مساعدة محتارة من وين ابدأ ...

بعد وصول الاي تونتي عليك بالخطوات التالية :

1- حجز موعد بالسفارة
بالنسبة لموعد السفارة : المقابلة موضوعها سهل جداً كلها كم سؤال عن اسم الولاية والمدينة والمعهد وعلى حساب مين طالع

ولا تنسى موضوع الفحص الطبي اللي من مستشفى حكومي ، واذا انثى موافقة ولي الأمر

وقبول الجامعة

ولااازم الجامعة تكون بنفس الولاية ، طبعا ما في قرار ينص بأن تكون الجامعة في نفس الولاية ، لكن في موقع الملحقية لما تفتح الملف وتختار الولاية بجبرك تكون الولاية فيها المعهد والجامعة

فلا تقع بفخ البعض ان الجامعة في ولاية ثانية وتتوهق بعدين بفتح الملف ويروح عليك الوقت

بالتوفيق

مثل ما قال اخوي ولكن اتوقع التفحيط بالقبول الجامعي المشروط

سهل جدا اجيب اي تونتي من معهد واطلع فيزا واجيب فحص حكومي ولكن اغلبنا بقبول الجامعه منتظرين اتمنى لك التوفيق اختي وشدي همتك ما بقي وقت كبير

يعطيكم العافيه بجد ..

يعني الآن ابدا احجز لي موعد السفارة .. بدون قبول الجامعة ..
والفحص الطبي ضروري اوديه معاي السفاره ..؟؟

لا الفحص الطبي والقبول الجامعي عشان فتح ملفك الدارس على حسابه بالوزارة

اما السفارة فهي تحتاج الاي تونتي وكشف الحساب او خطاب الضمان المالي الخ الخ الخ ماله علاقه بقبول الجامعه ولا الفحص


ولكن ابداي بكل الاتجاهات

هلا اختي لاتحتارين ولا شي انا حاليا في بورتلاند واعرف معهدك هاذ اذا جا يوم الاثنين ولا جاك الاصل اروح يوم الثلاثاء واسئلك عنه وغير كذا الاي توني الاصل علشان السفاره والدخول الى امريكا واما السفاره ماتحتاج الفحص والقبول الاكاديمي بس تحتاج الاي توني الاصل كشف الحساب والتسديد الرسوم وغيره من الاوارق العاديه هاذيك الوزاره اللي تحتاج القبول الجامعي والفحص الطبي اما السفاره لا واول مايجيك الاصل خوذي موعد وبالنسبه للوقت يمديك قبل 7 يناير بكثير وخوذيها نصيحه جيب لك لان قبول الماجستير يطول جيب لك قبول جامعي من الجامعات اللي تعطيك خلال ثلاث اسابيع قبول يعني اي كلام علشان الموافقه وبعدين وانتي تدرسين اللغه دوري لك قبول للتخصص اللي تبين والولايه اللي تبين والله يوفقك

اوكي مشكوور وصلت المعلومه .. : )

- - - مشاركة محدثة - - -

يعطيك العافيه اخوي ..
والله بول الجامعه تعبني كثير من زمان وانا ابحث وأطلب والله ييسرها ..

نصييييييييييييييييييييييحة
لا تبدين تشتغلين بموضوعك إذا وصلك الآي توني .. ابدأي من الحييييييين عشان ما تنضغطين بآخر الوقت ..
ونصيحتي لك قدمي طلب الدراسة على حسابك الخاص بدري .. مو تقدمين قبل سفرتك باسبوع ..
حاولي تقدمينها بدري وبأسرع وقت .. عندي عينات من الطلاب للأسف ما قدموا للحين وهم لهم الحين 3 أسابيع ومحيوسين ( الله يكون بعونهم ) .

ابدأي بالأهم فالأهم .. الآن انتظري الآي توني لين يجيك .. في الفترة هذه قدمي على السفارة وخذي موعد .. وخلي موعدك يكون بعد وصول الآي توني باسبوع .. احتياطاً يعني ..
بعد كذا ابدأي مباشرة بالبحث عن القبول الجامعي لأن القبول ياخذ وقت لين يوصلك ..
ولا تعتمدين على جامعة وحدة .. اطلبي من أكثر من جامعة بوقت واحد .. بعضهم يرد والبعض يرفض والبعض يتأخر .. فلذلك لا تشتغلين على جامعة وحده فقط .. اشتغلي على 5 جامعات بوقت واحد ..

بعد كذا ابدأي في الكشف الطبي .. الكشف الطبي بالنسبة لي أنا رحت للمستشفى العسكري بالرياض ( لأني أصلاً بالرياض ساكن ) وروحي قسم رجال الأعمال وافتحي ملف وسوي الكشوفات .. وتخلص في اسبوع ..
لأن المستشفيات الحكومية ممكن تتأخر بالمواعيد و و و الخ .!

إذا جبتي هذه كلها .. ابدأي مباشرة في فتح الملف الموافقة .. وطريقة فتح الملف سهله , فقط سوي سكان لجميع المستندات .. ثم بعدها ابدأي بالتقديم.. الشغلة سهله

والله يوفق الجميع يارب ..

يعطيك العافيه بجد ..
الاي توني ان شائ الله يوصل اليوم على حسب التتبع بالموقع .. لقيته وصل الرياض وللدمام .. يعني الحمد لله وعندي نسخه بالايميل راسلينه ..

ببدا احجز الموعد على بكره بسبب تأخر الصور ..
لكن انا بمشكله قبول الجامعات قدمت على كثييييييييييييييييييييييييييير وللأسف كلهم رافضين القبول المشروط وموقفينه بأغلب الجامعات وهو اللي معطلني ...
لكن بظل ابحث وابحث ويا رب تتسهل ..

بالنسبه للفحص الطبي .. اعتقد انه مشروط بمستشفى حكومي .. انا طبعته وبكره ان شاء الله بروح وبشوف وضعهم ... والله كريم