشكلة انه كيف اعرف رقم الطلب ؟؟ ولا ارسلوا شي على الإيميل !!

شالدبره ؟؟

وعليكم السلام
اتصل على الوزاره وعطهم رقم بطاقة الاحوال ويعطونك رقم الطلب ...
او انتظر لما تجيك رساله على الايميل.

بالتوفيق

Abdullah.Aj

اخوي اتصل على رقمهم 012688999

وخله يحولك على شئون الإبتعاث واشرح لهم مشكلتك

او انك تروح لهم الله يعينك

ياشباب وافقوا ع فتح ملف لي بس يقولي لازم ارفاق صورة من الـ i-94
وارفقتها وارسلوا مره ثانيه ارفق نفس الطلب !! مع اني ارفقته بالمره الاولى ! وتكررت هالحركه ثلاث مرات !!!
من صار معه نفس الشي؟