استفسار عن قبول الدراسه على حسابي الخاص خصوصا اني موظف

انت موظف وخاصة (((((((((معلم)))))))))))) <<< لاحظ معلم تابع لوزارة التعقيد شرط تحصل على اجازة دراسية واللي لها شروط خاصة ( لانهم يحاربون التعليم اصلا) المهم شروطها الا يقل خدمتك عن ثلاث سنوات باداء وظيفي لايقل عن جيد جدا

ومعك قبول جامعي معترف فيه ومصدق من الملحقية يعني بعد ما يجيك القبول تخاطب الملحقية عن طريق الاميل وترسل لهم نسخة من قبولك عشان يتم تصديقة وبعدين اذا رحت ادارة شؤن الابتعاث لازم يكون معك ملف اخضر فيه وثيقة التخرج صورة من الهوية الوطنية اظن كشف درجاتك وبعد الاداء الوظيفي لاخر سنتين وصورة من القبول الاصل والنسخة المصدقة من الملحقية ولا تنسى بعد تترجم قبولك اذا كان من جامعة اجنبية وباللغة الانجليزية ربعنا ( بوزارة التنكيل) ماستر ودكتوراة وماعندهم لغة ترى


بعد ما تطلع اجازتك الدراسية واللي هي حاليا ماصارت تاخذ وقت لانها ما ترفع للوزارة مثل زمان بس تروح لادارة التعليم بنفس منطقتك تاخذ اجازتك مع باقي طلبات الملحقية وتقدم طلب دراسة على حسابك الخاص


طبعا الاجازة الدراسية بدون راتب نهائي لكن تاخذ الدرجة المستحقة لك كل عام وكانك على راس العمل هذي الميزة الوحيدة فيها ... بالتوفيق اتمنى تكون استفدت

اخوي انا بجيب قبول الجامعه(عادي يكون قبول مشروط؟)
بس مالهم علاقه بالمعهد؟
خدمتي اكثر من ثلاث سنوات(كيف اثبتها)(ومن وين اجيب الاداء الوضيفي حق السنه الماضيه واللي قبلها؟)
ادارة شؤن الابتعاث(وينهم في إدارة التعليم او في الوزارة؟)

مهم جدا انا بروح ادرس لغة ثم ارجع واجلس ممكن ٦شهور ثم ارجع اكمل دراستي
متى تبدا الاجازة؟
ليش ماروح اخذ لغه واقدم اجازة استثناءيه وبعدين ارجع واضبط وضعي مع الجامعه؟ ايش رايك واقدم علي اجازة دراسيه؟

تكفى نورني

QUOTE=سامي الفريدي;1062264495]اخوي انا بجيب قبول الجامعه(عادي يكون قبول مشروط؟)
اي عادي قبول مشروط
بس مالهم علاقه بالمعهد؟ لا اذا بتدرس بس لغة ما تقدر تاخذ اجازة دراسية
خدمتي اكثر من ثلاث سنوات(كيف اثبتها)(ومن وين اجيب الاداء الوضيفي حق السنه الماضيه واللي قبلها؟)
تجيب القبول المشروط وباقي الطلبات وتاخذ الاداء الوظيفي من نفس مدرستك من عند وكيل شؤن المعلمين بالمدرسة وتوديها لادارة شؤن المعلمين قسم الابتعاث وتكمل اجراءاتك
ادارة شؤن الابتعاث(وينهم في إدارة التعليم او في الوزارة؟)
في ادارة التعليم بنفس منطقتك

مهم جدا انا بروح ادرس لغة ثم ارجع واجلس ممكن ٦شهور ثم ارجع اكمل دراستي
وليه مو من الاول تاخذ اجازة دراسية مدتها ثلاث سنوات ندرس لغة وتكمل الماستر ترى هم عارفين انك تحتاج لغة والاجازة مدتها ثلاث سنوات تكفيك
متى تبدا الاجازة؟ متى ما تطلبها منهم وعادة تكون في بداية كل فصل دراسي
ليش ماروح اخذ لغه واقدم اجازة استثناءيه وبعدين ارجع واضبط وضعي مع الجامعه؟ ايش رايك واقدم علي اجازة دراسيه؟
الاجازة الاستثنائية لاتخدمك ولا تحسب من خدمتك وبدل الروحة والردة ضبط كل امورك واطلع باجازة دراسية تقدر تقدم فيها طلب الحاق بالبعثة والراي الاول والاخير لك

ترى نصيحة ابعد عن بريطانيا واستراليا والدول اللي مقفل فيها الالحاق

تكفى نورني[/QUOTE]

ثلاث سنوات كثير لو ارجع قبل تنتهي وش اسوي؟
اقدر ارجع للدوام عادي؟

اولا ثلاث سنوات مو كثير

اذا خلصت دراستك قبل ثلاث سنوات عادي خلاص تقطع اجازتك الدراسية وترجع لدوامك عادي

واهم شي انك تقدم لهم نسخة عن الشهادة اللي حصلت عليها اولا عشان يتحسن مستواك للسادس وتثبت انك درسة


وترجع دوامك عادي .. بالتوفيق