مساعدة أنا جاهز لأي استفسار بخصوص النظام الجديد ( قبول فتح ملف بالملحقية )

ي طويلة العمرر مو لازم تتقيدين اما بالنسبه للمحرم والله ما عندي خبر يعني ما ادري لازم تاخذين معاك او لا سوائا تبين بعثه او لا .. بس بالنسبه للملحقيه اسحبي عليها ما دام ما تبين بعثه

بس يعني انا انصحك نصيحه انك تحاولين تنضمين للبعثه احس كذا تضمنين نفسك مدري كيف يعني بس اذا الله ميسر لك امورك توكلي ع الله اختي وفقك الله

- - - مشاركة محدثة - - -

عندي احساس ان شا ء الله اليوم بيجيك الرد وخبرنا بالله اذا جاك ..

اما في حال ما جاك اصبر اليوم كامل مع غدا وبعدها حاول تتواصل معاهم بأي طريقه وتقولهم .. 0

تم الان قبل دقائق تسليم طلبي وكما قلت لكم بدون قبول جامعي ولا كشف طبي وكتبت هذا الكلام بالملاحضات تحت

لقد ارفقت جميع الاوراق المطلوبه مني لقبول فتح ملف للدراسة على الحساب الخاص ويتبقى القبول الجامعي والكشف الطبي ,, أتعهد بأن ارفقهما في الايام القليلة القدامة حيث أن موعد سفري خلال الايام القليلة القادمه وقد تم ارفاق تذكرة السفر اثباتاََ لذالك

وسأوافيكم بما سيحصل

السلام عليكم
اخوي انا شهادتي الثانويه شرعي وجاني قبول جامعي مشروط في جامعه معترف بها تخصص هندسه مكانيكيه مع العلم ان أوراقي كامله
من كشف طبي وغيره هل في اشكال

كيف يصير فية اشكال و اوراقك كامل .؟ < دام اوراقك كاكلة خلاص توكل على الله

مثل ما قال اخوي ان شا ء الله مافي اشكال ..

جزاك الله خير على هالموضوع
بس انا عندي سؤال وياليت تجاوبني اخوي

هالحين انا جاني قبول
من يومين

وتبدا دراستي بعد شهرين
الكشف الطبي من وين اجيبه !!
ولو اروح للوزاره افضل ولا اقدم على الموقع
بعدين انا فتحت الموقع وجتني اسئله كثيره والله ماعرفت اجاوب بعضــها
تكفى ياخوك لا تخليني
مع العلم ان ماعندي فيزا للحين
بقدم عليها وان شاء الله تخلص
وماحجزت تذاكر للحين وش تنصحني فيه ؟؟؟؟؟؟؟

يمكن فهمتني غلط أنا ما اقصد على الاوراق اقصد على الشهادة لانها شرعي
يعطيك الله الف عافيه انشأ الله تلتحق بالبعثه

توكل على الله عادي يقبولنها بأذن الله

بما انك كذا متلخبط كثير وعندك امور كثيره جدا ملخبطه بنظري فأنا انصحك نصيحه تروح لمكتب وينضم لك كل شي .. تروح تشرح له السالفة كلها وتخليه ينضم لك يمكن ياخذ منك فلوس لاكن عاد لازمم لان شكلك متلخبط مررره فهذي هي نصيحتي واذا أمكانيتك ما تسمح ارسلي عالخاص وبحاول اساعدك بقدر الامكان لاكن سامحني اذا تأخرت عليك

وترا لو رحت مكتب يعني بياخذ منك حق شغل يد حول 200 ريال والله يعينك حبيبي

- - - مشاركة محدثة - - -


شوف حبيبي انا اقولك توكل ع الله وروح بأذن الله مافي اشكال وما عندي اي خبره بالشهاده اذا كانت شرعي او علمي بس اتوقع باذن الله تمشي ان شا ء الله روحح توكل ع الله

بيض الله وجهك اخوي ناصر